| ຫວຽດນາມ ໄດ້ຮັບເລືອກຕັ້ງເຂົ້າເປັນສະມາຊິກສະພາບໍລິຫານງານ UNESCO | |
| ຫວຽດນາມ ແມ່ນສະມາຊິກຕັ້ງໜ້າ, ມີບົດບາດສຳຄັນໃນອົງການ UNESCO |
ໃນສອງວັນແຕ່ວັນທີ 15 ຫາ 16 ມີນາ ທີ່ສຳນັກງານອົງການການສຶກສາ, ວິທະຍາສາດ ແລະ ວັດທະນະທຳ ສະຫະປະຊາຊາດ (ຢູເນັດສະໂກ) ທີ່ນະຄອນຫຼວງປາຣີດ, ສະພາບໍລິຫານຢູເນັດສະໂກ ໄດ້ປະຊຸມພິເສດເພື່ອຫາລືກ່ຽວກັບຜົນກະທົບຂອງສະຖານະການທີ່ຢູເຄຣນໃນຂົງເຂດຕ່າງໆທີ່ນອນໃນສິດອຳນາດຂອງຢູເນັດສະໂກ.
ມີຄຳເຫັນໃນກອງປະຊຸມໂດຍທ່ານເອກອັກຄະລັດຖະທູດ ເລທິຮົ່ງເວິ່ນ, ຫົວໜ້າຄະນະຜູ້ແທນຖາວອນຫວຽດນາມປະຈຳຢູເນັດສະໂກ ຊຶ່ງໄດ້ສະແດງຄວາມກົງວົນຂອງຫວຽດນາມກ່ຽວກັບສະຖານະການປະກັນທາງອາວຸດໃນປັດຈຸບັນຢູ່ຢູເຄຣນ. ທ່ານເອກອັກຄະລັດຖະທູດກໍເນັ້ນໜັກເຖິງຄວາມຈຳເປັນທີ່ຕ້ອງຮັບປະກັນຄວາມປອດໄພ, ຄວາມສະຫງົບໃຫ້ແກ່ພື້ນຖານພົນລະເຮືອນຕ່າງໆ ເຊັ່ນ: ໂຮງຮຽນ, ອະນຸສອນສະຖານ, ວັດທະນະທຳສິ່ງກໍ່ສ້າງ, ຂໍ້ມູນຂ່າວສານເຜີຍແຜ່ຕາມກົດໝາຍມະນຸດສະທຳສາກົນ. ໂດຍສະເພາະກໍຕ້ອງປົກປ້ອງມໍຣະດົກຕ່າງໆພາຍໃຕ້ທຸກຮູບແບບ ເພື່ອຮັກສາໄວ້ໃຫ້ແກ່ຄົນລຸ້ນຕໍ່ໄປ.
 |
| ພາບປະກອບ: vovworld.vn |
ທ່ານເອກອັກຄະລັດຖະທູດ ເລທິຮົ່ງເວິ່ນ ຮຽກລະດົມປະຊາຄົມສາກົນສືບຕໍ່ສະໜັລສະໜູນ ແລະ ອຳນວຍຄວາມສະດວກໃຫ້ແກ່ການເຈລະຈາລະຫວ່າງບັນດາຝ່າຍ, ເພີ່ມຄວາມພະຍາຍາມການຊ່ວຍເຫຼືອທາງດ້ານມະນຸດສະທຳໃຫ້ແກ່ປະຊາຊົນທົ່ວໄປ. ແຕ່ລະຝ່າຍຕ້ອງຮັບປະກັນຄວາມສະຫງົບ, ຄວາມປອດໄພ ແລະ ສ້າງເງື່ອນໄຂໃນການອົບພະຍົມໃຫ້ແກ່ພົນລະເມືອງຕ່າງປະເທດທີ່ອາໄສຢູ່ຢູເຄຣນ, ລວມທັງພົນລະເມືອງຫວຽດນາມຢູ່ທີ່ນີ້ ໂດຍບໍ່ໃຫ້ຈຳແນກເລືອກປະຕິບັດທາງດ້ານຕົ້ນກຳເນີດ, ເຊື້ອຊາດ, ສັນຊາດ ຫຼື ຊົນເຜົ່າ.
ທ່ານເອກອັກຄະລັດຖະທູດສະເໜີໃຫ້ຢູເນັດສະໂກເສີມຂະຫຍາຍບົດບາດຄວາມສາມັກຄີ ແລະ ສົ່ງເສີມຄວາມພະຍາຍາມຕ່າງໆຢ່າງມີມະນຸດສະທຳ, ຊຸກຍູ້ “ຄວາມສາມັກຄີທາງສະຕິປັນຍາ ແລະ ສິນລະທຳຂອງມວນມະນຸດ” ສ້າງໂລກແຫ່ງສັນຕິພາບ, ຍືນຍົງ ແລະ ເພີ່ງພາຕົນເອງ.
ວິລະຊົນ
