ສະຫະພັນບັນດາສະມາຄົມມິດຕະພາບ

ຫວຽດນາມ ແມ່ນສະມາຊິກຕັ້ງໜ້າ, ມີບົດບາດສຳຄັນໃນອົງການ UNESCO

21:40 | 29/07/2021

ຍສໝ - ພາຍຫຼັງເຂົ້າຮ່ວມອົງການການສຶກສາ, ວິທະຍາສາດ ແລະວັດທະນະທໍາຂອງສະຫະປະຊາຊາດ (UNESCO) ເປັນເວລາ 45 ປີ, ຫວຽດນາມ ຍາມໃດກໍແມ່ນສະມາຊິກທີ່່ເຄື່ອນໄຫວຢ່າງຫ້າວຫັນ, ຕັ້ງໜ້າ ແລະ ເຮັດວຽກດ້ວຍການມຸ່ງໄປເຖິງເປົ້າໝາຍທີ່ສູງກວ່າ.

ຫວຽດນາມ ໜູນຊ່ວຍລາວ ປັບປຸງສໍານວນເອກະສານເຂດອະນຸລັກຮັກສາທໍາມະຊາດຍື່ນສະເໜີຕໍ່ UNESCO ຫວຽດນາມ ໜູນຊ່ວຍລາວ ປັບປຸງສໍານວນເອກະສານເຂດອະນຸລັກຮັກສາທໍາມະຊາດຍື່ນສະເໜີຕໍ່ UNESCO
ອົງການ UNESCO ຢາກຮ່ວມເດີນທາງກັບ VUFO ໃນໂຄງການ ອົງການ UNESCO ຢາກຮ່ວມເດີນທາງກັບ VUFO ໃນໂຄງການ "ເຊີດຊູບັນດາວິລະຊົນອັນງຽບໆ"
ທ່ານ Michael Croft, ຫົວໜ້າຄະນະຜູ້ຕາງໜ້າອົງການ UNESCO ປະຈຳ ຫວຽດນາມ (ພາບ: TTXVN)
ທ່ານ Michael Croft, ຫົວໜ້າຄະນະຜູ້ຕາງໜ້າອົງການ UNESCO ປະຈຳ ຫວຽດນາມ (ພາບ: TTXVN)

ທ່ານ Michael Croft, ຫົວໜ້າຄະນະຜູ້ຕາງໜ້າອົງການ UNESCO ປະຈຳ ຫວຽດນາມ ມີຄຳເຫັນຄື​ແນວນັ້ນເມື່ອເວົ້າເຖິງການປະກອບສ່ວນຂອງຫວຽດນາມພາຍຫຼັງ​ທີ່ເຂົ້າຮ່ວມ UNESCO. ຕາມທ່ານ Michael Croft ແລ້ວ, ຫວຽດນາມ ໄດ້ມີການປະກອບສ່ວນຢ່າງຕັ້ງໜ້າທີ່ສຸດໃຫ້ແກ່ອົງການນີ້. ຫວຽດນາມ ແມ່ນປະເທດສະມາຊິກທີ່ມີການເຄື່ອນໄຫວຢ່າງຕັ້ງໜ້າໃນວຽກງານນຳພາໃນຫຼາຍຄະນະກຳມະການທີ່ແຕກຕ່າງກັນຂອງອົງການ UNESCO. ຫວຽດນາມ ກໍໜູນຊ່ວຍຫຼາຍຢ່າງໃຫ້ແກ່ການຜັນຂະຫຍາຍມະຕິສະບັບຕ່າງໆ ແລະ ສົນທິສັນຍາສະບັບໃໝ່ໃນຂົງເຂດວັດທະນະທຳ.

ຫວຽດນາມໄດ້ສະແດງໃຫ້ເຫັນຢ່າງຈະແຈ້ງຕໍ່ບັນດາປະເທດສະມາຊິກອື່ນໆກ່ຽວກັບວິທີການເພື່ອ​ສາ​ມາດນຳໃຊ້ບັນດານາມມະຍົດທີ່ໄດ້ຮັບການຮັບຮອງຈາກ UNESCO ເປັນຢ່າງດີຄື: “ມໍລະດົກໂລກ”, “ສວນສາທາລະນະທໍລະນີສາດ”, “ເຂດສະ​ຫງວນ​ຊີ​ວະ​ພາບໂລກ”...ໄດ້ກາຍເປັນພາຫະນະສໍາລັບການພັດທະນາຂອງຫວຽດນາມ.

ຜູ້ຕາງໜ້າອົງການ UNESCO ຢັ້ງຢືນວ່າ ຫວຽດນາມ ຍາມໃດກໍແມ່ນສະມາຊິກທີ່່ເຄື່ອນໄຫວຢ່າງຫ້າວຫັນ, ຕັ້ງໜ້າ ແລະ ເຮັດວຽກດ້ວຍການມຸ່ງໄປເຖິງເປົ້າໝາຍທີ່ສູງກວ່າ. UNESCO ແມ່ນເວທີປາໄສທີ່ຊ່ວຍໃຫ້ ຫວຽດນາມ ປົກປ້ອງສິດຜົນປະໂຫຍດ, ຍົກສູງທີ່ຕັ້ງບົດບາດ ແລະ ອິດທິພົນຊື່ສຽງຂອງປະເທດຊາດ, ເປັນເຈົ້າການຜັນຂະຫຍາຍການເຊື່ອມໂຍງເຂົ້າກັບສາກົນໃນຂົງເຂດວັດທະນະທຳຢ່າງມີປະສິດທິຜົນ.

ໄຊພອນ

ເຫດການ