| ຂໍ້ມູນກ່ຽວກັບວິທີການຮັບຊາວຫວຽດນາມ ຈາກຢູແກຼນ ກັບເມືອປະເທດ | |
| ຫວຽດນາມ ຢັ້ງຢືນຫຼັກໝັ້ນສະເໝີຕົ້ນສະເໝີປາຍກ່ຽວກັບການແກ້ໄຂການຂັດແຍ້ງສາກົນໂດຍສັນຕິວິທີ |
 |
| ພາບປະກອບ: TTXVN |
ກ່າວຄຳເຫັນທີ່ກອງປະຊຸມ, ທ່ານນາງ ເລທິມິງທວາ ອຸປະທູດ, ຮອງຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສປຊ ໄດ້ແບ່ງປັນຄວາມວິຕົກກັງວົນ ກ່ຽວກັບສິ່ງທ້າທາຍຈາກການປ່ຽນແປງຂອງດິນຟ້າອາກາດເຮັດໃຫ້ປະຊາຊົນນັບຫຼາຍລ້ານຄົນບໍ່ມີເຮືອນຢູ່, ເຮັດໃຫ້ອາດຊະຍາກຳຂ້າມຊາຍແດນຮ້າຍແຮງຂຶ້ນຕື່ມ, ໂດຍສະເພາະແມ່ນຢູ່ເຂດໄດ້ຮັບຜົນສະທ້ອນຈາກການປະທະກັນ. ຜູ້ຕາງໜ້າ ຫວຽດນາມ ຮຽກຮ້ອງເພີ່ມທະວີການພົວພັນຄູ່ຮ່ວມມື ແລະ ສົມທົບໃນທົ່ວລະບົບ ສປຊ ເພື່ອແກ້ໄຂບັນຫາການປ່ຽນແປງຂອງດິນຟ້າອາກາດ, ໜູນຊ່ວຍມະນຸດສະທຳ ແລະ ສ້າງຄືນໃໝ່ພາຍຫຼັງການປະທະກັນ.
ທ່ານນາງ ເລທິມິງທວາ ເນັ້ນໜັກວ່າ ໂດຍແມ່ນໜຶ່ງໃນບັນດາປະເທດທີ່ໄດ້ຮັບຜົນສະທ້ອນຢ່າງໜັກໜ່ວງທີ່ສຸດ, ຫວຽດນາມ ພວມມານະພະຍາຍາມຫຼຸດຜ່ອນຜົນກະທົບຫຍໍ້ທໍ້ຈາກການປ່ຽນແປງຂອງດິນຟ້າອາກາດ ໃຫ້ຢູ່ໃນລະດັບຕ່ຳສຸດ ແລະ ຮັບປະກັນການປ່ອຍອາຍພິດລົງລະດັບ 0 ໃນປີ 2050. ຫວຽດນາມ ໃຫ້ຄຳໝັ້ນສັນຍາ ຈະສືບຕໍ່ເຂົ້າຮ່ວມຄວາມມານະພະຍາຍາມຂອງສາກົນ, ຊຸກຍູ້ການພົວພັນຄູ່ຮ່ວມມື ແລະ ການເງິນ ເພື່ອຮັບມືກັບການປ່ຽນແປງຂອງດິນຟ້າອາກາດ.
ບຸນຄົງ
