| ປະຊາຄົມຊາວຫວຽດນາມ ຢູ່ມາກາວ ພົບປະສັງສັນເນື່ອງໃນໂອກາດວັນແມ່ຍິງສາກົນ ທີ່ 8 ມີນາ | |
| ນາຍົກລັດຖະມົນຕີພົບປະແມ່ຍິງຕົວແບບດີເດັ່ນເນື່ອງໃນໂອກາດວັນແມ່ຍິງສາກົນ 8 ມີນາ |
ຕາມນັ້ນແລ້ວ, ມີ 378 ບຸກຄົນ ໄດ້ຮັບໃບຢັ້ງຢືນ ນາຍທະຫານຍິງດີເດັ່ນ ໄລຍະ 2012 – 2022 ຂອງລັດຖະມົນຕີກະຊວງປ້ອງກັນປະເທດ ເພື່ອຮັບຮູ້ການປະກອບສ່ວນຂອງສະມາຊິກແມ່ຍິງທີ່ມີລະດັບວິທະຍາຖານະສູງ, ໄດ້ຮັບນາມມະຍົດອັນສູງສົ່ງຫຼາຍຄັ້ງ, ບັນລຸໄດ້ບັນດາຜົນງານດີເດັ່ນຢູ່ລະດັບຊາດ, ພາກພື້ນ, ສາກົນ ແລະ ໄດ້ປະກອບສ່ວນຫຼາຍຢ່າງເຂົ້າໃນວຽກງານທະຫານຍິງ.
 |
| ກະຊວງປ້ອງກັນຊາດ ໄດ້ເຊີດຊູນາຍທະຫານຍິງດີເດັ່ນ 378 ຄົນ. ພາບ:m.baophapluat.vn |
ທ່ານພົນເອກ ເລືອງເກື່ອງ, ຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ ຢືນຢັນວ່າ: ໃນຊຸມປີມໍ່ໆມານີ້, ທະຫານຍິງ ໄດ້ປະກອບສ່ວນອັນໃຫຍ່ຫຼວງ ແລະ ຕັ້ງໜ້າເຂົ້າໃນຫຼາຍເນື້ອໃນ, ໜ້າທີ່, ຂົງເຂດວຽກງານ ຄື: ການຄົ້ນຄວ້າວິທະຍາສາດ, ສິດສອນ, ການແພດການທະຫານ, ສື່ມວນຊົນ, ການປ້ອງກັນໄພພິບັດທໍາມະຊາດ, ພາຍຸ ແລະ ນ້ໍາຖ້ວມ, ການລະບາດຂອງພະຍາດ, ວັດທະນະທໍາ ແລະ ສິລະປະ, ກິລາ, ເຂົ້າຮ່ວມກິດຈະກໍາຮັກສາສັນຕິພາບຂອງສະຫະປະຊາຊາດ.
ທ່ານພົນເອກ ເລືອງເກື່ອງ ຮຽກຮ້ອງຝຫ້ຄະນະກຳມະການເພື່ອຄວາມກ້າວໜ້າຂອງແມ່ຍິງທຸກຂັ້ນ ຄວນຜັນຂະຫຍາຍບົດບາດ, ເປັນເສນາທິການຢ່າງທັນການ, ສະເໜີປະກາດໃຊ້ແຜນນະໂຍບາຍການນຳພາ, ຊີ້ນຳ, ສ້າງບັນດາໂຄງການ, ເນື້ອໃນ ແລະ ມາດຕະການ, ລະບອບ ແລະ ນະໂຍບາຍສະເພາະ ເພື່ອການຜັນຂະຫຍາຍວຽກງານຂອງແມ່ຍິງຢ່າງຮອບດ້ານ.
ພ້ອມກັນນັ້ນ, ກໍ່ເປັນເຈົ້າການສ້າງແຫຼ່ງການວາງແຜນຜັງ, ບຳລຸງສ້າງພະນັກງານເພດຍິງ, ໂດຍສະເພາະ ແມ່ນບັນດາໜ່ວຍງານພິເສດ ທີ່ມີເພດຍິງເປັນຈຳນວນຫຼາຍ ແລະ ບັນດາຫົວໜ່ວຍທີ່ມີເງື່ອນໄຂ ເພື່ອພັດທະນາພະນັກງານເພດຍິງ; ຄົ້ນຄວ້າ ແລະ ຊັບຊ້ອນການຈັດຕັ້ງການເຮັດວຽກ ໃຫ້ເໝາະສົມກັບວິຊາສະເພາະ, ກຳລັງຄວາມສາມາດ, ຄວາມມັກຮັກ ແລະ ສະພາບຄອບຄົວຂອງສະມາຊິກແມ່ຍິງ, ໂດຍສະເພາະ ແມ່ນຜູ້ຢູ່ເຂດຫ່າງໄກສອກຫຼີກ ແລະ ມີຄວາມຫຍຸ້ງຍາກພິເສດ.
ຄຳຮຸ່ງ
