| ງານວາງສະແດງວັດທະນະທຳເຕັດຫວຽດນາມທີ່ພົ້ນເດັ່ນ ຢູ່ ອົດສະຕາລີ | |
| ການຮ່ວມມືໂຄສະນາຮູບເງົາ ແລະ ວັດທະນະທຳຫວຽດນາມ ຢູ່ Netflix |
ທ່ານ ຫວູຫວຽດຢຸ້ງ ເອກອັກຄະລັດຖະທູດ ສສ ຫວຽດນາມ ປະຈຳຊາອຸດິອາຣາເບຍ ໃຫ້ຊາບວ່າ, ຫວຽດນາມຮັກສາມູນເຊື້ອໝູ່ບ້ານຫັດຖະກຳພື້ນເມືອງຕ່າງໆທີ່ຜະລິດເຄື່ອງມີຫາປາປະເພດຕ່າງໆ ນັບແຕ່ເຂດພູດອຍຈົນຮອດເຂດທົ່ງພຽງ, ແຕ່ເໜືອຮອດໃຕ້; ບາງປະເພດເຄື່ອງມືຫາປາໄດ້ຖືກປັບປ່ຽນເປົ້າໝາຍການນຳໃຊ້ໃຫ້ແກ່ການດຳລົງຊີວິດທີ່ທັນສະໄໝ ເປັນຕົ້ນເຮືອກະບຸ່ງ, ເຮືອກາບນ້ອຍ ທີ່ຖືກນຳໃຊ້ເປັນພາຫະນະພານັກທ່ອງທ່ຽວລ່ອງແມ່ນ້ຳ…
 |
| ການນຳສະເໜີເຄື່ອງມືຫາປາແບບພື້ນເມືອງດັ້ງເດີມຂອງຫວຽດນາມຢູ່ປະເທດຊາອຸດິອາຣາເບຍ. ພາບ: baoquocte.vn |
ໃນພື້ນທີ່ວາງສະແດງຜົນງານທາງວັດທະນະທຳຂອງອາຣັບ, ຊາອຸດິນັ້ນ ມຸມສະແດງເຄື່ອງມືຫາປາພື້ນເມືອງດັ້ງເດີມຂອງຫວຽດນາມໄດ້ຖືກຈັດສັນໃຫ້ຢ່າງກົມກຽວດັ່ງເປັນຈຸດເດັ່ນໜຶ່ງ ຮ່ວມກັບບົດນຳສະເໜີກ່ຽວກັບເຄື່ອງມືຫາປະເພດຕ່າງໆດ້ວຍພາສາຫວຽດນາມ ແລະ ພາສາອາຣັບ.
ຈຳນວນເຄື່ອງມືຫາປາທີ່ຖືກນຳມາວາງສະແດງປະກອບມີປະເພດໄຊ, ຂ້ອງ, ລີ່, ກະດຸ້ງ, ສ້ອນ, ຊູ່ມ, ເຂີງ ດ້ວຍຂະໜາດທີ່ແຕກຕ່າງກັນ; ແຫ, ມອງ, ເຮືອກະບຸງ, ເຮືອກາບນ້ອຍ ຈາກທົ່ວທຸກພາກຂອງປະເທດໄດ້ຖືກສົ່ງມາແຕ່ຫວຽດນາມໃຫ້ສະຖານທູດມອບໃຫ້ພິພິດຕະພັນໃນຫຼາຍເດືອນກ່ອນໜ້ານີ້.
ພິພິດຕະພັນ Alfelwah & Aljowharah ເປີດໃຫ້ເຂົ້າຊົມຄືນໃໝ່ເພື່ອຕ້ອນຮັບນັກທ່ອງທ່ຽວໃນວັນທີ 22 ກຸມພາ - ກົງກັບວັນລະນຶກການສະຖາປະນາຊາອຸດິອາຣະເບຍ (Founding Day) ເຫດນັ້ນເອງ ການເປີດມຸມສະແດງເຄື່ອງມືຫາປາຂອງຫວຽດນາມຫຼັງຈາກນັ້ນທັນທີ ແມ່ນຝ່າຍເພື່ອນບ້ານຖືເປັນໜຶ່ງໃນບັນດາເຫດການທີ່ສຳຄັນພິເສດ.
ທ່ານ Abdullah Mohammed Al-Harbi ຫົວໜ້າພະແນກການຕ່າງປະເທດ ພື້ນທີ່ພາກຕາເວັນອອກ ແລະ ທ່ານ Edginton ກົງສູນໃຫຍ່ອາເມລິການ ປະຈຳພາກຕາເວັນອອກ ສະແດງຄວາມຊົມຊື່ນຕໍ່ກັບຄວາມພະຍາຍາມທາງການທູດວັດທະນະທຳຂອງສະຖານທູດ, ເປັນການປະກອບສ່ວນເຮັດໃຫ້ປະຊາຊົນຫວຽດນາມ ແລະ ປະຊາຊົນຊາອຸດິເຂົ້າເຖິງໃຫ້ກັນຍິ່ງຂຶ້ນ.
ວິລະຊົນ
