 |
| ການຮ່ວມມືໂຄສະນາຮູບເງົາ ແລະ ວັດທະນະທຳຫວຽດນາມ ຢູ່ Netflix. ພາບ: toquoc.vn |
ບົດບັນທຶກຊ່ວຍຈຳການຮ່ວມມືໃນ 3 ປີ ເພື່ອແນໃສ່ໂຄສະນາຮູບເງົາ, ວັດທະນະທຳ ຫວຽດນາມ ໄປສູ່ທົ່ວໂລກ ບົນພື້ນຖານນີ້.
ພິທີປະກາດການລົງນາມບົດບັນທຶກຊ່ວຍຈຳສະບັບນີ້ ໄດ້ສະແດງໃຫ້ເຫັນການຈັດຕັ້ງພ້ອມກັບພິທີປຸກລະດົມຍຸດທະສາດ “ຮູບເງົາ ຫວຽດນາມ: ເສັ້ນທາງພັດທະນາແບບຍືນຍົງ”.
Netflix ແມ່ນການບໍລິການບັນເທີງອອກອາກາດແບບທາງໄກແຖວໜ້າໂລກ ດ້ວຍສະມາຊິກທີ່ຈ່າຍເງິນກ່ວາ 214 ລ້ານສະມາຊິກ ຢູ່ກ່ວາ 190 ປະເທດ ແລະ ເຂດແຄ້ວນ, ອະນຸຍາດໃຫ້ເຂົາເຈົ້າຊົມຮູບເງົາ, ຮູບເງົາເອກະສານ ແລະ ເກມຕ່າງໆ ຢູ່ໂທລະສັບສະມາດໂຟນ ດ້ວຍຫຼາຍຊະນິດ ແລະ ພາສາ. ຢູ່ ຫວຽດນາມ, Netflix ພວມຄ່ອຍໆກາຍເປັນການບໍລິການ ບັນເທິງທາງໄກທົ່ວໄປ ແລະ ສາງຮູບເງົາຂະໜາດໃຫຍ່ ໂດຍໄດ້ຮັບການອັບເດດຢ່າງຕໍ່ເນື່ອງ.
ທ່ານນາງ ຫງວຽດ ຫງວຽນ Phillips - ຜູ້ອຳນວຍການນະໂຍບາຍພາກລັດ ເຂດອາຊີຕາເວັນອອກສ່ຽງໃຕ້ຂອງ Netflix ກ່າວວ່າ: “Netflix ມີຄວາມເຊື່ອໝັ້ນວ່າ ການຕະຫຼາດ ຫວຽດນາມ ແມ່ນການຕະຫຼາດທີ່ມີກຳລັງຄວາມສາມາດບົ່ມຊ້ອນ ແລະ ສວມບົດບາດບໍ່ແມ່ນໜ້ອຍໃນກະແສຂອງຂະແໜງອຸດສາຫະກຳ ຮູບເງົາເວົ້າສະເພາະ ກໍ່ຄືພື້ນຖານເສດຖະກິດປະດິດຄິດສ້າງເວົ້າລວມ ໃນພາກພື້ນ ອາຊີຕາເວັນອອກສ່ຽງໃຕ້ ແລະ ໃນທົ່ວໂລກ. ດັ່ງນັ້ນ ພວກຂ້າພະເຈົ້າຢາກປະກອບສ່ວນ ແລະ ໜູນຊ່ວຍພື້ນຖານຮູບເງົາ ຫວຽດນາມ ພັດທະນາ ກໍ່ຄືໂຄສະນາພື້ນຖານວັດທະນະທຳ ຫວຽດນາມ ອອກສູ່ໂລກ”.
ການຮ່ວມມືຄັ້ງທຳອິດ ລະຫວ່າງ Netflix ແລະ VFDA ແມ່ນພິທີປຸກລະດົມໂຄງການ “ຮູບເງົາ ຫວຽດນາມ: ເສັ້ນທາງມຸ່ງໄປເຖິງການພັດທະນາແບບຍືນຍົງ” ເພື່ອແນໃສ່ສ້າງບັນດາຂໍ້ລິເລີ່ມແບບຍືນຍົງໃນຂົງເຂດຮູບເງົາ ແລະ ບັນເທີງ, “ຮູບເງົາ ຫວຽດນາມ: ເສັ້ນທາງມຸ່ງໄປເຖິງການພັດທະນາແບບຍືນຍົງ” ແມ່ນສ່ວນໜຶ່ງຂອງຂໍ້ລິເລີ່ມ “ຮູບເງົາ ອາຊີຕາເວັນອອກສ່ຽງໃຕ້: ເສັ້ນທາງມຸ່ງໄປເຖິງການພັດທະນາແບບຍືນຍົງ” ຂອງ Netflix ໄດ້ເລີ່ມຕົ້ນແຕ່ເດືອນ ພະຈິກປີ 2021.
ໄປຄຽງຄູ່ກັນນັ້ນ, ການປະກວດຮູບເງົາສັ້ນຂອງ VFDA ຈັດຕັ້ງຈະຮັບຮູບເງົາເຂົ້າຮ່ວມການປະກວດນັບແຕ່ປັດຈຸບັນຈົນຮອດວັນທີ 31 ກໍລະກົດ ປີ 2022 ແລະ ຄາດວ່າ ຈະມອບລາງວັນໃນໂອກາດວັນທີ 2 ກັນຍາ ປີ 2022 ດ້ວຍລາງວັນສູງສຸດ ແມ່ນ 100 ລ້ານດົ່ງ.
ບຸນຄົງ
