ຫວຽດນາມ ຍາມໃດກໍ່ເອົາໃຈໃສ່ ແລະຕິດຕາມກວດກາສະພາບການຢູ່ ຢູແກຼນ ຢ່າງໃກ້ຊິດ, ກໍ່ຄືວຽກງານປົກປ້ອງພົນລະເມືອງ ແລະຊາວຫວຽດນາມ ທີ່ອາໄສ ແລະ ເຮັດວຽກຢູ່ທີ່ນີ້. ດ້ວຍຈິດໃຈນັ້ນ, ກະຊວງການຕ່າງປະເທດໄດ້ຊີ້ນຳສະຖານທູດຫວຽດນາມ ປະຈຳ ຢູແກຼນ ໄປຍັງບາງສະຖານທີ່ຊາວຫວຽດນາມ ອາໄສຢູ່ໂດຍກົງ ເພື່ອຢ້ຽມຢາມຖາມຂ່າວພໍ່ແມ່ປະຊາຊົນ ແລະຊອກຮູ້ສະພາບຕົວຈິງ. ມາຮອດປະຈຸບັນ, ສະພາບການຊາວຫວຽດນາມ ຢູ່ ຢູແກຼນ ຍັງບໍ່ທັນມີຄວາມວຸ່ນວາຍຫຍັງຫຼາຍເທື່ອ.
 |
| ທ່ານນາງເລທິທູຮັ່ງ ໂຄສົກກະຊວງການຕ່າງປະເທດຫວຽດນາມ. ພາບ: cand.com.vn |
ໂດຍຕອບຄໍາຖາມຂອງນັກຂ່າວ, ສະເໜີໃຫ້ຮູ້ວ່າ ປະຕິກິລິຍາຂອງຫວຽດນາມ ຕໍ່ກັບເລື່ອງກະຊວງການຄ້າອາເມລິກາ ປະກາດລະດັບພາສີຕ້ານການຂາຍ ບຸບລາຄາເບື້ອງຕົ້ນ ຄາດຄະເນຂຶ້ນເຖິງ 400% ຕໍ່ກັບຜະລິດຕະພັນ ນໍ້າເຜິ້ງ ຂອງຫວຽດນາມ, ທ່ານນາງ ເລທິທູຮ່ັງ ໂຄສົກກະຊວງການຕ່າງປະເທດ ໃຫ້ຮູ້ວ່າ: ເລື່ອງຝ່າຍອາເມລິກາ ໝູນໃຊ້ລະດັບພາສີການຕ້ານຂາຍບຸບລາຄາ ທີ່ຄາດຄະເນ ຕໍ່ກັບນໍ້າເຜິ້ງຂອງຫວຽດນາມຄືດັ່ງຂ້າງເທິງ ຈະສົ່ງຜົນກະທົບທີ່ຫຍໍ້ທໍ້ ຫຼາຍຢ່າງໃຫ້ຂະແໜງລ້ຽງເຜິ້ງຂອງຫວຽດນາມ ເຊິ່ງອາເມລິກາແມ່ນ ຕະຫຼາດສົ່ງອອກຕົ້ນຕໍ; ພ້ອມທັງສົ່ງຜົນກະທົບທີ່ເສຍປຽບເຖິງຂະແໜງ ປູກຝັງຂອງຫວຽດນາມ. ເລື່ອງນີ້ແນ່ນອນຈະສົ່ງຜົນສະທ້ອນຢ່າງໂດຍກົງເຖິງ ວຽກເຮັດງານທໍາ, ການທໍາມາຫາກິນຂອງຫຼາຍຄອບຄົວທີ່ລ້ຽງເຜິ້ງ ແລະຊາວ ກະສິກອນ, ເປັນຕົ້ນແມ່ນພາກໃຕ້ ແລະເຂດໄຕງວຽນຂອງຫວຽດນາມ.
ປະຈຸບັນ, ກະຊວງອຸດສາຫະກໍາ ແລະການຄ້າ ແລະກະຊວງກະສິກໍາ ແລະພັດທະນາຊົນນະບົດຫວຽດນາມ ກໍາລັງດໍາເນີນການແລກປ່ຽນກັບຝ່າຍ ອາເມລິກາຢູ່ທຸກຂັ້ນເພື່ອແກ້ໄຂວຽກດັ່ງກ່າວ, ສະເໜີບັນດາມາດຕະການຂອງ ຝ່າຍອາເມລິກາ ໃນບັນຫານີ້ຕ້ອງອີງໃສ່ພື້ນຖານພາວະວິໄສ, ຍຸຕິທໍາ, ຖືກຕ້ອງ ຕາມລະບຽບການຂອງ WTO, ບໍ່ສ້າງຄວາມເສຍຫາຍທີ່ບໍ່ມີເຫດຜົນໃຫ້ຜູ້ລ້ຽງເຜິ້ງ ແລະວິສາຫະກິດຫວຽດນາມ.
ບູນມີ
