ວິສາຫະກິດຜູ້ປະກອບການປະເທດເຊັກ໌ ຢາກລົງທຶນໂຮງງານລົດຍົນຢູ່ຫວຽດນາມ

14:02 | 19/02/2022

ຍສໝ - ທ່ານເອກອັກຄະລັດຖະທູດສາທາລະນະລັດເຊັກ໌ ປະຈຳຫວຽດນາມ Vítezslav Grepl ແລະ ຄະນະບໍລິຫານບໍລິສັດຮຸ້ນສ່ວນ Skoda ໄດ້ມີການຮ່ວມເຮັດວຽກກັບກະຊວງແຜນການ ແລະ ການລົງທຶນ ແນໃສ່ແລກປ່ຽນກ່ຽວກັບການຮ່ວມມືລົງທຶນໂຮງງານຜະລິດ, ປະກອບລົດຍົນ ຢູ່ແຂວງກວ໊າງນິ່ງ.

	ວິສາຫະກິດຜູ້ປະກອບການຊາວສິງກະໂປຄາດຫວັງໃນການເປີດກວ້າງການລົງທຶນທີ່ຮ່າໂນ້ຍ
	ຍູ້ແຮງການຮ່ວມມືດ້ານເສດຖະກິດ , ການລົງທຶນລະຫວ່າງຫວຽດນາມ ແລະ ລາວ

ທ່ານເອກອັກຄະລັດຖະທູດສາທາລະນະລັດເຊັກ໌ ປະຈຳຫວຽດນາມ Vítezslav Grepl ແລະ ຄະນະບໍລິຫານບໍລິສັດຮຸ້ນສ່ວນ Skoda ໄດ້ມີການຮ່ວມເຮັດວຽກກັບກະຊວງແຜນການ ແລະ ການລົງທຶນ ແນໃສ່ແລກປ່ຽນກ່ຽວກັບການຮ່ວມມືລົງທຶນໂຮງງານຜະລິດ, ປະກອບລົດຍົນ ຢູ່ແຂວງກວ໊າງນິ່ງ.

ປະກອບຄຳເຫັນໃນວາລະການເຮັດວຽກ, ເອກອັກຄະລັດຖະທູດສາທາລະລັດເຊັກ ປະຈຳຫວຽດນາມ ທ່ານ Vítezslav Grepl ໃຫ້ຊາບວ່າ ບໍລິສັດຮຸ້ນສ່ວນ Skoda ກຳລັງສຶກສາການລົງທຶນສາຍການຜະລິດ, ການສ້າງໂຮງງານລົດຍົນຢູ່ກວ໊າງນິ່ງ ດ້ວຍຄວາມມຸ້ງຫວັງນຳເອົາຜົນໄດ້ຮັບທີ່ຕັ້ງໜ້າສຳລັບພື້ນຖານເສດຖະກິດຫວຽດນາມເວົ້າລວມ ແລະ ແຂວງກວ໊າງນິ່ງເວົ້າສະເພາະ; ນຳເອົາເຕັກໂນໂລຊີອັນຫຼ້າສຸດ ແລະ ພ້ອມທີ່ຈະປະກອບສ່ວນໃຫ້ຫຼາຍຂຶ້ນໃນຂະແໜງການອຸດສາຫະກຳຍານຍົນຂອງຫວຽດນາມ.

ວິສາຫະກິດຜູ້ປະກອບການປະເທດເຊັກ໌ ຢາກລົງທຶນໂຮງງານລົດຍົນຢູ່ຫວຽດນາມ

ພາບປະກອບ: Whatcar.vn

ທ່ານ Ondrej Cerny - ອຳນວຍການຮັບຜິດຊອບເຂດລັດເຊຍ ແລະ ແຫຼ່ງຕະຫຼາດໃໝ່ຂອງບໍລິສັດຮຸ້ນສ່ວນຍານຍົນ Skoda ໃຫ້ຂໍ້ມູນກ່ຽວກັບໂຄງການຂ້າງເທິງ ແລະ ບັນດາຂັ້ນຕອນໄລຍະການກໍ່ສ້າງ ພ້ອມທັງໃຫ້ຊາບວ່າ ໂຄງການຄາດຄະເນຈະເລີ່ມການເຄື່ອນໄຫວໃນປີ 2022. ເພື່ອໃຫ້ໂຄງການບັນລຸໄດ້ຕາມແຜນການ ແລະ ມີຜົນໄດ້ຮັບຕາມທີ່ຄວາມຫວັງນັ້ນ, ຕາງໜ້າບໍລິສັດຮຸ້ນສ່ວນຍານຍົນ Skoda ຫວັງວ່າຈະໄດັ້ຮບການຊ່ວຍເຫຼືອ, ສ້າງເງື່ອນໄຂ ຂອງລັດຖະບານ ກໍຄືບັນດາກະຊວງ, ຂະແໜງການ ແລະ ແຂວງກວ໊າງນິ່ງ.

ທ່ານນາງ ຫງວຽນຖີ້ບິກງອກ ຮອງລັດຖະມົນຕີກະຊວງແຜນການ ແລະ ການລົງທຶນ ຮຽກຮ້ອງກັບບໍລິສັດ Skoda ໃນຂະບວນການຈັ້ດຕັ້ງຜັນຂະຫຍາຍການຮ່ວມມືທຸລະກິດທີ່ຫວຽດນາມນັ້ນ ຈະມີການແລກປ່ຽນແບ່ງປັນປະສົບການ, ສົ່ງຕໍ່ເຕັກໂນໂລຊີໃໝ່ໆ, ເພີ່ມທະວີການເຊື່ອມຕໍ່, ຊ່ວຍເຫຼືອບັນດາວິສາຫະກິດຜູ້ປະກອບການຫວຽດນາມ ເພື່ອຮ່ວມມືການຜະລິດ ນຳມາສູ່ປະສິທິຜົນສູງ; ຫວັງວ່າ Skoda ຈະຊ່ວຍເຫຼືອວິສາຫະກິດຫວຽດນາມ ມີສ່ວນຮ່ວມໃນຕ່ອງໂສ້ການຜະລິດຂອງໂລກໃນເວລາຕໍ່ໜ້າ; ສຶກສາການສ້າງຕັ້ງສູນຄົ້ນຄວ້າ ແລະ ພັດທະນາ (R&D) ຢູ່ຫວຽດນາມ, ພິເສດແມ່ນໃນການຄົ້ນຄວ້າ ແລະ ພັດທະນາ ບັນດາຮູບແບບລົດຍົນໄຟຟ້າ ແນໃສ່ປະກອບສ່ວນຊ່ວຍຫວຽດນາມຈັດຕັ້ງປະຕິບັດເປົ້າໝາຍຫຼຸດຜ່ອນການປ່ອຍອາຍພິດເຮືອນແກ້ວ, ປົກປັກຮັກສາສະພາບແວດລ້ອມ.

ຕາມຂໍ້ມູນຈາກກະຊວງແຜນການ ແລະ ການລົງທຶນ, ສາທາລະນະລັດເຊັກ ໄດ້ມີການລົງທຶນໃນຫວຽດນາມ 44 ໂຄງການ ດ້ວຍມູນຄ່າການລົງທຶນຫຼາຍກວ່າ 91 ລ້ານໂດລາ USD ຢືນໃນອັນດັບທີ 48/141 ປະເທດ ແລະ ເຂດພາກພື້ນທີ່ລົງທຶນຢູ່ຫວຽດນາມ.

ຫວຽດນາມປຸກລະດົມໃຫ້ບັນດາໂຄງການທີ່ມີເຕັກໂນໂລຊີສູງ, ເຕັກໂນໂລຊີທີ່ກ້າວໜ້າ, ສ້າງມູນຄ່າເພີ່ມ, ປຸກລະດົມບັນດານັກລົງທຶນຕ່າງປະເທດເຊື່ອມໂຍງ, ຮ່ວມມື ແລະ ນ້ຳບັນດາຜະລິດຕະພັນ, ການບໍລິການ ຂອງວິສາຫະກິດຫວຽດນາມບົນພື້ນຖານຮ່ວມກັນໄດ້ຮັບຜົນປະໂຫຍດ.

ວິລະຊົນ