| KOICA ໄດ້ໃຫ້ການສະໜັບສະໜູນ ເຂັມສັກຢາໃຊ້ເທື່ອດຽວ 6,3 ລ້ານເຂັມໃຫ້ແກ່ຫວຽດນາມ | |
| ລັດຖະມົນຕີກະຊວງຕຳຫຼວດ ຫວຽດນາມ ພົບປະເຈລະຈາ ກັບ ລັດຖະມົນຕີກະຊວງປ້ອງກັນຄວາມສະຫງົບ ລາວ |
 |
| ທ່ານນາຍົກລັດຖະມົນຕີ ຫວຽດນາມ ຟ້າມມິນຈິງ ແລະ ທ່ານນາຍົກລັດຖະມົນຕີ ລາວ ພັນຄຳ ວິພາວັນ ໄດ້ພົບປະກັບວິສາຫະກິດຂອງ 2 ປະເທດ. ພາບ: TTXVN |
ໃນປີ 2021, ຍອດຈຳນວນທຶນລົງທຶນຂອງ ຫວຽດນາມ ຢູ່ ລາວ ບັນລຸ 118,3 ລ້ານ USD, ເພີ່ມຂຶ້ນ 33,3% ເມື່ອທຽບໃສ່ປີ 2020. ບາງໂຄງການລົງທຶນຂອງວິສາຫະກິດ ຫວຽດນາມ ຢູ່ ລາວ ມີປະສິດທິຜົນ, ສືບຕໍ່ເພີ່ມທະວີທຶນການລົງທຶນເປີດກວ້າງໃນປີ 2022 ແລະ ຊຸມປີຕໍ່ໄປ. ຫຼາຍໂຄງການໄດ້ນໍາເຂົ້າເຄື່ອນໄຫວຢ່າງໝັ້ນຄົງ, ມີປະສິດທິຜົນ, ປະກອບສ່ວນເຂົ້າໃນການພັດທະນາເສດຖະກິດ-ສັງຄົມ, ມອບເຂົ້າງົບປະມານ, ປະຕິບັດວຽກງານສະຫວັດດິການສັງຄົມ, ສ້າງວຽກເຮັດງານທຳ, ບຳລຸງສ້າງ ແລະ ຍົກສູງຄຸນນະພາບສີມືແຮງງານ, ລະດັບຂອງຄົນງານ, ປັບປຸງພື້ນຖານໂຄງລ່າງຢູ່ບາງທ້ອງຖິ່ນ... ໂດຍໄດ້ຮັບການຮັບຮູ້ ແລະ ຕີລາຄາສູງຈາກລັດຖະບານລາວ.
ໂຄງການໃຫຍ່ຈຳນວນໜຶ່ງແມ່ນໄດ້ຝ່າຍລາວສຸມໃສ່ແກ້ໄຂຄວາມຫຍຸ້ງຍາກ ແລະ ສິ່ງກີດຂວາງ, ສ້າງເງື່ອນໄຂສະດວກໃຫ້ເພື່ອຍູ້ໄວຄວາມຄືບໜ້າໃນການຈັດຕັ້ງປະຕິບັດເປັນຕົ້ນແມ່ນ: ໂຄງການທ່າເຮືອຫວູງອາງ, ໂຄງການໄຟຟ້ານ້ຳຕົກຫຼວງພະບາງ, ເຊຂະໝານ 3, ບໍ່ເກືອກາລີ, ສະໜາມບິນໜອງຄ້າງ,...
ທີ່ກອງປະຊຸມ, ທ່ານນາຍົກລັດຖະມົນຕີ ຟ້າມມິນຈິງ ສະເໜີບັນດາກຸ່ມບໍລິສັດ, ວິສາຫະກິດໃຫຍ່ຂອງ 2 ປະເທດທີ່ມີປະສົບການດ້ານການລົງທຶນ ຈົ່ງສະເໜີບັນດາແນວຄວາມຄິດໃໝ່ເພື່ອຜັນຂະຫຍາຍບັນດາໂຄງການທີ່ມີທ່າແຮງໃນການຮ່ວມມືລົງທຶນລະຫວ່າງ 2 ປະເທດ ໂດຍໄວ. ດ້ວຍທິດນຳ “ຊ່ວຍເພື່ອນກໍ່ແມ່ນຊ່ວຍຕົນເອງ” ເຊິ່ງມີພຽງແຕ່ໃນສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານຫວຽດນາມ - ລາວ, ລາວ - ຫວຽດນາມ, ບວກກັບແນວຄິດການຮ່ວມມືໃໝ່, ມີບັນດາມາດຕະການແກ້ໄຂຢ່າງແຮງ, ມີລັກສະນະບຸກທະລຸຂອງສອງຝ່າຍ, ແນ່ນອນວ່າຈະເປີດກາລະໂອກາດຫຼາຍຢ່າງໃນການຮ່ວມມືດ້ານການລົງທຶນອັນໃຫຍ່ຫຼວງ ແລະ ມີປະສິດທິຜົນລະຫວ່າງວິສາຫະກິດ 2 ປະເທດ.
ທ່ານນາຍົກລັດຖະມົນຕີ ລາວ ພັນຄຳ ວິພາວັນ ໃຫ້ຮູ້ວ່າ: ຫວຽດນາມ ແລະ ລາວ ແມ່ນສອງປະເທດຮ່ວມຊາຕາກຳ, ມີການພົວພັນມິດຕະພາບອັນສະໜິດຕິດພັນໃນພາລະກິດຕໍ່ສູ້ຍາດເອົາເອກະລາດແຫ່ງຊາດໃນເມື່ອກ່ອນ ແລະ ໃນພາລະກິດສ້າງສາ, ປົກປັກຮັກສາປະເທດຊາດຄືໃນປະຈຸບັນ. ລັດຖະບານ ແລະ ປະຊາຄົມວິສາຫະກິດ 2 ປະເທດໄດ້ມານະພະຍາຍາມຈົນສຸດຄວາມສາມາດເພື່ອຊຸກຍູ້ບັນດາການເຄື່ອນໄຫວຮ່ວມມືດ້ານເສດຖະກິດ, ເຖິງຢ່າງໃດກໍ່ຕາມ, ບັນດາໝາກຜົນທີ່ບັນລຸໄດ້ ຍັງບໍ່ທັນສົມກັບການພົວພັນມິດຕະພາບອັນໃຫຍ່ຫຼວງ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ 2 ປະເທດ.
ທ່ານນາຍົກລັດຖະມົນຕີ ລາວ ພັນຄຳ ວິພາວັນ ປາດຖະໜາວ່າ ບັນດາວິສາຫະກິດຂອງສອງປະເທດ ຈະຊຸກຍູ້ການຮ່ວມມືດ້ວຍຈິດໃຈອັນຈິງໃຈ, ໄວ້ເນື້ອເຊື່ອໃຈ “ເວົ້າໄດ້, ເຮັດໄດ້”, ປະກອບສ່ວນໃຫ້ແຕ່ລະປະເທດພັດທະນາຢ່າງເຂັ້ມແຂງ, ເພື່ອຄວາມກິນອີ່ມນຸ່ງອຸ່ນ, ຄວາມຜາສຸກຂອງປະຊາຊົນສອງປະເທດ. ລັດຖະບານ 2 ປະເທດຈະສ້າງເງື່ອນໄຂສະດວກທີ່ສຸດ ແລະ ຊີ້ນຳບັນດາກະຊວງ, ຂະແໜງການ, ບັນດາອົງການເພື່ອແກ້ໄຂບັນດາຄວາມຫຍຸ້ງຍາກ, ສິ່ງກີດຂວາງໃຫ້ແກ່ວິສາຫະກິດຂອງ 2 ປະເທດ ຈັດຕັ້ງປະຕິບັດບັນດາໂຄງການຮ່ວມມືດ້ານເສດຖະກິດ, ການລົງທຶນ.
ທ່ານນາຍົກລັດຖະມົນຕີ ພັນຄຳ ວິພາວັນ ປາດຖະໜາວ່າ ວິສາຫະກິດຫວຽດນາມ ຈະໄປລົງທຶນຢູ່ ລາວ ນັບມື້ນັບຫລາຍຂຶ້ນ, ເຮັດໃຫ້ຫວຽດນາມ ກາຍເປັນນັກລົງທຶນໃຫຍ່ອັນດັບສອງ, ອັນດັບໜຶ່ງຢູ່ລາວ.
ໄຊພອນ
