| ອັງກິດ ປະທັບໃຈຕໍ່ຄຳໝັ້ນສັນຍາຂອງຫວຽດນາມ ໃນ COP26 | |
| ຫາງສຽງສາກົນ ຕີລາຄາຢ່າງຕັ້ງໜ້າຕໍ່ຄຳໝັ້ນສັນຍາຂອງ ຫວຽດນາມ ຢູ່ COP26 |
ປະກອບຄຳເຫັນໃນວາລະການເຮັດວຽກ, ທ່ານລັດຖະມົນຕີ ເຈິ່ນຮົ່ງຮ່າ ໃຫ້ຊາບວ່າ ທັນທີພາຍຫຼັງກອງປະຊຸມ COP26 ຫວຽດນາມໄດ້ຮີບຮ້ອນດຳເນີນການສ້າງຕັ້ງຄະນະຮັບຜິດຊອບຊີ້ນຳການຈັດຕັ້ງປະຕິບັດຄຳໝັ້ນສັນຍາຂອງຫວຽດນາມໃນ COP26 ໂດຍການເຂົ້າຮ່ວມຂອງນາຍົກລັດຖະມົນຕີທີ່ເປັນຫົວໜ້າຄະນະ ແລະ ບັນດາກະຊວງ, ຂະແໜງການທີ່ກ່ຽວຂ້ອງ.
 |
| ອັງກິດສັນຍາໃຫ້ການຊ່ວຍເຫຼືອຫວຽດນາມໃນການຈັດຕັ້ງປະຕິບັດບັນດາຂໍ້ຕົກລົງຂອງ COP26. ພາບ: vietnamplus |
ຫວຽດນາມໄດ້ເປັນເຈົ້າການຈັດຕັ້ງປະຕິບັດຢ່າງເຂັ້ມງວດບັນດາຄຳໝັ້ນສັນຍາຕ່າງໆຂອງຕົນ. ຈາກນັ້ນ, ໃນຮ່າງແຜນພັດທະນາແຫຼ່ງໄຟຟ້າ VIII ຈະມີການປັບປ່ຽນເທື່ອລະກ້າວໃຫ້ເປັນແຫຼ່ງພະລັງງານທີ່ສະອາດ; ເຂດພື້ນທີ່ຕ້ອງການປົກປ້ອງຕ້ອງກຳນົດຄືນເພື່ອການຮັກສາປ່າໄມ້ ແລະ ສິ່ງແວດລ້ອມ ກຳນົດຄືນແຜນພັດທະນາເຂດພື້ນທີ່ຕ່າງໆທີ່ຕ້ອງການປົກປ້ອງປ່າໄມ້, ປົກປ້ອງລະບົບນິເວດ,…
ປະທານ COP26 Alok Kumar Sharma ຢືນຢັນວ່າ COP26 ໄດ້ຮັບຜົນສຳເລັດແມ່ນຮັບການຮ່ວມມືທີ່ເປັນເອກະພາບຂອງໂລກ ແລະ ບັນດາປະເທດທີ່ເຂົ້າຮ່ວມໃນກອງປະຊຸມກັບລາຊາອານາຈັກອັງກິດ. ໃນນັ້ນ, ບັນດາກິດຈະກຳ ແລະ ຄຳໝັ້ນສັນຍາອັນໜັກແໜ້ນຂອງຄະນະຜູ້ແທນຫວຽດນາມໃນ COP26 ໄດ້ຮັບການຕີລາຄາສູງ ແລະ ເປັນກຳລັງແຮງທີ່ເຂັ້ມແຂງເພື່ອໃຫ້ບັນດາປະເທດອື່ນໆດຳເນີນຕາມ.
ປະທານ COP26 Alok Kumar Sharma ໃຫ້ຊາບວ່າ ລັດຖະບານອັງກິດຈະຮ່ວມເຄື່ອນໄຫວ, ຊ່ວຍເຫຼືອຫວຽດນາມຈັດຕັ້ງປະຕິບັດຄຳໝັ້ນສັນຍາຕ່າງໆ.
ປະທານ COP26 ກໍເຫັນດີກັບທັດສະນະຂອງທ່ານລັດຖະມົນຕີ ເຈິ່ນຮົ່ງຮ່າ ແມ່ນຄວນມີອົງການປະສານງານເພື່ອໃຫ້ແຕ່ລະຝ່າຍເມື່ອດຳເນີນການຮ່ວມມືແລ້ວ ຈະສາມາດເອກະພາບກັນໄດ້ໃນບັນດາເງື່ອນໄຂກ່ຽວກັບກົນໄກນະໂຍບາຍ, ການເງິນ ເພື່ອຮ່ວມກັນບັນລຸເປົ້າໝາຍທີ່ໄດ້ໃຫ້ຄຳໝັ້ນສັນຍາ ແລະ ກ້າວໄປເຖິງ COP27.
ວິລະຊົນ
