| ສະຖານທູດ ຫວຽດນາມ ປະຈຳ ຢູແກຼນ ຍາມໃດກໍ່ໃຫ້ບຸລິມະສິດຄວາມສົນໃຈຕໍ່ປະຊາຄົມຊາວຫວຽດນາມ | |
| ໝໍ້ເຂົ້າຕົ້ມທີ່ເຕັມໄປດ້ວຍນ້ຳໃຈບ້ານເກີດເມືອງນອນຂອງຊາວຫວຽດນາມ ອາໄສຢູ່ອົດສະຕາລີ |
 |
| ທ່ານເອກອັກຄະລັດຖະທູດອັງກິດ ປະຈຳ ຫວຽດນາມ Gareth Ward. ພາບ: TTXVN |
ຕາມທ່ານເອກອັກຄະລັດຖະທູດ Gareth Ward ແລ້ວ, ໃນຂະນະທີ່ຫວຽດນາມ ພວມປະເຊີນໜ້າກັບສິ່ງທ້າທາຍຫຼາຍຢ່າງກ່ຽວກັບການປ່ຽນແປງຂອງດິນຟ້າອາກາດນັ້ນ, ພື້ນຖານເສດຖະກິດທີ່ຂະຫຍັນຂັນເຄື່ອນນີ້ຍັງຕ້ອງການພະລັງງານຫຼາຍເພື່ອຮັກສາລະດັບເຕີບໂຕ. ສະນັ້ນ, ທ່ານເອກອັກຄະລັດຖະທູດ ມີຄວາມປະທັບໃຈຕໍ່ຄຳໝັ້ນສັນຍາອັນແຮງກ້າຂອງ ທ່ານນາຍົກລັດຖະມົນຕີ ຟ້າມມິງຈິງ ທີ່ກອງປະຊຸມຄັ້ງທີ 26 ຂອງບັນດາຝ່າຍທີ່ເຂົ້າຮ່ວມສົນທິສັນຍາຂອບ ສປຊ ກ່ຽວກັບການປ່ຽນແປງຂອງດິນຟ້າອາກາດ (COP26).
ທ່ານເອກອັກຄະລັດຖະທູດ ໃຫ້ຮູ້ວ່າ: ເພື່ອໜູນຊ່ວຍບັນດາປະເທດພວມພັດທະນາຄື ຫວຽດນາມ, ປະຊາຄົມໂລກ, ໃນນັ້ນມີ ອັງກິດ ໄດ້ໃຫ້ຄຳໝັ້ນສັນຍາດ້ານການເງິນ. ຕາມນັ້ນແລ້ວ, ອັງກິດໄດ້ປະກາດແຫຼ່ງທຶນໜູນຊ່ວຍໃໝ່ໃຫ້ກອງທຶນດິນຟ້າອາກາດສີຂຽວຂອງອາຊຽນ, ເຊິ່ງນໍາມາກາລະໂອກາດລົງທຶນຢ່າງມີປະສິດທິຜົນໃນຂົງເຂດພະລັງງານທົດແທນກໍ່ຄືສະໜອງທຶນໃຫ້ບັນດາກົນໄກການເງິນສີຂຽວ.
ຕາມທ່ານ Gareth Ward ແລ້ວ, ມີວິສາຫະກິດອັງກິດຫຼາຍແຫ່ງສະແດງຄວາມປາດຖະໜາຢາກລົງທຶນໃນຂົງເຂດພະລັງງານແສງຕາເວັນ ແລະ ພະລັງງານແຮງລົມຢູ່ ຫວຽດນາມ.
ໄຊພອນ
