 |
ສະຫາຍ ນາງ ສູນທອນ ໄຊຍະຈັກ
ໃນໂອກາດນີ້, ສະຫາຍ ນາງ ສູນທອນ ໄຊຍະຈັກ ໄດ້ຍົກໃຫ້ເຫັນເນື້ອໃນສຳຄັນ ຂອງມະຕິຂອງສູນກາງພັກ ຄັ້ງທີ 8 ກ່ຽວກັບການແກ້ໄຂຄວາມຫຍຸ້ງຍາກ ທາງດ້ານເສດຖະກິດມະຫາພາກ ຕິດພັນກັບການຜັນຂະຫຍາຍ ມະຕິກອງປະຊຸມສູນກາງຄົບຄະນະ ຄັ້ງທີ 7 ສະໄໝທີ X ຂອງພັກ. ຈາກນັ້ນ, ສະ ຫາຍ ນາງ ສູນທອນ ໄຊຍະຈັກ ໄດ້ສືບຕໍ່ເຜີຍແຜ່ເນື້ອໃນຂອງກົດໝາຍ ວ່າດ້ວຍສຳນັກງານຜູ້ຕ່າງໜ້າ ສປປ ລາວ ປະຈຳຢູ່ຕ່າງປະເທດ, ພ້ອມຫວນຄືນຊີວິດ ການເຄື່ອນໄຫວປະຕິວັດ, ຄຸນງາມຄວາມດີ ແລະ ຜົນງານຂອງປະທານ ສຸພານຸວົງ ຜູ້ນຳທີ່ດີເດັ່ນຂອງປະຊາຊົນລາວ ໃນການປະກອບສ່ວນສ້າງກ້ອນກຳລັງສາມັກຄີ ເປັນອັນໜຶ່ງອັນດຽວໃນພາລະກິດປະຕິວັດຂອງລາວ ກໍຄື ແນວໂຮມເອກະພາບແຫ່ງຊາດ ຕະຫລອດໄລຍະ ແຫ່ງການຕໍ່ສູ່ ເພື່ອຍາດເອົາ ເອກະລາດແຫ່ງຊາດ ກໍຄື ໃນຂະບວນການປົກປັກຮັກສາ ແລະ ສ້າງສາພັດທະນາປະເທດຊາດ ໃນແຕ່ລະໄລຍະ.
 |
ບັນຍາກາດທີ່ກອງປະຊຸມ
ໃນຕອນທ້າຍ ສະຫາຍ ນາງ ສູນທອນ ໄຊຍະຈັກ ໄດ້ເຜີຍແຜ່ເອກະສານກ່ຽວກັບແມ່ບົດວ່າດ້ວຍການສ້າງຄູ່ຮ່ວມຊາຕາກຳ ລາວ-ຈີນ ລະຫວ່າງ ພັກປະຊາຊົນ ປະຕິວັດລາວ ກັບພັກກອມມູນິດຈີນ, ໂດຍໄດ້ຍົກໃຫ້ເຫັນເຖິງເປົ້າໝາຍລວມ, ຫລັກການ ແລະ ເນື້ອໃນຂອງແຜນແມ່ບົດເຊິ່ງກວມເອົາການຮ່ວມມືດ້ານການເມືອງ, ເສດຖະກິດ, ການປ້ອງກັນຊາດ-ປ້ອງກັນຄວາມສະຫງົບ, ການພົວພັນດ້ານວັດທະນະທຳ, ການໄປມາຫາສູ່ ລະຫວ່າງ ປະຊາຊົນ ແລະ ການຮ່ວມມືດ້ານສິ່ງແວດລ້ອມ ແລະ ການພັດທະນາແບບຍືນຍົງ.
（ແຫຼ່ງຂໍ້ມູນ： ຂປລ）
