| ຄອບຄົວ ຫວຽດນາມ ມີ 4 ລຸ້ນຢູ່ນຳກັນ ເຮັດເຂົ້າໜົມແປ້ງຂາວ ຕ້ອນຮັບບຸນເຕັດປະຈຳຊາດ | |
| ລະຫຼິ້ນລະດູບານໃໝ່ຢູ່ເຂດພູສູງກວາງນາມ |
 |
| ສະຫາຍ ເຫຼັກໄຫຼ ສີວິໄລ - ເລຂາພັກ, ເຈົ້າແຂວງເຊກອງ. ພາບ: baoquangnam.vn |
ສະຫາຍ ເຫຼັກໄຫຼ ສີວິໄລ ຕີລາຄາ ແລະ ຮັບຮູ້ວ່າ ໃນປີ 2021, ພາຍໃຕ້ການນຳພາ ແລະ ຊີ້ນຳຂອງຄະນະພັກ ແລະ ອໍານາດການປົກຄອງ ແຂວງ ກວາງນາມ, ບັນດາສະຫາຍ ສືບຕໍ່ເຮັດໃຫ້ແຂວງ ກວາງນາມ ບັນລຸໄດ້ບັນດາຜົນງານທີ່ໜ້າປະທັບໃຈໃນຫລາຍຂົງເຂດ; ດ້ານການປ້ອງກັນຊາດ - ຄວາມໝັ້ນຄົງໄດ້ຮັບການຮັບປະກັນ ແລະ ເສດຖະກິດ - ສັງຄົມມີການພັດທະນາຢ່າງບໍ່ຢຸດຢັ້ງ; ແຂວງກວາງນາມ ກາຍເປັນແຂວງທີ່ມີການພັດທະນາໄວໃນທົ່ວປະເທດ; ຊີວິດການເປັນຢູ່ຂອງປະຊາຊົນໄດ້ຮັບການຍົກສູງຢ່າງຕໍ່ເນື່ອງ.
ໃນສານອວຍພອນ, ສະຫາຍ ເຫຼັກໄຫຼ ສີວິໄລ ໃຫ້ຮູ້ວ່າ: “ເນື່ອງໃນໂອກາດສະເຫຼີມສະຫຼອງບຸນປີໃໝ່ປະຈຳຊາດ ຫວຽດນາມ 2022, ໃນນາມຄະນະພັກ, ອຳນາດການປົກຄອງ ແລະ ປະຊາຊົນບັນດາເຜົ່າແຂວງເຊກອງ ປະເທດ ສປປ ລາວ, ຂ້າພະເຈົ້າຂໍອວຍພອນໄຊອັນປະເສີດມາຍັງບັນດາການນຳແຂວງ ກວາງນາມ ເນື່ອງໃນໂອກາດປີໃໝ່, ອວຍພອນໃຫ້ບັນດາສະຫາຍ ແລະ ຄອບຄົວຈົ່ງມີສຸຂະພາບເຂັ້ມແຂງ, ມີຄວາມຜາສຸກ ແລະ ປະສົບຜົນສຳເລັດໃນປີໃໝ່.”
ຄະນະພັກ, ອໍານາດການປົກຄອງ ແລະ ປະຊາຊົນແຂວງເຊກອງ ຮູ້ສຶກພາກພູມໃຈ ແລະ ດີໃຈຕໍ່ບັນດາຜົນງານທີ່ແຂວງ ກວາງນາມ ບັນລຸໄດ້ໃນຊຸມປີທີ່ຜ່ານມາ ພ້ອມທັງສົ່ງຄຳຂອບໃຈຢ່າງຈິງໃຈມາຍັງຄະນະພັກ, ອໍານາດການປົກຄອງ ແລະ ປະຊາຊົນແຂວງ ກວາງນາມ ທີ່ໄດ້ ຄຽງບ່າຄຽງໄລ່, ຊ່ວຍເຫຼືອແຂວງເຊກອງ ໃນຫຼາຍດ້ານໃນຊຸມປີຜ່ານມາ.
ໄຊພອນ
