| ວາດພາບບັນຍາກາດບຸນປີໃໝ່ປະຈໍາຊາດຫວຽດນາມ ຜ່ານເອກະສານສຳເນົາ | |
| ງານວາງສະແດງ “ບຸນເຕັດດັ້ງເດີມ” ວາງສະແດງເອກະສານ ແລະຮູບພາບທີ່ເປັນເອກະລັກສະເພາະກ່ວາ 100 ແຜ່ນກ່ຽວກັບບຸນປີໃໝ່ປະຈໍາຊາດ |
 |
| ຕາມດາວ ໄດ້ຮັບຮອງເປັນແຫຼ່ງທ່ອງທ່ຽວແຫ່ງຊາດ: ພາບ: ກົມໃຫຍ່ທ່ອງທ່ຽວ |
ແຫຼ່ງທ່ອງທ່ຽວແຫ່ງຊາດ ຕາມດາວ ມີເນື້ອທີ່ 10.723 ເຮັກຕາ, ໃນນັ້ນມີ: ການແບ່ງເຂດບໍລິການບໍລິຫານຂອງ ສວນແຫ່ງຊາດ ຕາມດາວ ຢູ່ ບໍລິເວນ ເມືອງ ຕາມດາວ; ບໍລິເວນຕີນພູຕາມດາວ; ເຂດຮ່ອງຮອຍ ແລະ ທັດສະນີຍະພາບ ໄຕທຽນ ແລະ ເຂດທ່ອງທ່ຽວຕາມດາວ.
ເຂດແດນເຂດທ່ອງທ່ຽວແຫ່ງຊາດ ຕາມດາວ ໄດ້ກຳນົດເຂດຂັ້ນແດນ 3 ແຂວງຄື: ໄທງວຽນ, ຫວີງຟຸກ ແລະ ຕວຽນກວາງ ຕາມທິດຕາເວັນຕົກສ່ຽງເໜືອ - ຕາເວັນອອກສ່ຽງໃຕ້ ໂດຍມີຄວາມກວ້າງ 10-15 ກິໂລແມັດ, ໃນນັ້ນມີ 3 ຍອດພູທຽນທິ້ ສູງ 1.375 ແມັດ, ບ່ານແທັກ ສູງ 1,388 ແມັດ ແລະ ພູເຫງຍ ສູງ 1,400 ແມດ.
ເລື່ອງທີ່ເຂດທ່ອງທ່ຽວຕາມດາວ ໄດ້ຮັບການຮັບຮອງເປັນເຂດທ່ອງທ່ຽວແຫ່ງຊາດແມ່ນໂອກາດເພື່ອໃຫ້ແຂວງຫວີງຟຸກແນະນຳ, ໂຄສະນາບັນດາຊັບພະຍາກອນ ແລະ ຜະລິດຕະພັນທ່ອງທ່ຽວທີ່ເປັນເອກະລັກສະເພາະຄື: ທ່ອງທ່ຽວວັດທະນະທຳ, ຈິດວິນຍານ, ທ່ອງທ່ຽວພັກຜ່ອນ, ທ່ອງທ່ຽວນິເວດປ່າໄມ້, ທ່ອງທ່ຽວສ່ຽງໄພ, ພະຈົນໄພ ຄົ້ນຫາສວນແຫ່ງຊາດ ຕາມດາວ... ພ້ອມທັງດຶງດູດການລົງທຶນພັດທະນາໃນຂົງເຂດການບໍລິການທ່ອງທ່ຽວ, ປະກອບສ່ວນສຳຄັນເພື່ອໃຫ້ການທ່ອງທ່ຽວກາຍເປັນຂະແໜງເສດຖະກິດປາຍແຫຼມຂອງແຂວງ.
ໄຊພອນ
