| ວາດພາບບັນຍາກາດບຸນປີໃໝ່ປະຈໍາຊາດຫວຽດນາມ ຜ່ານເອກະສານສຳເນົາ | |
| ງານວາງສະແດງ “ບຸນເຕັດດັ້ງເດີມ” ວາງສະແດງເອກະສານ ແລະຮູບພາບທີ່ເປັນເອກະລັກສະເພາະກ່ວາ 100 ແຜ່ນກ່ຽວກັບບຸນປີໃໝ່ປະຈໍາຊາດ |
 |
| ພາບປະກອບ |
ໄລ່ມາຮອດວັນທີ 23 ມັງກອນ 2022, ຫວຽດນາມ ໄດ້ຕ້ອນຮັບນັກທ່ອງທ່ຽວສາກົນກວ່າ 8.500 ເທື່ອຄົນມາຢ້ຽມຢາມຢູ່ 3 ທ້ອງຖິ່ນຄື: ຟູກວກ (ກຽນຢາງ), ແຄງຮ່ວາ, ກວາງນາມ. ມາຮອດປະຈຸບັນ ບັນດາບໍລິສັດທ່ອງທ່ຽວສາກົນ, ໂຮງແຮມ ແລະ ຫົວໜ່ວຍຂົນສົ່ງໄດ້ຈົດທະບຽນເຂົ້າຮ່ວມການຕ້ອນຮັບນັກທ່ອງທ່ຽວນັບມື້ນັບຫຼາຍຂຶ້ນ. ນັກທ່ອງທ່ຽວສາກົນທີ່ເຂົ້າຮ່ວມໂຄງການທົດລອງໄດ້ມີການຕີລາຄາດີຢູ່ບັນດາສະຖານທີ່ມີຊື່ສຽງຢູ່ຫວຽດນາມ. ຕໍ່ບັນດາໝາກຜົນທີ່ດີໃນໄລຍະທົດລອງຕ້ອນຮັບນັກທ່ອງທ່ຽວສາກົນ,
ທ່ານລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ຫງວຽນວັນຮຸ່ງ, ຖືວ່າ: ດ້ວຍບັນດາເງື່ອນໄຂຄື ຫວຽດນາມ ໃນປະຈຸບັນ, ເມື່ອອັດຕາຜູ້ສັກວັກຊິນບັນລຸລະດັບສູງ ນອນໃນ top 10 ຂອງໂລກ, ເມື່ອຄວາມຕັດສິນໃຈຂອງຂະແໜງສາທາລະນະສຸກ ແລະ ແຜນນະໂຍບາຍຂອງນາຍົກລັດຖະມົນຕີກ່ຽວກັບບັ້ນສັກວັກຊິນລະດູບານໃໝ່ຮອດວັນທີ 30 ມີນາ ຈະສັກວັກຊິນເຂັມທີ 3 ໃຫ້ປະຊາຊົນໝົດທຸກຄົນ, ນີ້ິ້ກໍ່ແມ່ນກາລະໂອກາດເພື່ອໃຫ້ພວກເຮົາພິຈາລະນາເປີດປະຕູຕະຫຼາດຄືນໃໝ່, ບັນດາວິສາຫະກິດ, ບໍລິສັດທ່ອງທ່ຽວ, ບັນດາອົງການທີ່ກ່ຽວຂ້ອງຈະກະກຽມເງື່ອນໄຂເພື່ອໃຫ້ພວກເຮົາຕ້ອນຮັບນັກທ່ອງທ່ຽວຢ່າງສະດວກ.
ກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ໄດ້ສະເໜີເປີດປະຕູການເຄື່ອນໄຫວທ່ອງທ່ຽວສາກົນຢ່າງຮອບດ້ານ, ຕ້ອນຮັບນັກທ່ອງທ່ຽວສາກົນມາ ຫວຽດນາມ, ພາແຂກທ່ອງທ່ຽວໄປທ່ອງທ່ຽວຢູ່ຕ່າງປະເທດຜ່ານບັນດາດ່ານຊາຍແດນສາກົນ ນັບແຕ່ວັນທີ 01 ພຶດສະພາ.
ໄຊພອນ
