| ລາຍການ “ບຸນເຕັດຢູ່ເຂດຊາຍແດນ - ອຸ່ນໃຈປະຊາຊົນ” ຢູ່ແຂວງກວ໋າງນາມ | |
| ເບິ່ງແຍງດູແລບຸນເຕັດປະຈຳຊາດ ໃຫ້ແກ່ປະຊາຊົນບັນດາທ້ອງຖິ່ນ |
 |
| ການທູດປະຊາຊົນ ປີ 2022: ນຳໜ້າ ແລະ ປ່ຽນແປງໃໝ່ |
ການທູດປະຊາຊົນ ຕ້ອງກຳແໜ້ນໄດ້ບັນດາທ່າອ່ຽງໃໝ່ ກ່ຽວກັບການສຸມໃສ່ກຳລັງປະຊາຊົນໃນທົ່ວໂລກ, ເສີມຂະຫຍາຍທ່າໄດ້ປຽບທີ່ມີຄູ່ຮ່ວມມື, ກຳລັງ, ຂົງເຂດການເຄື່ອນໄຫວ, ຊ່ອງທາງສຳຜັດທີ່ເປັນຫຼາຍຮູບແບບ, ອຸດົມສົມບູນ, ອາດຈະມີໄຫວພິບກ່ຽວກັບມາດຕະການ, ເປັນເຈົ້າການເປີດກວ້າງ ການພົວພັນທາງການທູດ, ເພີ່ມທະວີການພົວພັນຮ່ວມມືກັບບັນດາຄູ່ຮ່ວມມືສອງຝ່າຍ ແລະ ຫຼາຍຝ່າຍຢ່າງມີປະສິດທິຜົນ.
ນຳໜ້າ
ການທູດປະຊາຊົນຕ້ອງຕັ້ງໜ້າເຊື່ອມຕໍ່, ຂົນຂວາຍ, ຍາດແຍ່ງການສະໜັບສະໜູນຂອງປະຊາຊົນບັນດາປະເທດ, ພິເສດແມ່ນບັນດາປະເທດບ້ານໃກ້ເຮືອນຄຽງ, ບັນດາປະເທດອາຊຽນ, ຄູ່ຮ່ວມມືຍຸດທະສາດ, ຄູ່ຮ່ວມມືຍຸດທະສາດຮອບດ້ານຂອງ ຫວຽດນາມ, ຜ່ານນັ້ນ ກໍສົ່ງຜົນກະທົບເຖິງນະໂຍບາຍຂອງບັນດາລັດຖະບານ, ບັນດາອົງການຈັດຕັ້ງ, ກົດລະບຽບສາກົນ, ພາກພື້ນ, ປະກອບສ່ວນແກ້ໄຂຄວາມຫຍຸ້ງຍາກ, ຂໍ້ຕິດຂັດໃນການພົວພັນກັບບັນດາຄູ່ຮ່ວມມື, ສ້າງຄວາມສະດວກ ໃຫ້ແກ່ພາລະກິດແຫ່ງການສ້າງສາ ແລະ ປົກປັກຮັກສາປະເທດຊາດ.
ຕ້ອງຕິດພັນບັນດາການເຄື່ອນໄຫວສັນຕິພາບ, ມີຄວາມສາມັກຄີ, ມິດຕິພາບ, ການຮ່ວມມືປະຊາຊົນ, ການຮ່ວມມືກັບບັນດາອົງການບໍ່ຂຶ້ນກັບລັດຖະບານຕ່າງປະເທດ ກັບບັນດາເປົ້າໝາຍພັດທະນາຂອງປະເທດຊາດຢ່າງແໜ້ນແຟ້ນ, ມານະພະຍາຍາມເປີດຊ່ອງທາງ, ສ້າງເງື່ອນໄຂ, ສ້າງຊ່ອງທາງຮ່ວມມືກັບວົງການວາງແຜນກຳນົດນະໂຍບາຍ, ວິສາຫະກິດ ເພື່ອລະດົມແຫຼ່ງກຳລັງທັງທຶນ, ເຕັກໂນໂລຢີ, ປັນຍາປະດິດ, ບົດຮຽນໃນການຮັບໃຊ້ພາລະກິດແຫ່ງການພັດທະນາຢ່າງໄວວາ ແລະ ຍືນຍົງຂອງປະເທດຊາດ, ສຸມໃສ່ເຂົ້າບັນດາຈຸດສຸມ: ຮັບມືກັບການປ່ຽນແປງຂອງດິນຟ້າອາກາດ, ການປ້ອງກັນຕ້ານໄພທຳມະຊາດ ໂລກລະບາດໂຄວິດ - 19, ປົກປັກຮັກສາສິ່ງແວດລ້ອມ, ການຫັນເປັນດີຈີຕອນ, ບຳລຸງສ້າງແຫຼ່ງຊັບພະຍາກອນ, ແກ້ໄຂຜົນຮ້າຍຢ້ອນຫຼັງຈາກສົງຄາມ, ເບິ່ງແຍງດູແລສຸຂະພາບວົງຄະນະຍາດ, ໜູນຊ່ວຍບັນດາກຸ່ມທີ່ມີຄວາມສ່ຽງສູງ…
ການປ່ຽນແປງໃໝ່
ທ່ານເລຂາທິການໃຫຍ່ພັກກອມມູນິດ ຫວຽດນາມ ຫງວຽນຝຸຈ້ອງ ໄດ້ຊີ້ນຳວຽກງານການທູດ ຕ້ອງ “…ມີໄຫວພິບ, ກ້າຄິດກ້າທຳ, ມີຈິດໃຈເປັນເຈົ້າການໃນການບຸກໂຈມຕີ, ກ້າຜ່ານຜ່າໃຫ້ຫຼຸດພົ້ນອອກຈາກຂົງເຂດທີ່ມີຈິນຕະນາການທີ່ເກົ່າແກ່, ບັນດາຂົງເຂດທີ່ລຶ້ງເຄີຍ ເພື່ອມີບັນດາແນວຄວາມຄິດ ແລະ ການກະທຳລະດັບຊາດ, ບືນຕົວຂຶ້ນລະດັບພາກພື້ນ ແລະ ສາກົນ”.
ການທູດປະຊາຊົນ ຕ້ອງກ້າຫານບຸກທະລຸ, ປະດິດຄິດສ້າງ, ຊອກຫາເສັ້ນທາງເດີນໃໝ່, ມີວິທີການປະຕິບັດງານໃໝ່, ບັນດາຂົງເຂດການຮ່ວມມືໃໝ່, ຊອກຫາບັນດາຄູ່ຮ່ວມມືໃໝ່… ເພື່ອປັບປຸງການພົວພັນກັບເພື່ອນມິດທີ່ມີມາແຕ່ດົນນານ ແລະ ເປີດກວ້າງເຄືອຂ່າຍເພື່ອນມິດຄູ່ຮ່ວມມືຂອງ ຫວຽດນາມ ໃນໂລກ. ຕ້ອງຄົ້ນຄ້ວາຈຸດທີ່ເປັນລັກສະນະສະເພາະຢ່າງລະອຽດ, ເອົາໃຈໃສ່ເຖິງຜົນປະໂຫຍດຂອງ ແຕ່ລະຄົນ ແລະ ບັນດາກຸ່ມເພື່ອນມິດ, ຄູ່ຮ່ວມມືເພື່ອມີບັນດາວິທີການ, ລາຍການຮ່ວມມືທີ່ເໝາະສົມ, ຕອບສະໜອງໄດ້ຜົນປະໂຫຍຂອງ ຫວຽດນາມ ແລະ ປະເທດເພື່ອນມິດ, ຮັບປະກັນຜົນປະໂຫຍດແຫ່ງຊາດ - ຊົນຊາດຢ່າງສູງສຸດບົນພື້ນຖານກົດບັນຍັດ ສປຊ ແລະ ບັນດາຫຼັກການພື້ນຖານຂອງ ກົດໝາຍສາກົນ, ມີຄວາມສະເໝີພາບ, ຕ່າງຝ່າຍຕ່າງມີຜົນປະໂຫຍດ.
ຕັ້ງໜ້າເຂົ້າຮ່ວມບັນດາເວທີປາໄສປະຊາຊົນຫຼາຍຝ່າຍ, ໝູນໃຊ້ບັນດາກົນໄກ, ເວທີປາໄສປະຊາຊົນໃນຂອບເຂດ ສະຫະປະຊາຊາດ ເພື່ອເພີ່ມທະວີ ຄວາມເຂົ້າໃຈ ແລະ ການສະໜັບສະໜູນສາກົນຕໍ່ຫວຽດນາມ ແລະ ບັນດາແຜນນະໂຍບາຍ, ນະໂຍບາຍຂອງ ພັກ ແລະ ລັດ ຫວຽດນາມ, ເປັນຕົ້ນແມ່ນບັນດາບັນຫາອະທິປະໄຕ, ສິດທິມະນຸດ, ອະທິປະໄຕເຂດຊາຍແດນຜືນແຜ່ນດິນອັນຄົບຖ້ວນ, ທະເລ, ໝູ່ເກາະ. ພ້ອມທັງປະກອບສ່ວນຢ່າງຕັ້ງໜ້າ ເຂົ້າໃນຄວາມມານະພະຍາຍາມ ຂອງປະຊາຄົມສາກົນ ໃນການຮັບມືກັບບັນດາສິ່ງທ້າຍທາຍລວມຄືບັນດາບັນຫາຄວາມໝັ້ນຄົງແບບໃໝ່, ສິ່ງແວດລ້ອມ, ແຫຼ່ງນ້ຳ, ຄວາມໝັ້ນຄົງທາງເຄືອຂ່າຍອິນເຕີເນັດ, ຊຸກຍູ້ການປະຕິບັດກົດໝາຍສາກົນ, ແກ້ໄຂບັນດາຄວາມຂັດແຍ້ງກັນໂດຍສັນຕິວິທີ, ສູ້ຊົນເພື່ອສັນຕິພາບ, ສະຖຽນລະພາບ, ການຮ່ວມມື ແລະ ການພັດທະນາ.
ເອົາໃຈໃສ່ດຶງດູດບັນດານັກທຸລະກິດ, ວິສາຫະກິດ, ໄວໜຸ່ມ, ວົງການປັນຍາຊົນ, ນັກສິລະປິນ, ຜູ້ທີ່ມີຊື່ສຽງ, ໝູນໃຊ້ເຕັກໂນໂລຢີຂໍ້ມູນຂ່າວສານ, ການເຫັນເປັນດີຈີຕອນ ເພືື່ອແນໃສ່ສ້າງຄວາມດູດດື່ມ, ພະລັງຊີວິດໃໝ່, ເພີ່ມທະວີແຫຼ່ງກຳລັງດ້ານວັດຖຸ ແລະ ມະນຸດໃຫ້ແກ່ການທູດປະຊາຊົນ, ເຮັດໃຫ້ບັນດາການເຄື່ອນໄຫວການທູດປະຊາຊົນອຸດົມສົມບູນ, ແທດຈິງ ແລະ ມີປະສິດທິຜົນກ່ວາອີກ.
ຍູ້ແຮງການໂຄສະນາພາບພົດຂອງ ຫວຽດນາມ ອອກສູ່ສາກົນ ຜ່ານບັນດາຜະລິດຕະພັນວັດທະນະທຳ, ສິລະປະ ແລະ ການຖະແຫຼງຂ່າວທາງການທູດ ໂດຍມີຄວາມດຶງດູດໃຈກ່ຽວກັບເນື້ອໃນ ແລະ ຮູບແບບ, ເພີ່ມທະວີການສະໜອງຂໍ້ມູນຂ່າວ, ໜູນຊ່ວຍເພື່ອໃຫ້ເພື່ອນມິດສາກົນ ຂຽນກ່ຽວກັບຫວຽດນາມ ຫຼາຍຂຶ້ນ. ເພີ່ມທະວີການລະດົມບັນດານັກຄົ້ນຄ້ວາ, ນັກຮຽນຮູ້ເຂົ້າຮ່ວມການເຄື່ອນໄຫວຄົ້ນຄ້ວາ ເພື່ອຍຍົກສູງຄຸນນະພາບວຽກງານເປັນເສນາທິການນະໂຍບາຍຮັບໃຊ້ວຽກງານການພົວພັນທາງການທູດ ແລະ ການທູດ ປະຊາຊົນ.
| ດ້ວຍການພັດທະນາຂອງເຕັກໂນໂລຢີຂໍ້ມູນຂ່າວ ແລະ ບັນດາພາຫະນະສື່ມວນຊົນທີ່ທັນສະໄໝ, ສື່ສັງຄົມອອນໄລ, ທ່າອ່ຽງຫັນຊີວິດການເປັນຢູ່ໃຫ້ມີປະຊາທິປະໄຕສາກົນ, ບັນດາຄວາມມານະພະຍາຍາມຂອງປະຊາຄົມສາກົນໃນການປະຕິບັດໂຄງການດຳເນີນງານ 2030 ແລະ ບັນດາເປົ້າໝາຍພັດທະນາແບບຍືນຍົງ, ບົດບາດ, ສຽງເວົ້າຂອງປະຊາຊົນ, ບັນດາອົງການຈັດຕັ້ງ, ເວທີປາໄສປະຊາຊົນນັບມື້ນັບໄດ້ຮັບຄວາມສົນໃຈ, ລັດຖະບານບັນດາປະເທດໄດ້ມີຄວາມເອົາໃຈໃສ່ເຖິງການຊຸກຍູ້ການທູດປະຊາຊົນເພື່ອຍາດແຍ່ງການສະໜັບສະໜູນຂອງປະຊາຊົນ, ເພີ່ມທະວີຄວາມເຫັນດີເຫັນພ້ອມຈາກສັງຄົມ. |
ບຸນຄົງ
