| ຄອບຄົວ ຫວຽດນາມ ມີ 4 ລຸ້ນຢູ່ນຳກັນ ເຮັດເຂົ້າໜົມແປ້ງຂາວ ຕ້ອນຮັບບຸນເຕັດປະຈຳຊາດ | |
| ລາຍການ “ບຸນເຕັດຢູ່ເຂດຊາຍແດນ - ອຸ່ນໃຈປະຊາຊົນ” ຢູ່ແຂວງກວ໋າງນາມ |
 |
| ທ່ານນາງອຸປະທູດ ຢູແກຼນ ປະຈຳ ຫວຽດນາມ Nataliya Zhynkina ນຸ່ງຊຸດອາວຢາຍ ສີແດງ |
ຄວາມຮັກແພງຂອງຂ້າພະເຈົ້າສຳລັບ ຫວຽດນາມ ແມ່ນມີມາແຕ່ 20 ປີແລ້ວ, ຄັ້ງທຳອິດທີ່ຂ້າພະເຈົ້າໄປຍັງຮ່າໂນ້ຍ ໃນປີ 2001, ເມື່ອຍັງແມ່ນນັກສຶກສາ. ຕອນນັ້ນ, ຂ້າພະເຈົ້າໄດ້ດຳເນີນຊີວິດພ້ອມກັບບັນດານັກສຶກສາ ຢູແກຼນ,ບຸນກາຣີ, ລັດເຊຍ, ກູບາ, ມົງໂກນ ຢູ່ຫໍພັກນັກສຶກສາ ຢູ່ມະຫາວິທະຍາໄລສັບພະວິຊາ ຮ່າໂນ້ຍ.
ໃນຍາມນັ້ນ, ຂ້າພະເຈົ້າ ແລະ ເພື່ອນຂ້າພະເຈົ້າໂດຍແມ່ນຊາວ ບຸນກາຣີ ມັກທີ່ສຸດແມ່ນພາຍຫຼັງເລີກຮຽນໃນຕອນເຊົ້າ ຈະອອກໄປນອກຊື້ເຂົ້າຈີ່ກິນກັບນົມຂຸ້ນ. ໂດຍເປັນຄັ້ງທຳອິດເມື່ອກິນເຝີຢູ່ ມະຫາວິທະຍາໄລສັບພະວິຊານັ້ນ ຂ້າພະເຈົ້າຕ້ອງຮຽນກິນດ້ວຍໄມ້ຖູ່. ພາຍຫຼັງທີ່ກັບເມືອຢູແກຼນ, ບາງຄັ້ງຂ້າພະເຈົ້າກໍໄດ້ຊວນເພື່ອນໄປຍັງຮ້ານອາຫານຫວຽດນາມ ຢູ່ Kyiv ເພື່ອກິນເຝີ.
ເມື່ອໄປຍັງ ຫວຽດນາມ, ຂ້າພະເຈົ້າຈຶ່ງຮູ້ວ່າ ຊາວຫວຽດນາມຕ້ອນຮັບບຸນປີໃໝ່ ຕາມຈັນທະປະຕິທິນ. ສ່ວນຂ້າພະເຈົ້າກໍ່ໄດ້ມີໂອກາດຕ້ອນຮັບປີໃໝ່ 9 ຄັ້ງຢູ່ ຫວຽດນາມ ແລ້ວ. ຂ້າພະເຈົ້າມັກນະຄອນຮ່າໂນ້ຍໃນຍາມນີ້ທີ່ສຸດ. ຖະໜົມກໍ່ເປົ່າປຽວ, ມິດງຽບ, ມີເຮືອນຫຼາຍຫຼັງໄດ້ຮັບການປະດັບປະດາຢ່າງສວຍງາມ, ທຸກຄົນບໍ່ຟ້າວບໍ່ຟັ່ງ, ນຸ່ງຖືສະອາດງາມຕາ ແລະ ຍິ້ມແຍ້ມແຈ່ມໃສ. ພົບປະຜູ້ໃດໃນຖະໜົນ ກໍ່ໄດ້ຮັບຄຳອວຍພອນປີໃໝ່.
 |
| ທ່ານນາງອຸປະທູດ ຢູແກຼນ ປະຈຳ ຫວຽດນາມ Nataliya Zhynkina |
ພາຍຫຼັງກັບຄືນມາຫວຽດນາມ ໃນປີ 2019, ຂ້າພະເຈົ້າເລີ່ມແນະນຳບຸນເຕັດໃຫ້ແກ່ຄອບຄົວຂ້າພະເຈົ້າ, ປີໃດກໍ່ຄືກັນ, ຂ້າພະເຈົ້າກໍ່ຊື້ດອກໄມ້ ແລະ ຕົ້ນໄມ້ຕ້ອນຮັບລະດູບານໃໝ່. ປີ 2020 ຂ້າພະເຈົ້າໄດ້ຊື້ຕົ້ນໝາກແປ້ນ. ປີ 2021 ຂ້າພະເຈົ້າຊື້ດອກເໝີຍເຫຼືອງ. ປີ 2022 ແນ່ນອນວ່າ ຈະຊື້ດອກຄາຍ. ໃນຍາມບຸນເຕັດ ລູກຊາຍຂອງຂ້າພະເຈົ້າກໍ່ມັກໄດ້ຮັບອັ່ງເປົາ. ສ່ວນຜົວຂອງຂ້າພະເຈົ້າກໍ່ມັກບັນຍາກາດເຢັນສະບາຍໃນນະຄອນ ແລະ ສີສັນຂອງຕະຫຼາດດອກໄມ້ຢູ່ອ້ອມຂ້າງບ່ອນທີ່ ພວກຂ້າພະເຈົ້າຢູ່.
ປີໃໝ່, ຂ້າພະເຈົ້າຫວັງວ່າ ຊີວິດການເປັນຢູ່ ຢູ່ ຫວຽດນາມ ຈະເປັນປົກກະຕິຕາມສະພາບການທີ່ເປັນປົກກະຕິໃໝ່. ຂ້າພະເຈົ້າເຊື່ອໝັ້ນວ່າ ຊາວຫວຽດນາມ ຈະຜ່ານຜ່າຄວາມຫຍຸ້ງຍາກຈາກໂລກລະບາດໂຄວິດ - 19. ປີ 2022, ຂ້າພະເຈົ້າຄາດຄະເນວ່າ ຫວຽດນາມ ຈະເປີດປະຕູໃຫ້ແກ່ແຂກທ່ອງທ່ຽວຕ່າງປະເທດ ແລະ ຫຼາຍໆຄົນມາຄົ້ນຫາປະເທດທີ່ສວຍງາມນີ້.
ຂ້າພະເຈົ້າເຊື່ອໝັ້ນວ່າ ປີ 2022 ພື້ນຖານເສດຖະກິດ ຂອງຫວຽດນາມ ຈະສືບຕໍ່ມີການເຕີບໂຕ, ທີ່ຕັ້ງບົດບາດ, ອິດທິພົນຊື່ສຽງສາກົນຂອງ ຫວຽດນາມ ໃນພາກພື້ນ ແລະ ໃນໂລກ ຈະນັບມື້ນັບໄດ້ຮັບການຍົກສູງ, ປະກອບສ່ວນຢ່າງຕັ້ງໜ້າ ແລະ ມີຄວາມຮັບຜິດຊອບຕໍ່ການຮັກສາສັນຕິພາບ, ການຮ່ວມມືພັດທະນາ ແລະ ກ້າວໜ້າໃນທົ່ວໂລກ.
ບຸນຄົງ
