| ສາມຈຸດປ່ຽນແປງໃໝ່ທີ່ພົ້ນເດັ່ນຂອງ VUFO ໃນວຽກງານການເຄື່ອນໄຫວ ໃນປີ 2021 | |
| ວຽກງານຊາວຫວຽດນາມ ອາໄສຢູ່ຕ່າງປະເທດ ແມ່ນວຽກງານສຳຄັນໜຶ່ງໃນບັນດາການເຄື່ອນໄຫວຂອງ VUFO |
 |
| ທ່ານລັດຖະມົນຕີກະຊວງຖະແຫຼງຂ່າວ ແລະ ການສຶ່ສານ, ປະທານສະມາຄົມມິດຕະພາບ ຫວຽດນາມ - ອິນເດຍ ຫງວຽນແມັງຮຸ່ງ ມອບເຄື່ອງຊ່ວຍຫາຍໃຈ 100 ອັນໃຫ້ແກ່ປະຊາຊົນ ອິນເດຍ |
ຄະນະອາຊີ-ອາບຟຼິກກາ:
ເພີ່ມທະວີການເຄື່ອນໄຫວໜູນຊ່ວຍມະນຸດສະທຳຜ່ານຊ່ອງທາງການທູດ
ໃນຊຸມວັນເດືອນເມສາ ປີ 2021, ສະຫະພັນບັນດາອົງການຈັດຕັ້ງມິດຕະພາບ ນະຄອນເກິ່ນເທີ ພ້ອມກັບສະມາຄົມມິດຕະພາບ ຫວຽດນາມ - ກຳປູເຈຍ ນະຄອນ ເກິ່ນເທີ ໄດ້ຈັດຕັ້ງຄະນະຜູ້ແທນໄປຍັງດ່ານຊາຍແດນສາກົນ ເທື່ອງເຟືອກ, ຢູ່ເມືອງ ຮົ່ງງຶ, ແຂວງ ດົ່ງທາບ ເພື່ອມອບຂອງຂັວນໜູນຊ່ວຍໃຫ້ແກ່ປະຊາຄົມຊາວຂະແມ ເຊື້ອຊາດ ຫວຽດນາມ ທີ່ດຳລົງຊີວິດຢູ່ກຳປູເຈຍ. ຂອງຂວັນແມ່ນເຄື່ອງຂອງທີ່ຈຳເປັນ ລວມມີສະບຽງອາຫານ, ທັນຍາຫານ, ບັນດາເຄື່ອງຂອງທີ່ຈຳເປັນ ແລະ ວັດຖຸອຸປະກອນການແພດ ໃຫ້ແກ່ປະຊາຊົນຕ້ານໂລກລະບາດຄື: ຜ້າອັດປາກດັງ 50.000 ອັນ, ນ້ຳຢາລ້າງມືຂ້າເຊື້ອ 3.000 ຕຸກ ແລະ ໝີ່ສຳເລັດຮູບ 400 ແກັດ, ລວມມູນຄ່າປະມານ 400 ລ້ານດົ່ງ. ໂດຍໄດ້ຮັບຮູ້ວ່າ, ໃນຈຸດເວລານັ້ນ ສະພາບການໂລກລະບາດໂຄວິດ - 19 ຢູ່ກຳປູເຈຍ ມີການຜັນແປ່ຢ່າງສັບສົນ, ກໍ່ຜົນສະທ້ອນຢ່າງໜັກໜ່ວງຕໍ່ການດຳລົງຊີວິດຂອງ ຊາວກຳປູເຈຍເວົ້າລວມ ແລະ ຊາວຂະແມເຊື້ອຊາດ ຫວຽດນາມ ເວົ້າສະເພາະ, ພິເສດ ແມ່ນປະຊາຊົນຢູ່ແຂວງ Kandal ແລະ ແຂວງ Prey Veng.
ບໍ່ພຽງແຕ່ໃນວຽກງານ, ປ້ອງກັນ ຕ້ານໂລກລະບາດໂຄວິດ - 19 ເທົ່ານັ້ນ, ຕໍ່ໜ້າສະພາບການຊາວເຊື້ອຊາດ ຫວຽດນາມ ອາໄສຢູ່ກຳປູເຈຍ ປະສົບກັບຄວາມຫຍຸ້ງຍາກຍ້ອນຂໍ້ຕົກລົງຍົກຍ້າຍເຮືອນເຮືອແພ ແລະ ບັນດາກິດຈະກຳບົນແມ່ນ້ຳ Tonle Sap ໄປຍັງເຂດໃໝ່ ຕາມຂໍ້ຕົກລົງຂອງອຳນາດການປົກຄອງນະຄອນຫຼວງ Phnom Penh, ສະຫະພັນມິດຕະພາບ ແລະ ສະຫະພັນບັນດາອົງການຈັດຕັ້ງມິດຕະພາບ ຫວຽດນາມ (VUFO) - ກຳປູເຈຍ, ຜ່ານສະມາຄົມຂະແມ - ຫວຽດນາມ, ໄດ້ສົ່ງຈົດໝາຍຢື້ຢາມຖາມຂ່າວ, ລະດົມກຳລັງໃຈກ່ຽວກັບຈິດໃຈ ແລະ ວັດຖຸໜູນຊ່ວຍພໍ່ແມ່ປະຊາຊົນຢ່າງທັນການ.
ປີ 2021, ເມື່ອໂລກລະບາດໂຄວິດ - 19 ມີການຜັນແປຢ່າງສັບສົນຢູ່ບັນດາປະເທດຄື: ລາວ, ກຳປູເຈຍ, ອິນເດຍ ໃນເດືອນພຶດສະພາ ປີ 2021, ການຈັດຕັ້ງລະດົມການບໍລິຈາກ, ໂອນເງິນ ແລະ ຂົນສົ່ງວັດຖຸອຸປະກອນການແພດໜູນຊ່ວຍປະຊາຊົນ 3 ປະເທດ ຕ້ານໂລກລະບາດໄດ້ຮັບການຜັນຂະຫຍາຍໂດຍໄວ, ມີໄຫວພິບ, ທັນການ. ບັນດາການລະດົມໄດ້ດຳເນີນໃນໄລຍະເວລາ 2 ອາທິດນັບແຕ່ເວລາລະດົມ, ສະຫຼຸບຕະຫຼອດຮອດເວລາມອບໃຫ້ຄູ່ຮ່ວມມື ໂດຍໄດ້ຮັບການຕອບສະໜອງຢ່າງຕັ້ງໜ້າຂອງບັນດາໝູ່ຄະນະ, ສ່ວນບຸກຄົນທັງຢູ່ພາຍໃນ ແລະ ນອກລະບົບສະມາຄົມ. ພິເສດ, ມີບັນດາໜ່ວຍງານຄືອຳນາດການປົກຄອງ ແລະ ປະຊາຊົນແຂວງຫ໋າຍເຢືອງ, ສະມາຄົມມິດຕະພາບ ຫວຽດນາມ - ລາວ ແຂວງຫ໋າຍເຢືອງ ໄດ້ຕັ້ງໜ້າຕອບສະໜັບການລະດົມ, ເຂົ້າຮ່ວມການໜູນຊ່ວຍປະເທດລາວ ປ້ອງກັນຕ້ານຕາມຊ່ອງທາງຂອງ ສູນສະມາຄົມມິດຕະພາບ ຫວຽດນາມ - ລາວ ດ້ວຍຈຳນວນເງິນ 500 ລ້ານດົ່ງ.
ຊຸມວັນເດືອນເມສາປີ 2021, ຈຳນວນຜູ້ຕິດເຊື້ອ ແລະ ເສຍຊີວິດຢູ່ອິນເດຍ ເພີ່ມຂຶ້ນໂດຍໄວ. ໃນທັນທີ, ສະມາຄົມມິດຕະພາບຫວຽດນາມ - ອິນເດຍ, ບັນດາຜູ້ຄົນຊາວຫວຽດນາມ ທີ່ມີຄວາມຮັກແພງຕໍ່ປະເທດສາສະໜາພຸດນີ້ ກໍໄດ້ລວບລວມວັດຖຸອຸປະກອນການແພດ, ເງິນສົດ ເພື່ອສົ່ງໄປຍັງປະເທດອິນເດຍ. ດ້ວຍການສະໜັບສະໜູນຈາກກົມຮ່ວມມືສາກົນ (ກະຊວງຖະແຫຼງຂ່າວ ແລະ ການສື່ສານ), ເຄື່ອງຈັກ, ວັດຖຸອຸປະກອນການແພດ… ໄດ້ສົ່ງໄປຍັງທ່າກ່ຳປັ່ນ ໄຊງອນ ເພື່ອສົ່ງໄປຍັງອິນເດຍ ຜ່ານທາງທະເລ. ກ່ຳປັ່ນທະເລທີ່ມີເຄື່ອງຊ່ວຍຫາຍໃຈ 100 ອັນ ແລະ ນ້ຳໃຈຢ່າງຈິງໃຈຂອງຊາວຫວຽດ.
ໂດຍສະແດງຄວາມໃນໃຈກ່ຽວກັບການກະທຳອັນສູງສົ່ງຂອງປະຊາຊົນຫວຽດນາມ, ທ່ານ Prayney Verma, ເອກອັກຄະລັດຖະທູດ ອິນເດຍ ປະຈຳຫວຽດນາມ ກ່າວວ່າ: ຜ່ານວິກິດການທີ່ບໍ່ເຄີຍມີມາກ່ອນນີ້, ພວກເຮົາຍິ່ງເຫັນໄດ້ຄວາມສຳຄັນຂອງການເຊື່ອມຕໍ່ມະນຸດສະທຳອັນດີງາມ, ໂດຍແມ່ນຈຸດສຸມຂອງນ້ຳໃຈ ແລະ ການພົວພັນຍຸດທະສາດຂອງສອງປະເທດ.
ຕາມບົດລາຍງານຂອງ ຄະນະ ອາຊີ - ອາບຟິກກາ (VUFO), ຍອດມູນຄ່າເງິນສົດ ແລະ ວັດຖຸອຸປະກອນການແພດລວມມີ: ເຄື່ອງຊ່ວຍຫາຍໃຈ, ຜ້າອັດປາກດັງ, ຊຸດປ້ອງກັນຕ້ານເຊື້ອ, ນ້ຳຢາລ້າງມືຂ້າເຊື້ອ ໜູນຊ່ວຍປະຊາຊົນສາມປະເທດ ລາວ, ກຳປູເຈຍ, ອິນເດຍ ຕ້ານໂລກລະບາດ ມີເຖິງກ່ວາ 13 ຕື້ດົ່ງ.
| ກ່ອນທີ່ກ່ຳປັ່ນຈະເລີ່ມອອກເດີນທາງ, ມີແມ່ເຖົ້າຄົນໜຶ່ງອາຍຸ 80ປີ ໄດ້ມາພົບກັບສະມາຊິກສະມາຄົມມິດຕະພາບ ຫວຽດນາມ - ອິນເດຍ ເພື່ອສະໜັບສະໜູນເງິນເປັນຈຳນວນ 3 ລ້ານດົ່ງ. ແມ່ເຖົ້າເວົ້າວ່າ: “ແມ່ເຖົ້າບໍ່ມີເງິນເດືອນ. ນີ້ແມ່ນເງິນປະຢັດຂອງແມ່ເຖົ້າ. ພວກລູກສົ່ງໄປຍັງປະຊາຊົນອິນເດຍ ຊ່ວຍແມ່ເດີ, ຫວັງວ່າ ອິນເດຍຈະຜ່ານຜ່າວິກິດການນີ້ໄປໄດ້ໂດຍໄວ”. |
ບຸນຄົງ
