| ບັນດາເສດຖີຫວຽດນາມມີຕື່ມເກືອບ 3 ຕື້ USD ໃນປີ 2021 | |
| VUFO ມອບໃບຍ້ອງຍໍໃຫ້ແກ່ 49 ອົງການບໍ່ຂຶ້ນກັບລັດຖະບານຕ່າງປະເທດ ທີ່ມີການເຄື່ອນໄຫວພົ້ນເດັ່ນໃນປີ 2021 |
ທ່ານນາງປະທານ ຫງວຽນເຟືອງງາ ໄດ້ຮັບຮູ້ ແລະ ຍ້ອງຍໍບັນດາຜົນງານຂອງ VUFO ໃນປີ 2021 ເຖິງວ່າຈະປະສົບກັບສະພາບການພະຍາດໂຄວິດ-19 ກໍ່ຕາມ; ພ້ອມກັນນັ້ນ ກໍ່ເນັ້ນໜັກ 3 ເນື້ອໃນຄື:
 |
| ທ່ານນາງປະທານສະຫະພັນບັນດາອົງການຈັດຕັ້ງມິດຕະພາບຫວຽດນາມ ຫງວຽນເຟືອງງາ. |
ທີໜຶ່ງ, VUFO ສືບຕໍ່ປ່ຽນແປງໃໝ່ແນວຄິດ, ວິທີເຂົ້າເຖິງເນື້ອຫາ, ຮູບແບບ ການເຄື່ອນໄຫວ ແລະ ເປັນເຈົ້າການ, ປັບຕົວເຂົ້າກັບພະຍາດໂຄວິດ-19, ເຮັດວຽກທາງອອນໄລ ສົມທົບກັບໂດຍກົງ. ຄຸນນະພາບຂອງວຽກງານພົວພັນ ຕ່າງປະເທດ ກໍ່ຄືວຽກງານຈັດຕັ້ງ, ກໍ່ສ້າງພາຍໃນລ້ວນແຕ່ໄດ້ຮັບການຍົກສູງ.
ທີສອງແມ່ນສ້າງກົງຈັກ, ກໍ່ສ້າງ ແລະ ບຳລຸງພະນັກງານ ໂດຍຜ່ານບັນດາຊຸດກໍ່ສ້າງ, ຊຸດຝຶກອົບຮົມ, ກອງປະຊຸມຂອງແຕ່ລະຄະນະ, ຫົວໜ່ວຍ, ແຕ່ລະບົດລາຍງານ, ບົດຂຽນ...
ທີສາມ, ວຽກງານພົວພັນຕ່າງປະເທດປະຊາຊົນໃນປີ 2021 ໄດ້ຍົກສູງຄຸນນະພາບໃນແຕ່ລະຂົງເຂດການເຄື່ອນໄຫວ...
 |
| ບັນຍາກາດທີ່ກອງປະຊຸມ. |
ໃນປີ 2022, VUFO ຈະສຸມໃສ່ປະຕິບັດບັນດາເປົ້າໝາຍຈຸດສຸມ ຄື: ກໍ່ສ້າງ ແລະ ປັບປຸງລະບົບແຕ່ສູນກາງລົງຮອດທ້ອງຖິ່ນຕາມທິດເປັນເອກະພາບ, ມີປະສິດທິ ພາບ, ມີປະສິດທິຜົນ; ສືບຕໍ່ປ່ຽນແປງໃໝ່ແນວຄິດ, ວິທີການທັງດ້ານເນື້ອໃນ ແລະ ວິທີການເຄື່ອນໄຫວຢ່າງແຮງ; ຫັນບັນດາຄູ່ຮ່ວມມືເປັນຫຼາຍຮູບຫຼາຍແບບ, ນໍາການພົວພັນເຂົ້າສູ່ລວງເລິກ; ເພີ່ມທະວີການເຊື່ອມຕໍ່ຂໍ້ມູນຂ່າວສານກັບປະຊາຄົມຊາວຫວຽດນາມ ອາໄສຢູ່ ຕ່າງປະເທດ; ເພີ່ມທະວີວຽກງານຄົ້ນຄວ້າ ແລະ ຄາດຄະເນ; ສືບຕໍ່ກວດກາຄືນ, ຈັດສັນ, ປັບປຸງ ແລະ ພັດທະນາບັນດາອົງການສະມາຊິກ; ຍົກສູງກໍາລັງຄວາມສາມາດຂອງພະນັກງານ, ເສີມຂະຍາຍ ແລະ ສົມທົບກັບທຸກກໍາລັງ...
ບູນມີ
