| ເພີ່ມທະວີການຮ່ວມມືທາງດ້ານປ້ອງກັນຊາດ ລະຫວ່າງ ຫວຽດນາມ - ລາວ | |
| ການພົບປະເຈລະຈາຂັ້ນສູງ ຫວຽດນາມ - ລາວ |
 |
| ການປຶກສາຫາລືດ້ານການເມືອງຂັ້ນຮອງລັດຖະມົນຕີການຕ່າງປະເທດ ຫວຽດນາມ - ເບລາຣຸດ. ພາບ:TTXVN |
ສອງຝ່າຍໄດ້ສົມທົບກັນກວດກາຄືນສະພາບການຮ່ວມມືລະຫວ່າງສອງປະເທດໃນຫຼາຍຂົງເຂດ, ເຫັນດີເປັນເອກະພາບຕໍ່ຫຼາຍມາດຕະການເພື່ອເພີ່ມທະວີການພົວພັນສອງຝ່າຍກວ່າອີກ, ໃນນັ້ນລວມມີການຟື້ນຟູບັນດາການພົບປະແລກປ່ຽນຄະນະຜູ້ແທນທຸກຂັ້ນໃນສະພາບການເປັນປົກກະຕິໃໝ່, ເປີດກວ້າງການພົວພັນຮ່ວມມືໃນຂົງເຂດປ້ອງກັນປະເທດ, ປ້ອງກັນຄວາມສະຫງົບ, ເສດຖະກິດ - ການຄ້າ, ການລົງທຶນ, ການສຶກສາ, ວັດທະນະທຳ - ທ່ອງທ່ຽວ, ການຮ່ວມມືທ້ອງຖິ່ນ...
ທ່ານຮອງລັດຖະມົນຕີ ໂຕແອງຢູງ ໄດ້ຕີລາຄາສູງການຢ້ຽມຢາມຫວຽດນາມ ຂອງທ່ານຮອງລັດຖະມົນຕີ Nikolai Borisevich; ຢືນຢັນວ່າ ຫວຽດນາມ ຖືເປັນສຳຄັນ ແລະ ປາດຖະໜາຢາກພັດທະນາການພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືຫຼາຍດ້ານກັບ ເບລາຣຸດ; ທ່ານກໍ່ໃຫ້ຮູ້ວ່າສອງປະເທດໄດ້ມອບອຸປະກອນການແພດໃຫ້ເຊິ່ງກັນ ແລະ ກັນ ເພື່ອປ້ອງກັນ ແລະ ຄວບຄຸມພະຍາດໂຄວິດ-19 ໃນເດືອນທັນວາ 2021 ແມ່ນຫຼັກຖານທີ່ມີຊີວິດຊີວາຂອງນໍ້າໃຈມິດຕະພາບລະຫວ່າງປະຊາຊົນສອງປະເທດ.
ທ່ານຮອງລັດຖະມົນຕີ ໂຕແອງຢູງ ໄດ້ສະແດງຄວາມປິຕິມ່ວນຊື່ນຕໍ່ວົງເງິນການຄ້າສອງປະເທດໃນປີ 2021 ໄດ້ຟື້ນຟູເມື່ອທຽບໃສ່ກ່ອນເກີດໂລກລະບາດໂຄວິດ-19, ສະເໜີ 2 ປະເທດນຳໃຊ້ບັນດາສິດພິເສດຂອງສັນຍາການຄ້າເສລີລະຫວ່າງ ຫວຽດນາມ ແລະ ສະຫະພັນເສດຖະກິດ ອາຊີ - ເອີລົບ ເຊິ່ງ ເບລາຣຸດ ເປັນສະມາຊິກ ເພື່ອເພີ່ມທະວີການແລກປ່ຽນການຄ້າໃນອະນາຄົດອັນໃກ້ນີ້.
ທ່ານຮອງລັດຖະມົນຕີ Nikolai Borisevich ໄດ້ສະແດງຄວາມຍິນດີທີ່ມາຢ້ຽມຢາມ ຫວຽດນາມ ເນື່ອງໃນໂອກາດສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນທາງການທູດ (24 ມັງກອນ 1992 – 24 ມັງກອນ 2022); ຕີລາຄາສູງ ແລະ ຊົມເຊີຍ ຫວຽດນາມ ທີ່ໄດ້ປະຕິບັດສຳເລັດບົດບາດເປັນສະມາຊິກບໍ່ປະຈຳສະພາຄວາມໝັ້ນຄົງສະຫະປະຊາຊາດ ໄລຍະ 2020-2021; ເນັ້ນໜັກວ່າ ເບລາຣຸດ ປາດຖະໜາຢາກຊຸກຍູ້ການຮ່ວມມືກັບຫວຽດນາມ ໃນທຸກຂົງເຂດ.
ສອງ ຝ່າຍເຫັນດີເປັນເອກະສັນສືບຕໍ່ສົມທົບກັນຢ່າງແໜ້ນແຟ້ນ ແລະ ສະໜັບສະໜູນເຊິ່ງກັນ ແລະ ກັນຢູ່ບັນດາເວທີປາໄສສາກົນ, ປະກອບສ່ວນເຂົ້າໃນສັນຕິພາບ ແລະ ສະຖຽນລະພາບຢູ່ພາກພື້ນ ແລະ ໃນໂລກ.
ເນື່ອງໃນໂອກາດນີ້, ທ່ານຮອງລັດຖະມົນຕີການຕ່າງປະເທດ ເບລາຣຸດ ໄດ້ມອບຈົດໝາຍທາງການຢືນຢັນວ່າ ເບລາຣຸດ ຈະສະໜັບສະໜູນ ຫວຽດນາມ ໃນການອອກຮັບສະໝັກ ເຂົ້າສະພາປະຊາຊົນສິດທິມະນຸດ ສະຫະປະຊາຊາດ ອາຍຸການ 2023-2025.
ໄຊພອນ
