| ນະວະນິຍາຍ “ວາດສະໜາດີ” ເປັນຄັ້ງທຳອິດທີ່ພິມຈຳໜ່າຍຢູ່ ຈີນ | |
| ຮັບວັກຊິນກັນໂຄວິດ - 19 200.000 ໂດສ ໂດຍກະຊວງປ້ອງກັນປະເທດຈີນ ມອບໃຫ້ |
 |
| ພາບປະກອບ: baolaocai.vn |
ຕາມຂໍ້ມູນຈາກໜັງສືພິມລາວກາຍ ໃຫ້ຮູ້ວ່າ ຕອນເຊົ້າວັນທີ 12 ມັງກອນ, ຢູ່ດ່ານຊາຍແດນສາກົນ ທາງບົກເລກ II ກິມແທັງ (ນະຄອນ ລາວກາຍ) ຟົດຟື້ນຫຼາຍເມື່ອທຽບໃສ່ກັບວັນກ່ອນ. ຈຳນວນພາຫະນະຂົນສົ່ງສິນຄ້າໄດ້ເຕົ້າໂຮມກັນຢູ່ເຂດດ່ານຊາຍແດນຫຼາຍພໍສົມຄວນ, ໃນນັ້ນສ່ວນຫຼາຍແມ່ນລົດ ຄອນເທນເນີ ແຊ່ເຢັນ ຂົນສົ່ງໝາກໄມ້ສົດ.
ໄລ່ຮອດເວລາ 10 ໂມງເຊົ້າຂອງວັນທີ 12 ມັງກອນ, ມີລົດຂົນສົ່ງມັງກອນ, ໝາກມ່ວງ, ໝາກມີ້ ເກືອບ 50 ຄັນ ໄດ້ຈົດທະບຽນເຮັດລະບຽບການຂົນສົ່ງໄປຍັງຈີນ.
ກ່ອນໜ້ານັ້ນ, ການນຳເຂົ້າໝາກໄມ້ສົດຈາກຫວຽດນາມ ຜ່ານດ່ານຊາຍແດນ ລາວກາຍ - ຮ່າເຂົາ ຖືກຢຸດຕິນັບແຕ່ກາງເດືອນກໍລະກົດ ພາຍຫຼັງຝ່າຍ ຢູນໜານ (ປະເທດຈີນ) ກວດພົບເຊື້ອໄວຣັດ Sars – Cov – 2 ທີ່ຕິດຢູ່ໃນຫໍ່ ແລະ ລົດຂົນສົ່ງໝາກມັງກອນສົ່ງອອກ ຈາກ ຫວຽດນາມ.
ເລື່ອງນີ້ໄດ້ເຮັດໃຫ້ໝາກມັງກອນ ໂດຍແມ່ນຜະລິດຕະພັນຫຼັກແຫຼ່ງທີ່ຜ່ານດ່ານຊາຍແດນ ສາກົນ ທາງບົກ ເລກທີ II ກິມແທັງ, ຫຼຸດລົງເຖິງ 40% ເມື່ອທຽບໃສ່ກັບ ປີ 2020.
ກ່ອນໜ້ານັ້ນໃນວັນທີ 8 ມັງກອນ, ທ່ານ ຮ່າດຶກຖ້ວນ, ຮອງຫົວໜ້າຄະນະຄຸ້ມຄອງເຂດເສດຖະກິດ ແຂວງ ລາວກາຍ ໄດ້ຢັ້ງຢືນວ່າ ບາງສື່ເອເລັກໂຕນິກ ແລະ ສື່ສັງຄົມອອນໄລ ໄດ້ລົງຂ່າວໃນວັນທີ 6 ມັງກອນວ່າ ຝ່າຍ ຈີນ ໄດ້ຢຸດຕິການເຄື່ອນໄຫວຜ່ານແດນສາກົນ ລາວກາຍ ເພື່ອຮັບໃຊ້ວຽກງານປ້ອງກັນຕ້ານໂລກລະບາດໂຄວິດ - 19 ແມ່ນ ບໍ່ຖືກຕ້ອງ.
ຄະນະຄຸ້ມຄອງເຂດເສດຖະກິດແຂວງ ລາວກາຍ ໄດ້ແລກປ່ຽນກັບຄະນະຄຸ້ມຄອງດ່ານຊາຍແດນ ຮ່າເຂົາ (ຈີນ) ຜ່ານສາຍໂທລະສັບສາຍດ່ວນຕິດຕໍ່ພົວພັນລະຫວ່າງສອງຝ່າຍ.
ຝ່າຍຮ່າເຂົາ ໄດ້ຢັ້ງຢືນວ່າ ກະຊວງການຕ່າງປະເທດ ຈີນ ໄດ້ຊີ້ນຳບັນດາດ່ານຊາຍແດນທາງບົກ ລະຫວ່າງ ຈີນ - ຫວຽດນາມ (ໃນນັ້ນມີດ່ານຊາຍແດນ ຮ່າເຂົາ) ຕ້ອງຮັບປະກັນການຮັກສາການສິນຄ້າຜ່ານແດນຢູ່ດ່ານຊາຍແດນ ຮ່າເຂົາ, ແຂວງ ຢູນໜານ (ຈີນ) ແລະ ລາວກາຍ ( ຫວຽດນາມ) ໃນໂອກາດກ່ອນ ແລະ ຫຼັງບຸນເຕັດປະຈຳຊາດ 2022.
ບຸນຄົງ
