ອະນຸສາວະລີມິດຕະພາບຫວຽດນາມ-ກຳປູເຈຍ: ສັນຍາລັກຕົວແທນແຫ່ງຄວາມຜູກພັນລະຫວ່າງປະຊາຊົນສອງຊາດ

11:45 | 12/01/2022

ຍສໝ - 23 ສະຖານອະນຸສາວະລີທີ່ເປັນຄຳກ່າວຂານກ່ຽວກັບວັນເວລາທີ່ເຄັ່ງຕຶງທີ່ສຸດໃນປະຫວັດສາກຳປູເຈຍ, ກ່ຽວກັບສົງຄາມພິເສດຂອງກຳລັງປະກອບອາວຸດສອງຊາດ, ກ່ຽວກັບໄຊຊະນະທີ່ໄດ້ປ່ຽນແປງປະຫວັດສາດຂອງຊົນຊາດໜຶ່ງ - ໄຊຊະນະ 7 ມັງກອນ 1979.

	ການເລີ່ມລົງມືກໍ່ສ້າງອະນຸສາວະລີມິດຕະພາບ ຫວຽດນາມ - ກຳປູເຈຍ ຢູ່ ແຂວງ Tbong Khnum
	ກຳປູເຈຍ ຍົກເລີກໜັງສືຈົດໝາຍທາງການ ທີ່ຈຳກັດການເດີນທາງຂ້າມຊາຍແດນຂອງພົນລະເມືອງ ກຳປູເຈຍ ແລະ ຫວຽດນາມ

ອານຸສາວະລີມິດຕະພາບຫວຽດນາມ-ກຳປູເຈຍ

ໃນທ່າມກາງວາລະການຢ້ຽມຢາມຂັ້ນລັດຖະບານຢູ່ລາຊາອານາຈັກກຳປູເຈຍໃນວັນທີ 21 ທັນວາ 2021, ທ່ານ ປະທານປະເທດ ຫງວຽນ ຊວນ ຟຸກ ໄດ້ໄຕ້ທູບ, ຖະຫວາຍດອກໄມ້ທີ່ອານຸສາວະລີມິດຕະພາບ ຫວຽດນາມ-ກຳປູເຈຍ ໃນນະຄອນຫຼວງພະນົມເປນ. ອານຸສາວະລີນີ້ໃກ້ກັບພະລາຊະວັງກຳປູເຈຍ, ຖືກສ້າງຂຶ້ນເພື່ອລະນຶກເຖິງພັນທະມິດຫວຽດນາມ-ກຳປູເຈຍ, ພາຍຫຼັງເມື່ອກຳລັງທະຫານປະຊາຊົນຫວຽດນາມກ້າວເຂົ້າສູ່ກຳປູເຈຍເພື່ອໂຄ່ນລົ້ມລະບອບການຂ້າລ້າງເຜົ່າພັນຂະເໝນແດງ. ອານຸສາວະລີນີ້ ກໍຕັ້ງຢູ່ໃກ້ກັບເຮືອນພັກຂອງນາຍົກລັດຖະມົນຕີກຳປູເຈຍ ເຈົ້າສົມເດັດ ຮຸນແຊນ.

ອະນຸສາວະລີມິດຕະພາບຫວຽດນາມ-ກຳປູເຈຍ: ສັນຍາລັກຕົວແທນແຫ່ງຄວາມຜູກພັນລະຫວ່າງປະຊາຊົນສອງຊາດ

ພາບ: VOV.VN

ເປັນສະຖາປັດຕິຍະກຳທີ່ມີຊື່ສຽງທີ່ສຸດ ຊຶ່ງຖ່າຍທອດເຖິງມິດຕະພາບລະຫວ່າງສອງຊາດ ຫວຽດນາມ-ກຳປູເຈຍ, ອານຸສາວະລີມິດຕະພາບຫວຽດນາມ-ກຳປູເຈຍ ເປັນສັນຍາລັກຂອງຄວາມສາມັກຄີ, ມິດຕະພາບລະຫວ່າງຫວຽດນາມ ແລະ ກຳປູເຈຍ, ເປັນການສະແດງຄວາມຮູ້ບຸນຄຸນບັນດານັກຮົບຫວຽດນາມທີ່ປະຕິບັດໜ້າທີ່ສາກົນອັນສູງສົ່ງ, ຊ່ວຍເຫຼືອປະຊາຊົນກຳປູເຈຍຫຼຸດພົ້ນໄພການຂ້າລ້າງເຜົ່າພັນຈາກຂະເໝນແດງທີ່ກໍ່ຂຶ້ນທີ່ກຳປູເຈຍ. 23 ສະຖານອານຸສາວະລີມິດຕະພາບຫວຽດນາມ-ກຳປູເຈຍໄດ້ຖືກສ້າງຂຶ້ນເປັນລຳດັບໃນ 25 ແຂວງ, ນະຄອນ ຢູ່ກຳປູເຈຍ, ເພື່ອລະນຶກເຖິງບັນດານັກຮົບວິລະຊົນ, ກຳລັງອາສາສະໝັກຫວຽດນາມ ແລະ ກຳລັງແນວໂຮມກູ້ຊາດກຳປູເຈຍ ທີ່ໄດ້ເສັຍສະຫຼະຊີວິດໃຫ້ແກ່ພາລະກິດປົດປ່ອຍຜືນແຜນດິນວັດວາເຈດີ ອອກຈາກໄພຮ້າຍຂ້າງລ້າງເຜົ່າພັນ Pol Pot.

ປີ 2022 ຈະປີຕື່ມອີກ 5 ສະຖານອານຸສາວະລີມິດຕະພາບ ຫວຽດນາມ-ກຳປູເຈຍ ທີ່ຈະສ້າງສຳເລັດໃນໂອກາດຄົບຮອບ 55 ປີ ການສ້າງຕ້ອງສາຍພົວພັນການທູດລະຫວ່າງສອງຊາດ ທີ່ບັນດາທ້ອງຖ່ານຂອງກຳປູເຈຍ ເປັນຕົ້ນ: ຊຽມລຽບ, Odor Meanchey, Tbong Khmum, Kampong Speu ແລະ ແຂວງ Pailin.

ອານຸສາວະລີມິດຕະພາບ ຫວຽດນາມ-ກຳປູເຈຍ ເປັນສັນຍາລັກໃຫ້ແກ່ຄວາມສາມັກຄີ, ໃກ້ຊິດສະໜິດແໜ້ນລະຫວ່າງສອງຊາດຫວຽດນາມ ແລະ ກຳປູເຈຍ, ເປັນຫຼັກຖານທາງປະຫວັດສາດແຫ່ງການເສັຍສະລະເລືອດເນື້ອຂອງບັນດາຄົນລຸ້ນກ່ອນ ເພື່ອປ່ຽນເອົາສັນຕິພາບ ແລະ ຄວາມຜາສຸກໃຫ້ແກ່ປະຊາຊົນກຳປູເຈຍ.

ທ່ານ Nhem Valy, ຮອງປະທານຜູ້ປະຈຳການ, ຄວບຕຳແໜ່ງເລຂາທິການໃຫຍ່ສະພາແນວໂຮມແຫ່ງຊາດສາມັກຄີພັດທະນາປະເທດຊາດກຳປູເຈຍ ໄດ້ເຄີຍກ່າວວ່າ: “ພວກເຮົາປົກປັກຮັກສາຄວາມສາມັກຄີມິດຕະພາບລະຫວ່າງ 2 ຊາດ ຄືກັນກັບຮັກສາປະຊາຊົນຂອງເຮົາເອງ, ຖ້າພວກເຮົາບໍ່ມີປະຊາຊົນ ກໍຈະຍັງບໍ່ເຫັນແສງສະຫວ່າງ ສະນັ້ນ ເຮົາຕ້ອງຮັກສາຄວາມສາມັກຄີມິດຕະພາບ. ພວກເຮົາສ້າງອານຸສາວະລີມີດຕະພາບ ແມ່ນເພື່ອຈາລຶກຄຸນງາມຄວາມດີຂອງກອງທັບຫວຽດນາມ ແລະ ກຳລັງແນວໂຮມກູ້ຊາດກຳປູເຈຍ ທີ່ໄດ້ສະຫຼະເລືອດເນື້ອຂອງຕົນ ເພື່ອປົດປ່ອຍປະຊາຊົນກຳປູເຈຍ ຫຼຸດພົ້ນອອກຈາກໄພຮ້າຍຂ້າລ້າງເຜົ່າພັນ Pol Pot”.

23 ສະຖານອານຸສາວະລີ ເປັນສິ່ງຢ້ຳເຕືອນກ່ຽວກັບວັນເວລາທີ່ເຄັ່ງຕຶງໂຫດຮ້າຍທີ່ສຸດໃນປະຫວັດສາຫວຽດນາມ, ກ່ຽວກັບການຕໍ່ສູ້ທີ່ພິເສດຂອງກອງທັບສອງປະເທດ, ກ່ຽວກັບໄຊຊະນະທີ່ໄດ້ປ່ຽນແປງປະຫວັດສາດຊົນຊາດໜຶ່ງ - ໄຊຊະນະ 7 ມັງກອນ 1979.

ວິລະຊົນ