ຫວຽດນາມຊ່ວຍເຫຼືອກຳປູເຈຍສ້າງສູນບຳບັດຜູ້ຕິດຢາເສບຕິດແຫ່ງຊາດ

16:59 | 23/03/2022

ຍສໝ - ເຊົ້າວັນທີ 22 ມີນາ ທີ່ແຂວງ ເພຣຍ ສີຫານຸ (ກຳປູເຈຍ) ຈັດຕັ້ງພິທີເປີດສູນປິ່ນປົວ-ຟື້ນຟູຄວາມສາມາດໃຫ້ແກ່ຜູ້ທີ່ສະໝັກໃຈບຳບັດອອກຈາກຢາເສບຕິດ ແລະ ຕາມການສະເໜີຈາກຊຸມຊົນ.

	ອະນຸສາວະລີມິດຕະພາບຫວຽດນາມ-ກຳປູເຈຍ: ສັນຍາລັກຕົວແທນແຫ່ງຄວາມຜູກພັນລະຫວ່າງປະຊາຊົນສອງຊາດ
	ຝຶກອົບຮົມການນຳໃຊ້ແຜນທີ່ພູມສາດຊາຍແດນຫວຽດນາມ-ກຳປູເຈຍ

ມູນຄ່າການໃຊ້ຈ່າຍທັງໝົດການກໍ່ສ້າງຫຼາຍກວ່າ 7,4 ລ້ານໂດລາ USD. ໃນນັ້ນ ຫວຽດນາມມອບໃຫ້ 3 ລ້ານໂດລາ USD, ໄທຊ່ວຍເຫຼືອ 1 ລ້ານໂດລາ USD. ໃນໂອກາດນີ້, ຕາງໜ້າລັດຖະບານກຳປູເຈຍຕີລາຄາສູງ ແລະ ຂອບໃຈຫວຽດນາມຮ່ວມກັບບັນດາປະເທດ, ອົງການຈັດຕັ້ງ, ບຸກຄົນທີ່ໄດ້ຕັ້ງໜ້າຊ່ວຍເຫຼືອທາງດ້ານການເງິນໃນການກໍ່ສ້າງໂຄງການທີ່ມີຄວາມໝາຍສຳຄັນຕໍ່ກັບສັງຄົມການເປັນຢູ່ຂອງປະເທດນີ້.

ຫວຽດນາມຊ່ວຍເຫຼືອກຳປູເຈຍສ້າງສູນບຳບັດຜູ້ຕິດຢາເສບຕິດແຫ່ງຊາດ. ພາບ: vov

ທ່ານ ຫງວຽນຮຸຍຕັ່ງ ເອກອັກຄະລັດຖະທູດຫວຽດນາມ ປະຈຳກຳປູເຈຍ ໃຫ້ຊາບວ່າ, ເຫດການນີ້ເປັນຂີດໝາຍບາດກ້າວໜຶ່ງໃນການພົວພັນຮ່ວມມືລະຫວ່າງສອງປະເທດໃນຂົງເຂດການບຳບັດຜູ້ຕິດຢາເສບຕິດເວົ້າສະເພາະ ແລະ ໃນຂົງເຂດສັງຄົມເວົ້າລວມ. ໂຄງການນີ້ຈະກາຍເປັນຕົ້ນແບບຂອງສູນທີ່ໄດ້ມາດຕະຖານເພື່ອປິ່ນປົວ, ບຳບັດ ແລະ ສ້າງວິຊາຊີບໃຫ້ແກ່ຜູ້ຕິດຢາເສບຕິດ. ຫວຽດນາມພ້ອມທີ່ຈະສືບຕໍ່ເພີ່ມທະວີການຮ່ວມມື ແລະ ແບ່ງປັນບັນດາຮູບແບບວິທີການທີ່ສຳເລັດຜົນທາງດ້ານການບຳບັດຜູ້ຕິດຢາເສບຕິດໃຫ້ກັບຝ່າຍກຳປູເຈຍ ແລະ ປະກອບທັງທິດທາງການສ້າງວິຊາຊີບໃຫ້ແກ່ຜູ້ຕິດຢາເສບຕິດ.

ທ່ານເອກອັກຄະລັດຖະທູດຢ້ຳເນັ້ນວ່າ: “ພວກເຮົາເຊື່ອໝັ້ນວ່າເຫດການໃນວັນນີ້ເປັນຂີດໝາຍໜຶ່ງທີ່ມີຄວາມໝາຍສຳຄັນໃນປີມິດຕະພາບຫວຽດນາມ-ກຳປູເຈຍ, ກຳປູເຈຍ-ຫວຽດນາມ ແລະ ການປະກອບຕົວຈິງເພື່ອຊົມເຊີຍ 55 ປີ ແຫ່ງການສ້າງຕັ້ງສາຍພົວພັນການທຸດສອງປະເທດ (24 ມິຖຸນາ 1967 – 24 ມິຖຸນາ 2022) ພ້ອມກັນນັ້ນຍັງປະກອບສ່ວນຍົກສູງປະສິດທິຜົນໃນການຕ້ານສິ່ງເສບຕິດໃນແຕ່ລະປະເທດ”.

ວິລະຊົນ