| ສະພາແຫ່ງຊາດ ຫວຽດນາມ - ລາວ ແລກປ່ຽນບົດຮຽນກ່ຽວກັບການເຄື່ອນໄຫວຊັກຖາມ | |
| ລັດຖະມົນຕີກະຊວງປ້ອງກັນຄວາມສະຫງົບ ເຄື່ອນໄຫວຊີ້ນຳວຽກງານກະກຽມ ເຜີຍແຜ່ ຜົນສຳເລັດກອງປະຊຸມໃຫຍ່ ຄັ້ງທີ XI ຂອງພັກ ຢູ່ແຂວງຈຳປາສັກ |
 |
| ລັດຖະມົນຕີກະຊວງຕຳຫຼວດ ຫວຽດນາມ ພົບປະເຈລະຈາ ກັບ ລັດຖະມົນຕີກະຊວງປ້ອງກັນຄວາມສະຫງົບ ລາວ. ພາບ: kienthuc.net.vn |
ສອງຝ່າຍສືບຕໍ່ຮັກສາການພົບປະແລກປ່ຽນຄະນະຜູ້ແທນຂັ້ນສູງລະຫວ່າງສອງກະຊວງ ດ້ວຍຮູບການໂດຍກົງ ແລະ ທາງໄກ, ສົມທົບກັນແກ້ໄຂບັນຫາເກີດໃໝ່ຢ່າງວ່ອງໄວ, ທັນການ, ບໍ່ປະໃຫ້ບັນດາອິດທິກຳລັງເປັນປໍລະປັກ, ອາດຊະຍະກອນເຄື່ອນໄຫວກໍ່ຜົນເສຍຫາຍຕໍ່ຄວາມສະຫງົບປອດໄພ ແລະ ຄວາມເປັນລະບຽບຮຽບຮ້ອຍລະຫວ່າງສອງປະເທດ; ເພີ່ມທະວີການແລກປ່ຽນຂໍ້ມູນຂ່າວສານ ເຊິ່ງສອງຝ່າຍຕ່າງມີຄວາມສົນໃຈ, ໂດຍສະເພາະແມ່ນສະພາບການໂລກ ແລະ ພາກພື້ນ ທີ່ກໍ່ຜົນກະທົບຕໍ່ຄວາມສະຫງົບ, ປອດໄພ ແລະ ຄວາມເປັນລະບຽບຮຽບຮ້ອຍຂອງ ຫວຽດນາມ, ລາວ.
ສອງຝ່າຍສົມທົບກັນຜັນຂະຫຍາຍການເຄື່ອນໄຫວສະເຫຼີມສະຫຼອງປີສາມັກຄີ ຫວຽດນາມ - ລາວ, ລາວ - ຫວຽດນາມ 2022 ; ສະເຫຼີມສະຫຼອງວັນສ້າງຕັ້ງສາຍພົວພັນທາງການທູດຄົບຮອບ 60 ປີ ແລະ ວັນເຊັນສົນທິສັນຍາມິດຕະພາບ ແລະ ການຮ່ວມມື ຫວຽດນາມ - ລາວ ຄົບຮອບ 45 ປີ. ສອງກະຊວງສືບຕໍ່ຮ່ວມມື, ຊ່ວຍເຫຼືອເຊິ່ງກັນແລະກັນໃນວຽກງານປ້ອງກັນ, ຕ້ານໂລກລະບາດໂຄວິດ - 19.
ກ່ອນທີ່ສິ້ນສຸດການພົບປະເຈລະຈາ, ທ່ານລັດຖະມົນຕີກະຊວງຕຳຫຼວດ ຫວຽດນາມ ໂຕເລິມ ແລະ ທ່ານລັດຖະມົນຕີກະຊວງປ້ອງກັນຄວາມສະຫງົບ ລາວ ວິໄລ ຫຼ້າຄຳຟອງ ໄດ້ເປັນສັກຂີພິຍານໃຫ້ກົມກອງທີ່ມີໜ້າທີ່ຮັບຜິດຊອບສອງກະຊວງ ລົງນາມໃນເອກະສານຮ່ວມມືສະບັບຕ່າງໆ.
ໄຊພອນ
