| ກຳປູເຈຍລະນຶກເຖິງໄຊຊະນະວັນທີ 7 ມັງກອນ: ຈາລຶກໄວ້ສະເໝີເຖິງບຸນຄຸນຂອງກອງກຳລັງອາສາສະໝັກຫວຽດນາມ | |
| ດ້ຽນບຽນ ຈັດຕັ້ງພິທີໄວ້ອາໄລ, ປົງອັດຖິທະຫານອາສາສະໝັກຫວຽດນາມ ທີ່ເສຍສະຫຼະຊີວິດໃນປາງສົງຄາມຢູ່ລາວ |
 |
| ພາບປະກອບ: nld.com.vn |
ເມື່ອບໍ່ດົນມານີ້, ບັນດານັກຮົບທະຫານເຮືອຂອງກອງພັນນ້ອຍ DK1 ໄດ້ຂົນສິນຄ້າລົງໄປກຳປັ່ນ 2 ລຳ: ເຈື່ອງຊາ 10 ແລະ ເຈື່ອງຊາ 19. ນີ້ແມ່ນບັນດາເຄື່ອງໃໍຊ້ທີ່ຈຳເປັນ ແລະ ຂອງຂວັນບຸນເຕັດຂອງບັນດາຫົວໜ່ວຍ, ບຸກຄົນໃນຂອບເຂດທົ່ວປະເທດ ເພື່ອມອບໃຫ້ພະນັກງານ, ນັກຮົບທີ່ພວມປະຕິບັດໜ້າທີ່ ຢູ່ "ຫຼັກໝາຍອະທິປະໄຕ" ຢູ່ໄຫຼ່ທະວີບທິດໃຕ້ຂອງປະເທດຊາດ.
ງ່າຕົ້ນຫຼົ້ວ, ກິ່ງຕົ້ນດອກຄາຍ ພ້ອມກັບບັນດາຕົ້ນໝາກແປ້ນໄດ້ຖືກເຄື່ອນຍ້າຍໃສ່ກໍາປັ່ນຢ່າງລະມັດລະວັງໂດຍບັນດານັກຮົບ. ສີສັນທີ່ສວຍງາມຂອງງ່າຕົ້ນຫຼົ້ວ, ກິ່ງຕົ້ນດອກຄາຍ ໄດ້ນຳເອົາບັນຍາກາດຂອງລະດູໃບໄມ້ປົ່ງມາສູ່ທະຫານທີ່ເຮັດວຽກຢູ່ທະເລຫ່າງໄກ.
ແຕ່ລະຄົນມີຄົນລະໜ້າທີ່ວຽກງານ, ບັນດານັກຮົບທະຫານແບ່ງກັນເພື່ອຮັບສິນຄ້າ, ຈັດປະເພດ, ຫຸ້ມຫໍ່, ຂົນສົ່ງ, ຈັດລຽງ ຢູ່ເທິງກຳປັ່ນ. ທຸກຄົນເຮັດວຽກດ້ວຍຄວາມຮີບດ່ວນແລະ ຈິງຈັງ.
ຕາມແຜນການແລ້ວ, ແຕ່ວັນທີ 8 – 24 ມັງກອນນີ້, ກອງບັນຊາການທະຫານເຮືອເຂດ 2 ຈະຈັດຕັ້ງຄະນະປະຕິບັດງານ 2 ຄະນະ ໄປຢ້ຽມຢາມ ແລະ ອວຍພອນບັນດາເຮືອນຮ້ານ DK1, ກຳປັ່ນປະຕິບັດໜ້າທີ່ ພ້ອມກັບຄະນະພັກ, ອຳນາດການປົກຄອງ, ກໍາລັງປະກອບອາວຸດ ແລະ ປະຊາຊົນ ເມືອງ ໂກນດ່າວ, ແຂວງ ບ່າເຣ້ຍ-ຫວຸງເຕົ່າ.
ໄຊພອນ
