| ເພີ່ມທະວີການຮ່ວມມືທາງດ້ານປ້ອງກັນຊາດ ລະຫວ່າງ ຫວຽດນາມ - ລາວ | |
| ທ່ານປະທານປະເທດເປັນປະທານວາລະກອງປະຊຸມຄັ້ງທີ 1 ສະພາການປ້ອງກັນຊາດ ແລະ ປ້ອງກັນຄວາມສະຫງົບ ອາຍຸການ 2021 – 2026. |
 |
| ທ່ານພົນໂທ ຮ່ວາງຊວັນຈຽນ, ຮອງລັດຖະມົນຕີກະຊວງປ້ອງກັນປະເທດ (ພາບ: TTXVN) |
ປີ 2021, ເຖິງວ່າໂລກລະບາດໂຄວິດ - 19 ມີການຜັນແປຢ່າງສັບສົນແຕ່ວຽກງານພົວພັນການຕ່າງປະເທດດ້ານປ້ອງກັນຊາດຍັງໄດ້ຮັບການຜັນຂະຫຍາຍຢ່າງເປັນເຈົ້າການ, ມີໄຫວພິບ, ມີປະສິດທິຜົນ, ປະກອບສ່ວນເຮັດໃຫ້ການພົວພັນເລິກເຊິ່ງກ່ວາອີກ, ປົກປ້ອງຜົນປະໂຫຍດອັນຊອບທຳແຫ່ງຊາດ ແລະ ຄວາມໝັ້ນຄົງດ້ານສາກົນ, ສືບຕໍ່ຢັ້ງຢືນການພົວພັນຕ່າງປະເທດດ້ານປ້ອງກັນຊາດ ແມ່ນໜຶ່ງໃນບັນດາວິທີການສຳຄັນໃນການປົກປ້ອງປະເທດຊາດແຕ່ໄວ ແລະ ໄກ ໂດຍສັນຕິວິທີ, ປະກອບສ່ວນຢ່າງຕັ້ງໜ້າເຂົ້າໃນພາລະກິດແຫ່ງການສ້າງສາ ແລະ ປົກປັກຮັກສາປະເທດຊາດ, ຍົກສູງທີ່ຕັ້ງບົດບາດຂອງ ຫວຽດນາມ, ກອງທັບປະຊາຊົນ ຫວຽດນາມ ບົນເວທີສາກົນ, ຍົກສູງຄວາມສາມາດດ້ານປ້ອງກັນຊາດຂອງປະເທດຊາດ.
ກ່າວຄຳເຫັນທີ່ກອງປະຊຸມ, ທ່ານພົນໂທ ຮ່ວາງຊວັນຈຽນ, ຮອງລັດຖະມົນຕີກະຊວງປ້ອງກັນປະເທດ ໄດ້ຮັບຮູ້, ຍ້ອງຍໍຊົມເຊີຍພະນັກງານ, ນັກຮົບທົ່ວກອງທັບ ທີ່ໄດ້ມີການປະກອບສ່ວນສຳຄັນເຂົ້າໃນວຽກງານເຊື່ອມໂຍງເຂົ້າກັບສາກົນ ແລະ ການພົວພັນຕ່າງປະເທດ ດ້ານປ້ອງກັນຊາດ ໃນປີ 2021 ຢ່າງມີປະສິດທິຜົນ.
ທ່ານພົນໂທ ຮ່ວາງຊວັນຈຽນ ໄດ້ຮຽກຮ້ອງວ່າໃນປີ 2022, ບັນດາອົງການ, ກົມກອງຈະສືບຕໍ່ຜັນຂະຫຍາຍບັນດາການເຄື່ອນໄຫວພົວພັນຕ່າງປະເທດດ້ານປ້ອງກັນຊາດຕອບສະໜອງເປົ້າໝາຍຍຸດທະສາດ, ເພີ່ມທະວີການຊຸກຍູ້ການພົວພັນ, ການຮ່ວມມືດ້ານປ້ອງກັນຊາດໃຫ້ແທດຈິງ, ມີສະຖຽນລະພາບ, ມີປະສິດທິຜົນ, ສຸມໃສ່ເຂົ້າບັນດາຂົງເຂດຮ່ວມມືຕອບສະໜອງຄວາມຕ້ອງການ, ເໝາະສົມກັບຄວາມສາມາດຂອງແຕ່ລະປະເທດ, ຍົກລະດັບການພົວພັນຕ່າງປະເທດດ້ານປ້ອງກັນຊາດ, ເປັນເຈົ້າການໃນການຍົກອອກຂໍ້ລິເລີ່ມ ແລະ ຕັ້ງໜ້າເຂົ້າຮ່ວມການປະຕິບັດສຳເລັດລະບອບລະບຽບການ, ກົນໄກຮ່ວມມືດ້ານປ້ອງກັນຊາດໃນຂອບເຂດອາຊຽນ ແລະ ໂດຍອາຊຽນນຳໜ້າພາທາງ, ຍູ້ແຮງການເຂົ້າຮ່ວມການເຄື່ອນໄຫວຮັກສາສັນຕິພາບຂອງ ສປຊ ຕາມທິດເປີດກ້ວາງຂົງເຂດ ແລະ ບໍລິເວນ, ຮັບໃຊ້ບັນດາເປົ້າໝາຍຂອງການເຊື່ອມໂຍງເຂົ້າກັບສາກົນ ກ່ຽວກັບການປ້ອງກັນຊາດ ແລະ ການພົວພັນຕ່າງປະເທດດ້ານປ້ອງກັນຊາດ.
ຍູ້ແຮງການໂຄສະນາເຜີຍແຜ່, ສ້າງຄວາມເປັນເອກະພາບໃນສັງຄົມກ່ຽວກັບທິດທາງ, ທັດສະນະຂອງພັກ, ລັດ ກ່ຽວກັບການເຊື່ອມໂຍງເຂົ້າກັບສາກົນ ແລະ ການທູດປ້ອງກັນຊາດ, ສຸມໃສ່ເຂົ້າການໂຄສະນາ ນ້ຳໃຈມິດຕະພາບລະຫວ່າງ ຫວຽດນາມ ແລະ ປະເທດທີ່ມີຊາຍແດນຕິດກັນ, ບັນດາປະເທດທີ່ເປັນເພື່ອນມິດມາແຕ່ດົນນານ, ການເຄື່ອນໄຫວທີ່ກ່ຽວຂ້ອງເຖິງການປົກປັກຮັກສາອະທິປະໄຕ, ຄວາມໝັ້ນຄົງຢູ່ເຂດຊາຍແດນແຫ່ງຊາດ, ທະເລໝູ່ເກາະ, ຕັ້ງໜ້າຕໍ່ສູ້ກັບບັນດາຖ້ອຍທຳນອງທີ່ຜິດພາດເສກສັນປັ້ນແຕ່ງ ຂອງກຳລັງທີ່ເປັນປໍລະປັກ, ປະຕິການ.
ບຸນຄົງ
