| ກອງປະຊຸມອອນລາຍ ຄັ້ງທີ 17 ຂອງບັນດາການນໍາຕໍາຫຼວດທະເລບັນດາປະເທດອາຊີ | |
| ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວ້ ໄດ້ມີການໂອ້ລົມເຈລະຈາກັບ ທ່ານປະທານສະພາແຫ່ງຊາດລາວ |
 |
| ທ່ານປະທານປະເທດ ຫງວຽນຊວັນຟຸກ ກ່າວຄຳເຫັນທີ່ກອງປະຊຸມ (ພາບ: TTXVN) |
ທີ່ວາລະກອງປະຊຸມ, ສະພາໄດ້ປຶກສາຫາລື, ປະກອບຄຳເຫັນກ່ຽວກັບວຽກງານສົມທົບລະຫວ່າງບັນດາກຳລັງກອງທັບ, ຕຳຫຼວດ ແລະ ກະຊວງ, ຂະແໜງການ, ທ້ອງຖິ່ນໃນວຽກງານປ້ອງກັນ, ຕ້ານໂລກລະບາດໂຄວິດ - 19, ຊຸກຍູ້ການຜັນຂະຫຍາຍກຳລັງປະກອບອາວຸດປະຊາຊົນເຂົ້າຮ່ວມການຮັກສາສັນຕິພາບຂອງ ສປຊ, ວຽກງານຮັບປະກັນຄວາມໝັ້ນຄົງທາງເຄືອຂ່າຍອິນເຕີເນັດ ແລະ ການສູ້ຮົບທາງເຄືອຂ່າຍອິນເຕີເນັດໃນສະພາບການປັດຈຸບັນ.
ໂດຍຕາງໜ້າສະພາ, ທ່ານປະທານປະເທດ ຫງວຽນຊວັນຟຸກ ປະທານສະພາໄດ້ຍ້ອງຍໍຊົມເຊີຍບັນດາກຳລັງກອງທັບ, ຕຳຫຼວດ, ການທູດ ທີ່ມີການປະກອບສ່ວນສຳຄັນໃນວຽກງານປ້ອງກັນ, ຕ້ານໂລກລະບາດໂຄວິດ - 19 ໃນໄລຍະຜ່ານມາ. ບັນດາກຳລັງກອງທັບ, ຕຳຫຼວດໄດ້ສົມທົບກັນຢ່າງແໜ້ນແຟ້ນກັບບັນດາກະຊວງ, ຂະແໜງການ, ທ້ອງຖິ່ນ ພ້ອມກັບກຳລັງທີ່ກ່ຽວຂ້ອງເຊື່ອມຊືມ, ຜັນຂະຫຍາຍການປະຕິບັດບັນດາແຜນນະໂຍບາຍ, ການຊີ້ນຳຂອງພັກ, ລັດ ຢ່າງມີປະສິດທິຜົນ, ລະດົມບັນດາແຫຼ່ງກຳລັງໃຫ້ດີທີ່ສຸດ, ທັງປ້ອງກັນ, ຕ້ານໂລກລະບາດໂຄວິດ - 19 ຢ່າງຂ້ຽວຂາດ, ທັງຮັບປະກັນໜ້າທີ່ການທະຫານ, ປ້ອງກັນຊາດ, ຮັກສາຄວາມໝັ້ນຄົງແຫ່ງຊາດ, ຄວາມເປັນລະບຽບຮຽບຮ້ອຍ, ຄວາມປອດໄພທົ່ວສັງຄົມ.
ວຽກງານຮ່ວມມືສາກົນ ກ່ຽວກັບການປ້ອງກັນຊາດ, ປ້ອງກັນຄວາມສະຫງົບສືບຕໍ່ໄດ້ຮັບການຍູ້ແຮງ ດ້ວຍການຊຸກຍູ້ການຜັນຂະຫຍາຍກຳລັງກອງທັບເຂົ້າຮ່ວມບັນດາການເຄື່ອນໄຫວຮັກສາສັນຕິພາບ ສປຊ, ໄດ້ ແລະ ພວມໄດ້ຮັບການປະຕິບັດໜ້າທີ່ເປັນຢ່າງດີ, ສ້າງຄວາມປະທັບໃຈທີ່ດີງາມ, ເຊິ່ງ ສປຊ ແລະ ເພື່ອນມິດສາກົນໄດ້ຕີລາຄາສູງ, ປະກອບສ່ວນຢັ້ງຢືນຄວາມຮັບຜິດຊອບ ແລະ ຍົກສູງທີ່ຕັ້ງ, ອິດທິພົນຂອງ ຫວຽດນາມ ບົນເວລາສາກົນ, ປະກອບສ່ວນສຳຄັນເຂົ້າໃນຍຸດທະສາດປົກປັກຮັກສາປະເທດຊາດ.
ກຳລັງກອງທັບ, ຕຳຫຼວດໄດ້ສຸມໃສ່ຜັນຂະຫຍາຍປະຕິບັດໜ້າທີ່ສູ້ຮົບທາງເຄືອຂ່າຍອິນເຕີເນັດຢ່າງມີປະສິດທິຜົນ, ສູ້ຮົບດ້ານຂໍ້ມູນ, ຮັບປະກັນຄວາມໝັ້ນຄົງທາງເຄືອຂ່າຍອິນເຕີເນັດ, ປະກອບສ່ວນເຂົ້າໃນການປ້ອງກັນ, ກວດພົບ, ແກ້ໄຂບັນດາການເຄື່ອນໄຫວບຸກໂຈມຕີທາງເຄືອຂ່າຍອິນເຕີເນັດ, ເພີ່ມທະວີການປ້ອງກັນ, ປົກປ້ອງຄວາມໝັ້ນຄົງລະບົບເຄືອຂ່າຍຂໍ້ມູນຂ່າວສານແຫ່ງຊາດ, ຕໍ່ສູ້ສະກັດກັ້ນ, ປະຕິເສດບັນດາເນື້ອໃນທີ່ບໍ່ດີ, ລະເມີດໃນເຄືອຂ່າຍອິນເຕີເນັດ.
ທ່ານປະທານປະເທດສະເໜີກຳລັງກອງທັບ, ຕຳຫຼວດ ແລະ ກຳລັງທີ່ກ່ຽວຂ້ອງຕ້ອງສືບຕໍ່ສົມທົບກັນຢ່າງແໜ້ນແຟ້ນ ເພື່ອຜັນຂະຫຍາຍການປະຕິບັດບັນດາໜ້າທີ່ທີ່ໄດ້ຮັບການມອບໝາຍຢ່າງມີປະສິດທິຜົນ.
ທ່ານປະທານປະເທດ ຫງວຽນຊວັນຟຸກ ເນັ້ນໜັກວ່າ ກຳລັງກອງທັບຕ້ອງສືບຕໍ່ຄົ້ນຄວ້າເປິດກວ້າງກຳລັງ ແລະ ບໍລິເວນທີ່ເຂົ້າຮ່ວມ. ໂດຍສະເພາະກຳລັງຕຳຫຼວດ ຕ້ອງສຸມໃສ່ຍູ້ແຮງວຽກງານບຳລຸງສ້າງ, ຝືກອົບຮົມເພື່ອກະກຽມສົ່ງພະນັກງານ, ນາຍທະຫານເຂົ້າຮ່ວມບັນດາການເຄື່ອນໄຫວຮັກສາສັນຕິພາບແຫ່ງ ສປຊ.
ບຸນຄົງ
