| ແຄ໊ງຮ່ວາ ຈະຕ້ອນຮັບແຂກທ່ອງທ່ຽວລັດເຊຍ 8.000 ຄົນ ທີ່ມີໜັງສືຜ່ານແດນວັກຊິນ | |
| ລົດຄອນເທນເນີຂົນສົ່ງສິນຄ້າອອກໄປຍັງຈີນ ກວ່າ 1.000 ຄັນ ຖືກຕິດຄ້າງຢູ່ມ໊ອງກ໋າຍ |
 |
| ສະມາຄົມວິສາຫະກິດຫວຽດນາມ ໜູນຊ່ວຍຊາວມາເລເຊຍ 1.000 ຄົນ ທີ່ໄດ້ຮັບຜົນກະທົບຈາກໄພນໍ້າຖ້ວມ. ພາບ: netnews.vn |
ດ້ວຍຈິດໃຈຮັກແພງເຊິ່ງກັນ ແລະ ກັນ, ຮ່ວມມືຢ່າງແໜ້ນແຟ້ນກັບກຸ່ມບໍລິສັດ Blue Ocean, ສະມາຄົມວິສາຫະກິດຫວຽດນາມ ປະຈຳ ມາເລເຊຍ ໄດ້ສົມທົບກັນປະກອບສ່ວນ ແລະ ມອບຂອງຂວັນການກຸສົນຫຼາຍຮ້ອຍພູດ, ມູນຄ່າຂອງຂັວນແຕ່ລະພູດ ເປັນເງິນສົດ ແລະ ວັດຖຸສິ່ງຂອງຕ່າງໆ ແຕ່ 100 – 300 ringgit (600.000 ດົ່ງ – 1.800.000 ດົ່ງ).
ໃນປີ 2021, ໂດຍຜ່ານ VMBIZ, ກຸ່ມບໍລິສັດ Blue Ocean ກໍ່ໄດ້ເຂົ້າຮ່ວມການໜູນຊ່ວຍປະຊາຊົນພາກກາງ ຫວຽດນາມ ໃນສະພາບໄພນ້ຳຖ້ວມຄັ້ງປະຫວັດສາດໃນເດືອນ ຕຸລາ 2021, ໜູນຊ່ວຍຊາວ ຫວຽດນາມ ຢູ່ ມາເລເຊຍ ທີ່ປະສົບກັບຄວາມຫຍຸ້ງຍາກໃນໄລຍະເກີດການລະບາດຂອງ COVID-19 ໃນເດືອນ ມັງກອນ 2021. ສອງຝ່າຍໄດ້ຮ່ວມມືກັນຈັດກິດຈະກຳການກຸສົນຫຼາຍຢ່າງເຊັ່ນ: ມອບອາຫານການກຸສົນ, ບໍລິຈາກເຄື່ອງນຸ່ງຫົ່ມ, ທັນຍາອາຫານໃຫ້ຄົນງານມາເລເຊຍທີ່ປະສົບກັບຄວາມຫຍຸ້ງຍາກຍ້ອນບໍ່ມີວຽກເຮັດງານທຳ ຫຼືໂຮງງານຖືກບັງຄັບໃຫ້ຢຸດການຜະລິດເພື່ອຕ້ານການລະບາດຂອງ COVID-19 ໃນເດືອນ ສິງຫາ - ກັນຍາ 2021.
ເດືອນທັນວາ 2020, VNBIZ ແລະ Blue Ocean ໄດ້ລົງນາມໃນບົດບັນທຶກຊ່ວຍຈຳ (MOU) ຢູ່ສຳນັກງານການຄ້າ ຫວຽດນາມ ປະຈຳ ມາເລເຊຍ ເພື່ອຮັດແໜ້ນການພົວພັນ ແລະ ການຮ່ວມມືດ້ານການຄ້າ, ການລົງທຶນ ກໍ່ຄືບັນດາໂຄງການໜູນຊ່ວຍພັດທະນາ ແລະ ເບິ່ງແຍງຊຸມຊົນ, ຍົກສຸງການພົວພັນລະຫວ່າງສອງປະເທດ ຫວຽດນາມ ແລະມາເລເຊຍ.
ໄຊພອນ
