ນະຄອນໂຮ່ຈີນມິນໃຊ້ຈ່າຍເງິນ 700 ຕື້ດົ້ງ ເພື່ອດູແລເບິ່ງແຍ່ງຜູ້ອອກແຮງງານໃນຊ່ວງຕ້ອນຮັບບຸນປີໃໝ່

12:45 | 06/01/2022

ຍສໝ - ຕອນບ່າຍຂອງວັນທີ 4 ມັງກອນ, ສະຫະພັນແຮງງານນະຄອນໂຮ່ຈີມິນ ຖະແຫຼ່ງຂ່າວຂໍ້ມູນກິດຈະກຳຕ່າງໆໃນບຸນປີໃໝ່ກຸດຫວຽດນາມ 2022 ດູແລເບິ່ງແຍ່ງໃຫ້ແກ່ຜູ້ອອກແຮງງານໃນພື້ນທີ່ນະຄອນ

	ງົບປະມານທີ່ຈະໃຊ້ໃນການເບິ່ງແຍດູແລໃຫ້ສະມາຊິກກຳມະບານ, ຊາວຜູ້ອອກແຮງງານ ເນື່ອງໃນໂອກາດບຸນເຕັດປີຂານແມ່ນ 2.400 ຕື້ດົ່ງ
	ຜູ້ອອກແຮງງານຈະໄດ້ພັກ 3 ວັນ ໃນຊ່ວງປີໃໝ່ສາກົນ 2022

ໃນພິທີຖະແຫຼງຂ່າວ, ທ່ານ ຟ໊າມຈີ້ເຕິມ ປະທານສະຫະພັນແຮງງານນະຄອນໂຮ່ຈີມິນ ກ່າວວ່າ ການແຜ່ລະບາດພະຍາດໂຄວິດ-19 ຍັງຄົງຜັນແປໄປຢ່າງສັບສົນ, ສືບຕໍ່ສົ່ງຜົນກະທົບເຖິງການດຳລົງຊີວິດຂອງຊາວຜູ້ອອກແຮງງານ, ພ້ອມກັນນັ້ນ ຍັງຄາດຄະເນວ່າຈຳນວນຜູ້ອອກແຮງງານທີ່ຈະຢູ່ສະຫຼອງປີໃໝ່ທີ່ນະຄອນໂຮ່ຈີມິນ ຈະຫຼາຍກວ່າແຕ່ລະປີ. ຄະນະປະຈຳສະຫະພັນແຮງງານນະຄອນໂຮ່ຈີມິນ ໄດ້ຊີ້ນຳກຳມະບານແຕ່ລະຂັ້ນສືບຕໍ່ການປ່ຽນແປງເນື້ອໃນ, ຮູບການດູແລເບິ່ງແຍງໃນຊ່ວງບຸນປີໃໝ່ກຸດຫວຽດນາມ 2022; ແລ້ວກໍໃຫ້ມີການດຳເນີນຈັດຕັ້ງເຄື່ອນໄຫວຫຼາຍກວ່າ 10 ລາຍການ ແລະ ກິດຈະກຳ.

ນະຄອນໂຮ່ຈີນມິນໃຊ້ຈ່າຍເງິນ 700 ຕື້ດົ້ງ ເພື່ອດູແລເບິ່ງແຍ່ງຜູ້ອອກແຮງງານໃນຊ່ວງຕ້ອນຮັບບຸນປີໃໝ່. ພາບ:ສູນຂ່າວສານນະຄອນໂຮ່ຈີນມິນ

ລະອຽດຄື, ກຳມະບານນະຄອນໂຮ່ຈີມິນ ຈະຈັດຕັ້ງຫຼາຍປະເພດກິດຈະກຳເຊັ່ນ: ລາຍການ “ໂຮມບຸນປີໃໝ່“ ດ້ວຍບັນດາກິດຈະກຳສິນລະປະ, ວັດທະນະທຳ, ມອບຂອງຂວັນໃຫ້ປະມານ 10,000 ຄອບຄົວຊາວຜູ້ອອກແຮງງານ; ລາຍການ “ບັດປີ້ສົມມະນາຄຸນ“ ມອບເປັນປີ້ຂຶ້ນລົດໄຟ, ລົດໂດຍສານ, ປີ້ຍົນ (ໂດຍງົບປະມານຂອງກຳມະບານ ແລະ ໝູນໃຊ້ໃນບັນດາວິສາຫະກິດ) ໃຫ້ແກ່ຜູ້ອອກແຮງງານທີ່ຫຍຸ້ງຍາກ, ຫຼາຍປີບໍ່ມີເງື່ອນໄຂກັບບ້ານເກີດເມືອງນອນເພື່ອສະຫຼອງປີໃໝ່ ຫຼື ຜູ້ອອກແຮງງານທີ່ໂດດເດັ່ນໃນການເຄື່ອນໄຫວທຳການຜະລິດ...

ສະຫະພັນແຮງງານນະຄອນໂຮ່ຈີມິນ ກໍໄດ້ແຕ່ງຕັ້ງຄະນະຢ້ຽມຍາມວິສາຫະກິດທີ່ພົ້ນເດັ່ນ (ເປັນຕົ້ນການປະຕິບັດລະບອບປະກັນສັງຄົມໄດ້ດີ, ການມອບອາກອນ, ບໍ່ຫຼຸດຜ່ອນແຮງງານ,...) ຢ້ຽມຍາມເຂດທີ່ພັກ, ເຈົ້າຂອງຫ້ອງພັກເຊົາ ແລະ ກຳມະກອນຜູ້ພົ້ນເດັ່ນໃນວຽກງານຕ້ານ, ສະກັດກັ້ນພະຍາດໂຄວິດ-19, ກຳມະກອນຜູ້ມີສະພາບຫຍຸ້ງຍາກ.

ນອກຈາກນັ້ນ, ສະຫະພັນແຮງງານນະຄອນໂຮ່ຈີມິນ ຍັງໄດ້ຈັດຕັ້ງການພົບປະ, ມອບຂອງຂວັນໃຫ້ສະມາຊິກກຳມະບານວິຊາສະເພາະຂອງສະຫະພັນ 1.000 ສະຫາຍ (ອົງການຕາງໜ້າໃຫ້ແກ່ຜູ້ອອກແຮງງານຢູ່ຝ່າຍບໍ່ເປັນທາງການ, ບໍ່ມີການພັວພັນສັນຍາແຮງງານ) ທີ່ມີສະພາບຫຍຸ້ງຍາກ (ລະດັບການຊ່ວຍໜູນ 1 ລ້ານດົ້ງຕໍ່ຄົນ); ຢ້ຽມຢາມອວຍພອນປີໃໝ່ສະມາຊິກສະຫະພັນ (ລະດັບການຊ່ວຍໜູນ 2 ລ້ານດົ້ງຕໍ່ສະຫາຍ); ຈັດຕັ້ງໄປຢ້ຽມຢາມ 12 ຂະແໜງການ ແລະ ເບິ່ງແຍງຜູ້ອອກແຮງງານ 600 ຄົນທີ່ຫຍຸ້ງຍາກໃນບັນດາຂົງເຂດທີ່ມີສະພາບແວດລ້ອມການເຮັດວຽກທີ່ຫຍຸ້ງຍາກເປັນຕົ້ນສາທາລະນະສຸກ, ຕ້ານສະກັດກັ້ນພະຍາດ, ອະນາໄມສິ່ງແວດລ້ອມ, ເຂດຫ່າງໄກສອກຫຼີກ; ເບິ່ງແຍງລູກເຕົ້າຜູ້ອອກແຮງງານທີ່ຖືກຜົນກະທົບຈາກພະຍາດໂຄວິດ-19, ດູແລເບິ່ງແຍ່ງສະມາຊິກເພດຍິງທີ່ກຳລັງຖືພາ, ຫາກໍເກີດລູກທີ່ຖືກຜົນກະທົບຈາກພະຍາດໂຄວິດ-19, ມອບບັນຊີປະຫຍັດໃຫ້ແກ່ເດັກກ່ຳພ້າທີ່ເປັນລູກຂອງກຳມະກອນສະມາຊິກສະຫະພັນທີ່ເສັຍຊີວິດຍ້ອນພະຍາດໂຄວິດ-19.

ທ່ານ ເຈິນດວ່ານຈູ່ງ, ຮອງປະທານຜູ້ປະຈຳການສະຫະພັນແຮງງານນະຄອນໂຮ່ຈີມິນ ເນັ້ນໃສ່ສອງລາຍການຈັດຕັ້ງແບບໃໝ່ໃນວາລະໂອກາດນີ້ ປະກອບມີ: “ຄອບຄົວກຳມະກອນຜູ້ອອກແຮງງານມ່ວນຊື່ນຮ່ວມກັບນະຄອນໂຮ່ຈີມິນ“ ປີ 2022 - ຈັດຕັ້ງໃຫ້ແກ່ 10.000 ຄອບຄົວສະມາຊິກກຳມະບານທີ່ໂດດເດັ່ນຢູ່ຕ້ອນຮັບປີໃໝ່ທີ່ໂຮ່ຈີມິນ, ມ່ວນຊື່ນທ່ຽວຫຼີ້ນທີ່ສວນວັດທະນະທຳເດິມແຊນ ແລະ ລາຍການ "ຕະຫຼາດແຮງງານອອນໄລ໌“, “ວັນສະມາຄົມແຮງງານ - ຕະຫຼາດແຫ່ງຄວາມຮັກແພງ" ໃຫ້ແກ່ຜູ້ອອກແຮງງານ 4.000 ຄົນ ດ້ວຍຮູບແບບການຊື້ຂາຍອອນໄລ໌ໂດຍບໍ່ໃຊ້ເງິນສົດເທິງເວັບໄຊ໌ຂອງລະບົບສູນການຄ້າ Saigon Co.op (ສະຫະພັນແຮງງານໂຮ່ຈີມິນ ມອບ 300.000 ດົ້ງ/ບັດ/ຄົນ, Saigon Co.op ມອບບັດຊື້ສິນຄ້າມູນຄ່າ 100.000 ດົ້ງ/ຄົນ.

ວິລະຊົນ