| ສະພາຄວາມໝັ້ນຄົງ ຮັບຮອງເອົາມະຕິຕໍ່ກຳນົດເວລາປະຕິບັດໜ້າທີ່ຂອງຄະນະຮັກສາສັນຕິພາບ ສປຊ ຢູ່ ກົງໂກ | |
| ອົດສະຕາລີ ໜູນຊ່ວຍເຄື່ອງອຸປະກອນຍົກສູງກຳລັງຄວາມສາມາດຮັກສາສັນຕິພາບ ສປຊ ໃຫ້ແກ່ ຫວຽດນາມ |
ໃນເວລາໃຫ້ສໍາພາດກັບສຳນັກຂ່າວສານຫວຽດນາມ, ທ່ານຮອງເລຂາທິການໃຫຍ່ສະຫະປະຊາຊາດJean-Pierre Lacroix ໃຫ້ຮູ້ວ່າ: ໜຶ່ງໃນບັນດາສິ່ງທ້າທາຍໃຫຍ່ທີ່ສຸດ ຂອງອົງການຮັກສາສັນຕິພາບສະຫະປະຊາຊາດ ໃນປະຈຸບັນ ແມ່ນບັນດາປະເທດໃນປະຊາຄົມສາກົນ ຍັງຂາດຄວາມສາມັກຄີ ເພື່ອພ້ອມກັນກະທຳ.
ເມື່ອບໍ່ມີຄວາມສາມັກຄີ ແລະ ເປັນເອກະພາບ, ກຳລັງຮັກສາສັນຕິພາບຂອງອົງການສະຫະປະຊາຊາດ ກໍບໍ່ສາມາດປະຕິບັດໜ້າທີ່ທີ່ໄດ້ຮັບມອບໝາຍ.
ສິ່ງທ້າທາຍອັນທີສອງ ແມ່ນພາລະກິດຮັກສາສັນຕິພາບຂອງພວກເຮົາ ສ່ວນໃຫຍ່ແມ່ນປະຕິບັດໜ້າທີ່ຢູ່ບັນດາປະເທດທີ່ມີສະຖານະການຄວາມຂັດແຍ່ງດ້ານການເມືອງ ແລະ ຄວາມໝັ້ນຄົງນັບມື້ນັບຮ້າຍແຮງ ແລະ ສະພາບແວດລ້ອມທີ່ກຳລັງຮັກສາສັນຕິພາບປະຕິບັດໜ້າທີ່ ນັບມື້ນັບອັນຕະລາຍ...
 |
| ທ່ານຮອງເລຂາທິການໃຫຍ່ສະຫະປະຊາຊາດJean-Pierre Lacroix . (ພາບ: TTXVN) |
ທ່ານ Jean-Pierre Lacroix ເນັ້ນໜັກວ່າ: “ຍ້ອນບັນດາສິ່ງທ້າທາຍນັບມື້ນັບເພີ່ມຂຶ້ນ, ເຊິ່ງຮຽກຮ້ອງຕ້ອງການກຳລັງແຮງຂອງກຳລັງຮັກສາສັນຕິພາບ ຕ້ອງສະຫຼາດສ່ອງໃສກວ່າ, ຕອບສະໜອງບັນດາໜ້າທີ່ທີ່ມີລັກສະນະລະອຽດກ່ວາອີກ. ຍ້ອນເຫດນັ້ນ, ຂ້າພະເຈົ້າຕີລາຄາສູງການເຂົ້າຮ່ວມຂອງຫວຽດນາມ ໃນການສະໜອງໂຮງໝໍພາກສະໜາມຂັ້ນ 2 ຢູ່ ຊູດັງໃຕ້. ນີ້ແມ່ນກຳລັງແຮງທີ່ແທ້ຈິງ ທີ່ສະຫະປະຊາຊາດຕ້ອງການ, ຕ້ອງການໃຫ້ບັນດາປະເທດສະມາຊິກສະຫະປະຊາຊາດປະກອບສ່ວນ, ໂດຍສະເພາະ ແມ່ນໃນເຂດປະທະກັນທີ່ອັນຕະລາຍ.
ທ່ານ Jean-Pierre Lacroix ກ່າວຕື່ມວ່າ: ໃນອະນາຄົດອັນໃກ້ນີ້, ພວກເຮົາ ຈະຮ່ວມມືກັບຫວຽດນາມ ຈັດຕັ້ງຜັນຂະຫຍາຍກອງບັນຊາການທະຫານຊ່າງແສງທີ 1 ໄປປະຕິບັດງານຮັກສາສັນຕິພາບສະຫະປະຊາຊາດ ຢູ່ພາກພື້ນ Abyei - ເຂດທີ່ຂັດແຍ້ງລະຫວ່າງຊູດານ ແລະ ຊູດານໃຕ້ (ຝ່າຍ UNISFA).
ນີ້ກໍ່ແມ່ນຂົງເຂດທີ່ສຳຄັນທີ່ສຸດຂອງອົງການສະຫະປະຊາຊາດ, ເພາະວ່າ ກຳລັງຮັກສາສັນຕິພາບຕ້ອງປະຕິກິລິຍາຢ່າງວ່ອງໄວ ແລະ ເຄື່ອນທີ່, ເພື່ອບັນລຸມາດຖານດັ່ງກ່າວ, ພວກຂ້າພະເຈົ້າ ຕ້ອງການກຳລັງທະຫານຊ່າງແສງທີ່ດີ, ພື້ນຖານໂຄງລ່າງທີ່ດີ, ມີຄວາມສາມາດກໍ່ສ້າງ ແລະ ສ້ອມແປງໂດຍໄວ.
ຂ້າພະເຈົ້າເຊື່ອໝັ້ນວ່າ ຫວຽດນາມ ເຂົ້າໃຈຢ່າງຈະແຈ້ງບັນດາບຸລິມະສິດຂອງກຳລັງຮັກສາສັນຕິພາບ ແລະ ຫວຽດນາມ ຈະຕອບສະໜອງບັນດາມາດຖານບຸລິມະສິດ ທີ່ສະຫະປະຊາຊາດຮຽກຮ້ອງໃຫ້ບັນດາກຳລັງເຂົ້າຮ່ວມການຮັກສາສັນຕິພາບ.
ຂ້າພະເຈົ້າ ຕີລາຄາສູງການຮ່ວມມືຂອງ ຫວຽດນາມ ກັບສະຫະປະຊາຊາດ ໃນຂົງເຂດຮັກສາສັນຕິພາບ ນັບແຕ່ເມື່ອຫວຽດນາມ ເຂົ້າຮ່ວມກຳລັງຮັກສາສັນຕິພາບໃນປີ 2014 ກໍ່ຄືບັນດາຄວາມມານະພະຍາຍາມໃນຕະຫຼອດປີ 2021 ທີ່ຜ່ານມາ.
ພວກຂ້າພະເຈົ້າຫວັງວ່າ ຈະສືບຕໍ່ຮ່ວມມືກັບ ຫວຽດນາມ ຫຼາຍກວ່າອີກ ເພາະວ່າ ພວກຂ້າພະເຈົ້າຖືວ່າ ຫວຽດນາມມີກຳລັງຄວາມສາມາດຢ່າງພຽງພໍ, ພິເສດແມ່ນພາຍຫຼັງການເຫັນປະຈັກຕາ ຫວຽດນາມໄດ້ສົ່ງກຳລັງທະຫານຈຳນວນໜຶ່ງ ໄປສົມທົບກັບໂຮງໝໍພາກສະໜາມຂັ້ນ 2 ແລະ ຈະສົ່ງຄະນະທະຫານຊ່າງແສງ ເຂົ້າຮ່ວມໃນການຮັກສາສັນຕິພາບ.
ຄຳຮຸ່ງ
