| ພັດທະນາການພົວພັນລະຫວ່າງຫວຽດນາມ ແລະ ບັນດາປະເທດຕາເວັນອອກກາງ - ທະວີບອາຟຣິກາ | |
| ສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ ແລະ ຈີເລ |
 |
| ສະພາຄວາມໝັ້ນຄົງ ຮັບຮອງເອົາມະຕິຕໍ່ກຳນົດເວລາປະຕິບັດໜ້າທີ່ຂອງຄະນະຮັກສາສັນຕິພາບ ສປຊ ຢູ່ ກົງໂກ. ພາບ: VOV |
ກ່ຽວຂ້ອງເຖິງສະພາບການຢູ່ ຊີຣີ, ທ່ານເອກອັກຄະລັດຖະທູດ ຫວຽດນາມ ດັ້ງດິ່ງກຸ໊ຍ ຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສປຊ ໄດ້ຮຽກຮ້ອງໃຫ້ບັນດາຝ່າຍຈົ່ງມີການເຈລະຈາດ້ວຍລັກສະນະສ້າງສັນ ແລະ ເນັ້ນຫນັກເຖິງຄວາມສໍາຄັນຂອງການສະຫນັບສະຫນູນຂອງປະຊາຄົມສາກົນຕໍ່ຂະບວນການນີ້; ເພີ່ມທະວີການຊ່ວຍເຫຼືອດ້ານມະນຸດສະທຳ, ພ້ອມທັງເນັ້ນໜັກເຖິງຄວາມສຳຄັນຂອງການສ້າງຍຸດທະສາດການຊ່ວຍເຫຼືອຟື້ນຟູພາຍຫຼັງການປະທະກັນໂດຍຮອບດ້ານເພື່ອຮັບປະກັນການເພິ່ງຕົນເອງຂອງປະຊາຊົນຊີຣີ.
ໃນວັນດຽວກັນ, ກ່າວຄຳເຫັນທີ່ວາລະປຶກສາຫາລືຂອງສະພາຄວາມໝັ້ນຄົງ ສປຊ ກ່ຽວກັບສະພາບການມະນຸດສະທຳຢູ່ ເອທີໂອປີ ພາຍໃຕ້ຫົວຂໍ້ “ບັນດາບັນຫາອື່ນ”, ທ່ານເອກອັກຄະລັດຖະທູດ ດັ້ງດິ່ງກຸ໊ຍ ກໍໄດ້ເນັ້ນໜັກເຖິງບົດບາດສຳຄັນຂອງບັນດາອົງການ ສປຊ, ໃນນັ້ນມີກອງທຶນເດັກຂອງສະຫະປະຊາຊາດ (UNICEF), ຫ້ອງການປະສານງານດ້ານມະນຸດສະທໍາຂອງສະຫະປະຊາຊາດ ແລະ ບັນດາຄູ່ຮ່ວມມືສາກົນອື່ນໆ, ໃນການສະຫນັບສະຫນູນບັນດາກິດຈະກໍາດ້ານມະນຸດສະທໍາໃນປະເທດນີ້.
ທ່ານເອກອັກຄະລັດຖະທູດ ໄດ້ເນັ້ນໜັກເຖິງຫຼັກການບໍ່ແຊກແຊງເຂົ້າວຽກງານພາຍໃນຂອງບັນດາປະເທດ ແລະ ແກ້ໄຂຄວາມຂັດແຍ່ງກັນໂດຍສັນຕິວິທີ; ຮຽກຮ້ອງໃຫ້ປະຊາຄົມໂລກ, ໂດຍສະເພາະແມ່ນສະຫະພາບທະວີບອາຟຣິກາ, ຊ່ວຍໃຫ້ຝ່າຍຕ່າງໆຊຸກຍູ້ການເຈລະຈາ, ສ້າງຄວາມໄວ້ເນື້ອເຊື່ອໃຈ ແລະ ສະໜອງການຊ່ວຍເຫຼືອດ້ານມະນຸດສະທຳໃຫ້ແກ່ ເອທີໂອປີ.
ໄຊພອນ
