| ທ່ານປະທານສະພາແຫ່ງຊາດຫວຽດນາມ ເວືອງດິ່ງເຫ້ວ ໄປຢ້ຽມຢາມ ແລະຕັ້ງປ້າຍຊື່ສຳນັກງານໃໝ່ຂອງສະຖານທູດ ຫວຽດນາມ ປະຈຳ ສ.ເກົາຫຼີ | |
| ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວ້ ໄດ້ສົ່ງຈົດໝາຍສະແດງຄວາມຊົມເຊີຍວັນຊາດ ແຟງລັງ |
ທີ່ການພົບປະ, ເສດຖີເງິນຕື້ Prashant Ruia ເນັ້ນໜັກວ່າ Essar ມີຄວາມມຸ່ງມາດປາດຖະໜາ ຢາກລົງທຶນເຂົ້າຫວຽດນາມ, ພິເສດແມ່ນໃນຂົງເຂດນ້ຳມັນອາຍແກັສ.
ນັບແຕ່ປີ 2008 ເປັນຕົ້ນມາ, Essar ໄດ້ເຂົ້າຮ່ວມການປະມູນການສຳຫຼວດ, ຂຸດຄົ້ນ ແລະ ຄົ້ນພົບອາຍແກັສທຳມະຊາດ ທີໂຮມເຂົ້າຢູ່ເຂດນອກຝັ່ງໄຫຼ່ທະວີບຂອງຫວຽດນາມ.
 |
| ທ່ານປະທານສະພາແຫ່ງຊາດ ເວືອງດິ່ງເຫ້ວ ໄດ້ໃຫ້ການຕ້ອນຮັບທ່ານປະທານກຸ່ມບໍລິສັດ Essar. (ພາບ: quochoi.vn) |
ໂດຍຜ່ານບໍລິສັດສໍາຫຼວດ ແລະ ການຜະລິດ Essar (Essar E&P), Essar ໄດ້ປະກາດການຄົ້ນພົບບໍ່ແຮ່ອາຍແກັສທີ່ໂຮມ ຢູ່ ແກ່ນເປົາ ໃນ Block 114.
ທ່ານປະທານສະພາແຫ່ງຊາດ ເວືອງດິ່ງເຫ້ວ ຢືນຢັນວ່າ: ຫວຽດນາມ ສະໜັບສະໜູນ ແລະ ສ້າງເງື່ອນໄຂໃຫ້ບັນດາວິສາຫະກິດ ອິນເດຍ ສືບຕໍ່ມີໜ້າໃນໄລຍະຍາວ ແລະ ເປີດກວ້າງການລົງທຶນດຳເນີນທຸລະກິດ ໃນຂົງເຂດຂຸດຄົ້ນ ແລະ ຜະລິດນ້ຳມັນອາຍແກັສ ຢູ່ໄຫຼ່ທະວີບ ແລະ ບັນດາເຂດເສດຖະກິດພິເສດຂອງຫວຽດນາມ.
ທ່ານປະທານສະພາແຫ່ງຊາດ ເວືອງດິ່ງເຫ້ວ ໄດ້ຮຽກຮ້ອງໃຫ້ Essar ເປີດກວ້າງການລົງທຶນຢູ່ຫວຽດນາມ, ທັງຢູ່ຕອນເທິງຂອງແມ່ນ້ຳ, ຕອນລຸ່ມຂອງແມ່ນ້ຳ, ທັງນ້ຳມັນ ແລະ ອາຍແກັສ. ພ້ອມກັນນັ້ນ, ທ່ານປະທານສະພາແຫ່ງຊາດ ເວືອງດິ່ງເຫ້ວ ກໍໄດ້ສະແດງຄວາມຊົມເຊີຍຄວາມຫຼາກຫຼາຍຂອງການເຄື່ອນໄຫວຂອງ Essar ແລະ ຍິນດີຕ້ອນຮັບກຸ່ມບໍລິສັດ ທີ່ຢາກລົງທຶນໃນການຫັນເປັນອຸດສາຫະກຳນ້ຳມັນ.
ປະຈຸບັນ, Essar ເປັນເຈົ້າຂອງເຕັກໂນໂລຊີການຫັນເປັນອຸດສາຫະກຳນ້ຳມັນ, ການກັ່ນຕອງນ້ຳມັນ ແລະ ຝຸ່ນຕ່າງໆ, ປ່ຽນຖ່ານຫີນເປັນມີເທນ ດ້ວຍຕົ້ນທຶນຕ່ຳ.
ທ່ານປະທານກຸ່ມບໍລິສັດ Essar ໃຫ້ຄຳໝັ້ນສັນຍາວ່າ: ຂໍ້ຕົກລົງຮ່ວມມືທີ່ໄດ້ຮັບການລົງນາມ ໃນວັນທີ 19 ທັນວາ ເປັນພຽງບາດກ້າວທຳອິດ, ຫຼັງຈາກນີ້ຈະສ້າງຕັ້ງກຸ່ມດຳເນີນການ ເພື່ອສຶກສາຄວາມສາມາດໃນການລົງທຶນຢູ່ ຫວຽດນາມ.
ຄຳຮຸ່ງ
