| ປຸກລະດົມຂໍ້ຄວາມສະໜັບສະໜູນ “ບຸນເຕັດເພື່ອຄົນທຸກຍາກ ແລະ ຜູ້ປະສົບເຄາະຮ້າຍຈາກທາດພິດສີສົ້ມ” | |
| ງົບປະມານທີ່ຈະໃຊ້ໃນການເບິ່ງແຍດູແລໃຫ້ສະມາຊິກກຳມະບານ, ຊາວຜູ້ອອກແຮງງານ ເນື່ອງໃນໂອກາດບຸນເຕັດປີຂານແມ່ນ 2.400 ຕື້ດົ່ງ |
ຕາມປົກກະຕິໃນກາງເດືອນ 11 ຕາມຈັນທະປະຕິທິນ, ຊາວສວນປູກຕົ້ນ ດອກຄາຍຊວນຢູ ຈະເລີ່ມລິໃບ, ຕັດກິ່ງງ່າແຫ້ງ ແລະນ້ອຍຂອງຕົ້ນດອກຄາຍ. ນີ້ຖືວ່າແມ່ນຂັ້ນຕອນ “ເຮັດໃໝ່”, “ປ່ຽນເສື້ອໃໝ່” ໃຫ້ແກ່ຕົ້ນດອກຄາຍ, ນັ້ນແມ່ນໄລຍະສຸດທ້າຍເພື່ອກະກຽມຕົ້ນດອກຄາຍໃຫ້ອອກດອກໃນໂອກາດບຸນປີໃໝ່ປະຈຳຊາດ.
 |
| ສວນດອກຄາຍຂອງ ອ້າຍ ບຸ່ຍວັນຢຸຍ. ພາບ: TTXVN |
ຢູ່ເທິງພູຕົ້ນດອກຄາຍເກືອບ 2.000 ຕົ້ນ ຢູ່ບ້ານ 6, ຕາແສງຊວນຢູ, ອ້າຍ ບຸ່ຍວັນຢຸຍ ພ້ອມດ້ວຍເມຍ ແລະກຳມະກອນອີກ 2 ຄົນພວມຟ້າວຟັ່ງກັບບັນດາຂັ້ນຕອນ “ປ່ຽນເສື້ອໃໝ່” ໃຫ້ຕົ້ນດອກຄາຍ. ອ້າຍ ຢຸຍ ໃຫ້ຮູ້ວ່າ: ອາກາດໃນປີນີ້ແມ່ນເອື້ອອຳນວຍໃຫ້ຕົ້ນດອກຄາຍເຕີບໃຫຍ່.
 |
| ສວນດອກຄາຍທີ່ມີຊື່ສຽງຂອງແຂວງແທງຮວ໋າ 'ປ່ຽນເສື້ອໃໝ່' ເພື່ອຕ້ອນຮັບບຸນເຕັດ. ພາບ: TTXVN |
ເຊັ່ນດຽວກັນ, ຄອບຄົວຂອງອ້າຍ ແກັກວັນຕ໊ຽນ ຢູ່ໝູ່ບ້ານ 6, ຕາແສງຊວນຢູ ກໍ່ຟ້າວຟັ່ງໃນການດູແລສວນຕົ້ນດອກຄາຍ. ອ້າຍຕ໊ຽນ ໃຫ້ຮູ້ວ່າ ຄອບຄົວຂອງຕ໊ຽນ ມີປະມານ 1500 ຕົ້ນ, ໃນປີນີ້ຄາດວ່າຈະຂາຍອອກສູ່ຕະຫຼາດເກືອບ 1.000 ຕົ້ນ.
 |
| ສວນດອກຄາຍຂອງ ອ້າຍ ແກັກວັນຕ໊ຽນ. ພາບ: TTXVN |
ຊວນຢູ ໄດ້ຮູ້ຈັກເຖິງເປັນ "ເມືອງເອກ" ຂອງຕົ້ນດອກຄາຍ ຢູ່ແທງຮວ໋າ. ໃນໂອກາດບຸນເຕັດ, ຢູ່ແຫ່ງນີ້ແມ່ນຄຶກຄື້ນໄປດ້ວຍຄົນໄປຊື້ຕົ້ນດອກຄາຍ. ເຫດຜົນທີ່ຕົ້ນດອກຄາຍ ດຶງດູດຜູ້ນິຍົມ ແມ່ນຍ້ອນວ່າ ດອກຄາຍມີສີບົວອ່ອນໆ ມີຄວາມສວຍງາມທີ່ບໍລິສຸດ, ບວກກັບລໍາຕົ້ນທີ່ຜູ້ປູກໄດ້ດັດຕາມແບບທີ່ເປັນເອກະລັກສະເພາະ ແລະແປກຈັບອົກຈັບໃຈທີ່ສຸດ.
ທ່ານ ຮວ່າງງອກເຊີນ, ຮອງປະທານຄະນະກຳມະການປະຊາຊົນຕາແສງຊວນຢູ, ເມືອງຍືແທ່ງ ຢືນຢັນວ່າ ປະຈຸບັນ, ຕາແສງຊວນຢູ ມີເນື້ອທີ່ດິນປູກຕົ້ນດອກຄາຍ ປະມານ 290 ເຮັກຕາ. ເພື່ອກຽມຕ້ອນຮັບບຸນປີໃໝ່ປະຈຳຊາດປີ 2022, ເມືອງໄດ້ສ້າງແຜນການເປີດງານຕະຫຼາດນັດຂາຍຕົ້ນດອກຄາຍ ເພື່ອຮັບປະກັນຄວາມປອດໄພໃນການປ້ອງກັນ, ຕ້ານພະຍາດໂຄວິດ-19 ໃຫ້ປະຊາຊົນ ແລະນັກທ່ອງທ່ຽວທີ່ມາຢ້ຽມຊົມ, ຊື້ຂາຍຕົ້ນດອກຄາຍ. ອາກາດປີນີ້ເອື້ອອໍານວຍ ໃຫ້ຕົ້ນດອກຄາຍເຕີບໃຫຍ່ດີ, ຄາດຄະເນລາຍຮັບຈາກຕົ້ນດອກຄາຍ ທົ່ວຕາແສງແມ່ນປະມານ 45 ຕື້ດົ່ງ.
ບູນມີ
