| ງົບປະມານທີ່ຈະໃຊ້ໃນການເບິ່ງແຍດູແລໃຫ້ສະມາຊິກກຳມະບານ, ຊາວຜູ້ອອກແຮງງານ ເນື່ອງໃນໂອກາດບຸນເຕັດປີຂານແມ່ນ 2.400 ຕື້ດົ່ງ | |
| ບຸນເຕັດ ຄູກູເຕ ມີຄວາມໝາຍສໍາຄັນຍິ່ງ, ແມ່ນວັນບຸນໃຫຍ່ສຸດໃນປີ ຂອງເຜົ່າ ລາຈີ໊ |
 |
| ພາບປະກອບ: TTXVN |
ໂຄງການໄດ້ດຳເນີນໃນລະຫວ່າງວັນທີ 15 ທັນວາ ປີ 2021 ຈົນຮອດວັນທີ 12 ກຸມພາ ປີ 2022 ເພື່ອແນໃສ່ຂົນຂວາຍປະຊາຊົນທົ່ວປະເທດຮ່ວມແຮງຮ່ວມໃຈສະໜັບສະໜູນແຫຼ່ງກຳລັງ, ໜູນຊ່ວຍຄົນທຸກຍາກ, ຜູ້ປະສົບເຄາະຮ້າຍຈາກທາດພິດສີສົ້ມ ແລະ ປະຊາຊົນທີ່ຖືກຜົນກະທົບຈາກໂລກລະບາດໂຄວິດ - 19 ໄດ້ມີເງື່ອນໄຂຕ້ອນຮັບບຸນເຕັດ ປີ 2022, ບັນດາການເຄື່ອນໄຫວໜູນຊ່ວຍລວມມີ: ມອບຂອງຂວັນບຸນເຕັດ, ທັນຍາຫານ, ສະບຽງອາຫານ, ຜ້າອັດປາກດັງ, ນຳ້ຢາລ້າງມືຂ້າເຊື້ອ, ຊຸດປ້ອງກັນຕ້ານໂລກລະບາດໂຄວິດ - 19.
ໄປຄຽງຄູ່ກັບຮູບແບບສົ່ງຂໍ້ຄວາມສະໜັບສະໜູນ, ບັນດາອົງການ, ສ່ວນບຸກຄົນ ອາດຈະສະໜັບສະໜູນຂະບວນການ “ບຸນເຕັດເພື່ອຄົນທຸກຍາກ ແລະ ຜູ້ປະສົບເຄາະຮ້າຍຈາກທາດພິດສີສົ້ມ” ຜ່ານບັນຊີຂອງສູນກາງສະພາກາແດງ ຫວຽດນາມ. ເລກບັນຊີ 120 1 00000 36656 ທະນາຄານການຄ້າຫຸ້ນສ່ວນລົງທຶນ ແລະ ພັດທະນາ ຫວຽດນາມ, ສາຂາເລກ I, ຮ່າໂນ້ຍ, ສະໜັບສະໜູນໂດຍກົງຢູ່ທີ່: ສຳນັກງານໃຫຍ່ສູນກາງສະພາກາແດງ ຫວຽດນາມ (ເຮືອນເລກທີ 82, ຖະໜົນຫງວຽນຢູ, ຮ່າໂນ້ຍ) ຫຼື ອົງການຕາງໜ້າທາງພາກໃຕ້ (ເຮືອນເລກທີ 201, ຖະໜົນ ຫງວຽນທິມິງຄາຍ, ເມືອງ I, ນະຄອນ ໂຮ່ຈີມິນ).
ບຸນຄົງ
