| ສະຖານທູດ ຫວຽດນາມ ປະຈຳ ສ.ເກົາຫຼີ ໜູນຊ່ວຍກຸ່ມລູກເຮືອໃນເຫດເຮືອຫລົ້ມ | |
| ໃຫ້ບຸລິມະສິດຢ່າງສູງສຸດ, ເພີ່ມພູນຄູນສ້າງໃຫ້ສາຍພົວພັນ ຫວຽດນາມ - ກຳປູເຈຍ |
 |
| ເພີ່ມທະວີການພົວພັນຮ່ວມມືລະຫວ່າງສະພາແຫ່ງຊາດຫວຽດນາມ ກັບສະພາແຫ່ງຊາດ, ລັດຖາສະພາ ບັນດາປະເທດຄູ່ຮ່ວມມື ໃຫ້ລົງເລິກກວ່າເກົ່າ. ພາບ: TTXVN |
ທ່ານປະທານສະພາແຫ່ງຊາດ ເວືອງດິ່ງເຫ້ວ ໃຫ້ຮູ້ວ່າ: ສະພາແຫ່ງຊາດຈະຕັ້ງໜ້າເປັນເຈົ້າການປະຕິບັດເພື່ອໃຫ້ການສັດຕະຍາບັນການເຂົ້າຮ່ວມ ຫຼື ຍຸບເລີກບັນດາສົນທິສັນຍາສາກົນທີ່ ຫວຽດນາມ ເປັນສະມາຊິກ, ຮັບປະກັນແນວທາງອັນຖືກຕ້ອງຂອງພັກ, ກົດໝາຍຂອງລັດ; ຄຸ້ມຄອງການປະຕິບັດບັນດາສົນທິສັນຍາສາກົນໂດຍສຸມໃສ່ບັນດາສັນຍາການຄ້າເສລີສະບັບໃໝ່, ບັນດາສົນທິສັນຍາສາກົນກ່ຽວກັບເຂດຊາຍແດນ, ສ້າງທ່ວງທ່າໃຫ້ແກ່ການພັດທະນາຢ່າງເຂັ້ມແຂງ, ເຊື່ອມໂຍງ ໂດຍໄວ ແລະ ມີປະສິດທິຜົນກວ່າເກົ່າຂອງປະເທດຊາດ, ປະກອບສ່ວນຮັບປະກັນການປ້ອງກັນຊາດ, ຄວາມໝັ້ນຄົງ, ຮັບປະກັນສິດຜົນປະໂຫຍດລວມຂອງປະເທດຊາດ, ຊົນຊາດ.
ທ່ານປະທານສະພາແຫ່ງຊາດ ປາດຖະໜາວ່າ ບັນດາເອກອັກຄະລັດຖະທູດ, ຫົວໜ້າອົງການຜູ້ຕາງໜ້າ ຫວຽດນາມ ຢູ່ຕ່າງປະເທດ ຈະຍູ້ແຮງ, ເຮັດໃຫ້ການຮ່ວມມື 2 ຝ່າຍກັບສະພາແຫ່ງຊາດ, ລັດຖາສະພາບັນດາປະເທດຄູ່ຮ່ວມມື, ການພົວພັນພິເສດ, ເພື່ອນບ້ານ, ຄູ່ຮ່ວມມືຍຸດທະສາດ, ຄູ່ຮ່ວມມືຍຸດທະສາດ, ຄູ່ຮ່ວມມືຮອບດ້ານ ແລະ ຄູ່ຮ່ວມມືສຳຄັນອື່ນໆເລິກເຊິ່ງກວ່າເກົ່າ; ຍົກລະດັບການຕ່າງປະເທດຫຼາຍຝ່າຍ; ເພີ່ມທະວີການສົມທົບກັນຍູ້ແຮງການຄົ້ນຄວ້າ, ຄາດຄະເນ, ເປັນເສນາທິການຍຸດທະສາດໃນຂົງເຂດການຕ່າງປະເທດ ເພື່ອເປັນເຈົ້າການໃນການຜັນຂະຫຍາຍວຽກງານການຕ່າງປະເທດຂອງສະພາແຫ່ງຊາດຢ່າງຕັ້ງໜ້າ ແລະ ທັນການ.
ໄຊພອນ
