 |
| ມອບໜັງສືຜ່ານແດນໃຫ້ແກ່ລູກເຮືອ (ພາບ: TTXVN) |
ຍ້ອນເຮືອຫຼົ້ມ ດັ່ງນັ້ນ, ເຮັດໃຫ້ເອກະສານປະຈໍາຕົວຂອງລູກເຮືອຖືກສູນເສຍທັງຫມົດ. ສະຖານທູດ ຫວຽດນາມ ປະຈຳ ສ.ເກົາຫຼີ ໄດ້ໜູນຊ່ວຍການອອກໜັງສືຜ່ານແດນຄືນໃໝ່ ແລະ ໜູນຊ່ວຍການປະຕິບັດລະບຽບການເພື່ອໃຫ້ລູກເຮືອໄດ້ກັບຄືນປະເທດໂດຍໄວ. ຄາດວ່າ, ລູກເຮືອຈະກັບຄືນບ້ານໃນຖ້ຽວບິນ ວັນທີ 25 ທັນວານີ້.
ກ່ຽວກັບເຫດການເຮືອຫຼົ້ມ, ບໍລິສັດ INLACO-HP ທີ່ສະໜອງ ແລະ ຄຸ້ມຄອງລູກເຮືອ 18 ຄົນໃຫ້ກຳປັ່ນ Houei Crystal ຂອງ ປານາມາ ໄດ້ ແລະ ພວມສົມທົບກັນຢ່າງຕັ້ງໜ້າກັບເຈົ້າຂອງກຳປັ່ນ ເພື່ອແກ້ໄຂສິດຜົນປະໂຫຍດຂອງລູກເຮືອ ຫວຽດນາມ.
ກຳປັ່ນ Houei Crystal ຂຶ້ນທະບຽນຢູ່ປະເທດ ປານາມາ ດ້ວຍນ້ຳໜັກ 5.765 ໂຕນ ທີ່ໂດຍສານລູກເຮືອ ຫວຽດນາມ 18 ຄົນ ໄດ້ຈົມນ້້ຳຢູ່ເຂດນ່ານນ້ຳທະເລຊາຍແດນລະຫວ່າງ ສ.ເກົາຫຼີ, ສປປ.ເກົາຫຼີ ແລະ ຍີ່ປຸ່ນ.
ພວກລູກເຮືອໄດ້ຖືກພົບເຫັນ ຫຼັງຈາກທີ່ລອຍເຂົ້າໄປໃນເຂດນ່ານນ້ຳຂອງ ສ.ເກົາຫຼີ ແລະ ກູ້ໄພຂອງກຳລັງຕຳຫຼວດທະເລ ສ.ເກົາຫຼີ ໄດ້ພາມາທີ່ທ່າເຮືອ Donghae ແຂວງ Gangwon ໃນວັນທີ 2 ທັນວາ. ປັດຈຸບັນ ຍັງມີລູກເຮືອຄົນຫນຶ່ງຖືກຫາຍສາບສູນ.
ບຸນຄົງ
