| ຫວຽດນາມ - ກຳປູເຈຍ ສືບຕໍ່ຍູ້ແຮງບັນດາການເຄື່ອນໄຫວການທູດປະຊາຊົນ | |
| ນຳການພົວພັນ ຫວຽດນາມ - ກຳປູເຈຍ ນັບມື້ນັບເຂົ້າສູ່ລວງເລິກ, ແທດຈິງ ແລະ ມີປະສິດທິຜົນ |
 |
| ທ່ານປະທານປະເທດ ຫວຽດນາມ ຫງວຽນຊວັນຟຸກ ພົບປະກັບກະສັດ ກຳປູເຈຍ Norodom Sihamoni (ພາບ: TTXVN) |
ນີ້ແມ່ນການຢ້ຽມຢາມກຳປູເຈຍຄັ້ງທຳອິດຂອງ ທ່ານປະທານປະເທດ ຫງວຽນຊວນຟຸກ ໃນຖະນະເປັນປະທານປະເທດ ທັງເປັນການນຳຂັ້ນສູງຫວຽດນາມຄົນທຳອິດທີ່ໄປຢ້ຽມຢາມກຳປູເຈຍຢ່າງເປັນທາງການນັບແຕ່ເກີດໂລກລະບາດ Covid-19 (ປີ 2020).
ການຢ້ຽມຢາມເພື່ອແນໃສ່ປະຕິບັດນະໂຍບາຍການຕ່າງປະເທດຂອງກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XIII ຂອງພັກ; ສະແດງຄວາມຖືເປັນສຳຄັນ ແລະ ພັດທະນາການພົວພັນກັບບັນດາປະເທດບ້ານໃກ້ເຮືອນຄຽງ. ການຢ້ຽມຢາມດຳເນີນໄປໃນສະພາບການທີ່ສາຍພົວພັນມິດຕະພາບ, ຄວາມສາມັກຄີ, ການຮ່ວມມືຮອບດ້ານລະຫວ່າງ ຫວຽດນາມ ແລະ ກຳປູເຈຍ ສືບຕໍ່ພັດທະນາເປັນຢ່າງດີ. ສອງປະເທດມີການຕິດຕໍ່ພົວພັນລະດັບສູງ ແລະ ບັນດາຂັ້ນເປັນປົກກະຕິ.
 |
| ທ່ານປະທານປະເທດຫວຽດນາມ ຫງວຽນຊວນຟຸກ ແລະ ທ່ານນາຍົກລັດຖະມົນຕີ ກຳປູເຈຍ Samdech Techo Hun Sen. ພາບ: TTXVN |
ເຖິງແມ່ນໃນສະພາບການແຜ່ລະບາດຂອງພະຍາດໂຄວິດ-19, ການນຳຂອງສອງປະເທດຍັງຮັກສາການຕິດຕໍ່ພົວພັນທາງອອນລາຍ. ການຢ້ຽມຢາມທາງລັດຖະກິດປະເທດ ກຳປູເຈຍ ຄັ້ງນີ້ ກໍ່ແມ່ນໜຶ່ງໃນບັນດາເຫດການເປີດສາກບັນດາການເຄື່ອນໄຫວຂ່ຳນັບຊົມເຊີຍ “ປີມິດຕະພາບ ຫວຽດນາມ - ກຳປູເຈຍ, ກຳປູເຈຍ - ຫວຽດນາມ” ແລະ ສະເຫຼີມສະຫຼອງ 55 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ 2 ປະເທດ (24 ມິຖຸນາ 1967 – 24 ມິຖຸນາ 2022).
ນີ້ກໍ່ແມ່ນໂອກາດເພື່ອໃຫ້ການນຳຂອງ 2 ປະເທດຕີລາຄາໝາກຜົນການຮ່ວມມື 2 ຝ່າຍໃນໄລຍະຜ່ານມາ; ແລກປ່ຽນ, ປຶກສາຫາລືຊຸກຍູ້ການຮ່ວມມືລະຫວ່າງ 2 ປະເທດໃນໄລຍະຈະມາເຖິງ; ປຶກສາຫາລືກ່ຽວກັບສະພາບການຢູ່ພາກພື້ນ ແລະ ສາກົນເຊິ່ງຕ່າງຝ່າຍຕ່າງມີຄວາມສົນໃຈ.
ໄຊພອນ
