| ປະທານສະພາແຫ່ງຊາດ: ການຢ້ຽມຢາມອິນເດຍ "ມີຄວາມໝາຍດ້ານການເມືອງທີ່ສຳຄັນ" | |
| ການຕ່າງປະເທດ ຫວຽດນາມ ນຳໜ້າ, ຮອບດ້ານ, ທັນສະໄໝ, ເປັນເຈົ້າການໃນການຮັບມື |
ການຢ້ຽມຢາມຂອງ ທ່ານປະທານສະພາແຫ່ງຊາດ ເວືອງດິ່ງເຫ້ວ ສືບຕໍ່ຢັ້ງ ຢືນແຜນນະໂຍບາຍ, ນະໂຍບາຍການຕ່າງປະເທດເປີດກ້ວາງ, ຫັນເປັນຫຼາຍ ຝ່າຍ, ຫຼາຍຮູບຫຼາຍແບບ, ເປັນເຈົ້າການ, ຕັ້ງໜ້າ ແລະ ມີຄວາມຮັບຜິດຊອບ ຂອງພັກ ແລະ ລັດ, ອັນໄດ້ຍົກສູງທີ່ຕັ້ງຂອງ ຫວຽດນາມ ໃນພາກພື້ນ ແລະ ໂລກ. ການຢ້ຽມຢາມສືບຕໍ່ເສີມຂະຫຍາຍທ່າແຮງຂອງການທູດລັດຖະສະພາໃນການພົວພັນສອງຝ່າຍກັບສອງຄູ່ຮ່ວມມືຍຸດທະສາດສຳຄັນຢູ່ພາກພື້ນ ອາຊີ, ປັບປຸງການ ພົວພັນດ້ານການເມືອງ, ຄວາມໄວ້ເນື້ອເຊື່ອໃຈກັບການນຳຂັ້ນສູງສະພາແຫ່ງຊາດ ສ.ເກົາຫຼີ ແລະ ອິນເດຍ, ແລກປ່ຽນຂໍ້ມູນຂ່າວສານ, ແບ່ງປັນບົດຮຽນປະສົບການ ກ່ຽວກັບບັນດາການເຄື່ອນໄຫວຂອງລັດຖະສະພາກໍ່ຄືບັນດາມາດຕະການຟື້ນຟູ, ພັດທະນາເສດຖະກິດໃນສະພາບເກີດໂລກລະບາດໂຄວິດ - 19 ທີ່ຍັງມີການຜັນແປຢ່າງສັບສົນ.
 |
| ປະທານສະພາແຫ່ງຊາດຫວຽດນາມ ສິ້ນສຸດການຢ້ຽມຢາມ ສ.ເກົາຫຼີ, ອິນເດຍ ຢ່າງເປັນທາງການ. ພາບ: TTXVN |
ການຢ້ຽມຢາມຂອງທ່ານປະທານສະພາແຫ່ງຊາດຫວຽດນາມ ບັນລຸໄດ້ບັນດາໝາກຜົນຮອບດ້ານໃນດ້ານການເມືອງ, ການຕ່າງປະເທດ, ການທູດຮັບໃຊ້ດ້ານເສດຖະກິດ, ການທູດວັກຊິນ... ໄດ້ມີຂໍ້ຈຕົກລົງຮ່ວມມືລະຫວ່າງກະຊວງ, ຂະແໜງການ ແລະອົງການຂອງຫວຽດນາມ ທີ່ໄດ້ລົງນາມກັບບັນດາກະຊວງ, ຂະແໜງການ ແລະອົງການຂອງ ສ.ເກົາຫຼີ ແລະ ອິນເດຍ 9 ສະບັບ; ໃບຢັ້ງຢືນການຈົດທະບຽນການລົງທຶນ ແລະຂໍ້ຕົກລົງການຮ່ວມມືທີ່ໄດ້ຮັບການມອບໃຫ້ໃນໄລຍະປະຕິບັດງານ 39 ສະບັບ, ດ້ວຍມູນຄ່າທັງໝົດ 15 ຕື້ USD.
ກ່ຽວກັບການຮ່ວມມືປ້ອງກັນ, ຕ້ານພະຍາດໂຄວິດ-19, ກຸ່ມບໍລິສັດ Bharat Biotech (ອິນເດຍ) ໄດ້ຊ່ວຍເຫຼືອຫວຽດນາມ ວັກຊິນ COVAXIN 200.000 ໂດສ ໃຫ້ແກ່ເດັກອາຍຸຕ່ຳກວ່າ 18 ປີ; ບໍລິສັດ Optimus Pharma (ອິນເດຍ) ຮ່ວມມືກັບບໍລິສັດຫຸ້ນສ່ວນເຄມີ-ການຢາ Mekophar (ຫວຽດນາມ) ຖ່າຍທອດ ເຕັກໂນໂລຊີທັງໝົດ ແລະວັດຖຸດິບ 1 ໂຕນ ເພື່ອຜະລິດຢາປົວໂຄວິດ-19 MOVINAVIR 200mg ຈຳນວນ 4.750.000 ເມັດ; ກຸ່ມບໍລິສັດການເງິນ Hana (ສ.ເກົາຫຼີ) ໄດ້ບໍລິຈາກ 2 ຕື້ວອນ (ປະມານ 40 ຕື້ດົ່ງ), ພ້ອມກັບ BIDV ເພື່ອປະຕິບັດບັນດາການເຄື່ອນໄຫວຮັບປະກັນຊີວິດສັງຄົມ, ໃນນັ້ນມີໂຄງການມອບລົດສຸກເສີນ 65 ຄັນ ແລະ ກໍ່ສ້າງເຮືອນວັດທະນະທຳ...
ບູນມີ
