 |
| ບັນດາຜູ້ແທນເຂົ້າຮ່ວມກອງປະຊຸມ (ພາບ: VOV) |
ກ່າວຄຳເຫັນຊີ້ນຳຢູ່ກອງປະຊຸມ, ທ່ານນາຍົກລັດຖະມົນຕີຟ້າມມິງຈິງ ໄດ້ຢັ້ງຢືນວ່າ ການຕ່າງປະເທດໄດ້ຫັນເປັນລະອຽດ, ປະຕິບັດນະໂຍບາຍ, ກົດໝາຍຂອງລັດຢ່າງເຂັ້ມງວດ, ເສີມຂະຫຍາຍມູນເຊື້ອຂະແໜງການທູດ, ມີໄຫວພິບໃນການຮັບມືກັບສະພາບການໃໝ່, ມີການໜູນຊ່ວຍຂອງທຸກຂັ້ນ, ທຸກຂະແໜງການ, ທ້ອງຖິ່ນ ແລະ ເພື່ອນມິດສາກົນ. ທ່ານນາຍົກລັດຖະມົນຕີ ຟ້າມມິງຈິງ ຊີ້ແຈ້ງວ່າ:
ກ່ຽວກັບວຽກງານປີ 2022 ແລະ 2023, ພວກເຮົາຕ້ອງຄາດຄະເນສະພາບການໃຫ້ໄດ້ ເພື່ອກຳນົດວຽກງານພົວພັນການຕ່າງປະເທດໃຫ້ເໝາະສົມ. ທີ 1, ການແກ້ງແຍ້ງແຂ່ງຂັນດ້ານຍຸດທະສາດຕ້ອງຈະແຈ້ງທີ່ສຸດ. ຕ້ອງຄາດຄະເນສະພາບການເພື່ອມີການປະພຶດ, ແກ້ໄຂບັນດາສິ່ງທ້າທາຍໃຫ້ໄດ້, ໜູນໃຊ້ກາລະໂອກາດເພື່ອພັດທະນາ. ທີ 2 ແມ່ນໂລກລະບາດໂຄວິດ - 19, ນີ້ແມ່ນບັນຫາທົ່ວໂລກ, ສະນັ້ນ, ຕ້ອງມີວິທີສຳຜັດແບບທົ່ວໂລກ ແລະ ຕ້ອງມີຄວາມສາມັກຄີສາກົນຈື່ງພ້ອມກັນແກ້ໄຂໄດ້. ທີ 3 ແມ່ນບັນຫາການປ່ຽນແປງຂອງດິນຟ້າອາກາດ, ການຂາດເຂີນຊັບພະຍາກອນ. ການປະຕິວັດ 4.0 ທັງເປັນສິ່ງທ້າທາຍ, ທັງເປັນກາລະໂອກາດ, ເຊີ່ງສິ່ງທ້າທາຍທີ່ໃຫຍ່ສຸດແມ່ນຄວາມໝັ້ນຄົງດ້ານອີນເຕີເນັດ. ແຕ່ຖ້າຫາກວ່າພວກເຮົາໜູນໃຊ້ການປະຕິວັດອຸດສາຫະກຳ 4.0 ໄດ້ນັ້ນ, ກາລະໂອກາດແມ່ນໃຫຍ່ຫຼວງທີ່ສຸດ.
ເນື່ອງໃນໂອກາດນີ້, ທ່ານນາຍົກລັດຖະມົນຕີ ຟ້າມມິງຈິງ ໄດ້ມອບລາງວັນໃຫ້ບາງໝູ່ຄະນະ ແລະ ສ່ວນບຸກຄົນຂະແໜງການທູດທີ່ມີຜົນງານດີເດັ່ນໃນໄລຍະຜ່ານມາ.
ກ່ອນໜ້ານັ້ນ, ກອງປະຊຸມການຕ່າງປະເທດ ຄັ້ງທີ 31 ໄດ້ໄຂວາລະປະຊຸມຄົບຄະນະ, ທ່ານ ບຸ່ຍແທັງເຊີນ ລັດຖະມົນຕີກະຊວງການຕ່າງປະເທດ ຫວຽດນາມ ຢັ້ງຢືນວ່າ ນັບແຕ່ກອງປະຊຸມການຕ່າງປະເທດຄັ້ງທີ 30 ໃນປີ 2018 ຈົນມາຮອດປະຈຸບັນ, ສະພາບການໂລກມີການຫັນປ່ຽນຢ່າງວ່ອງໄວ ແລະ ສັບສົນ, ມີຫຼາຍການຜັນແປເກີນການຄາດຄະເນ, ແຕ່ວ່າຂະແໜງການທູດ ຫວຽດນາມ ຍັງບັນລຸໄດ້ຜົນງານທີ່ໃຫຍ່ຫຼວງ.
ຂະແໜງການຕ່າງປະເທດມີຫຼັກການຢຶດໝັ້ນກັບເປົ້າໝາຍ, ເປັນເຈົ້າການ, ມີໄຫວພິບ, ປະດິດຄິດສ້າງ ແກ້ໄຂຄວາມຫຍຸ້ງຍາກ, ຜ່ານຜ່າສິ່ງທ້າທາຍເພື່ອຜັນຂະຫຍາຍບັນດາໜ້າທີ່ຈຸດສຸມຂອງການພົວພັນຕ່າງປະເທດຢ່າງຄົບຊຸດ, ຈາກນັ້ນ, ບັນລຸໄດ້ບັນດາໝາກຜົນສຳຄັນ ແລະ ຮອບດ້ານ. ນັ້ນແມ່ນຮັກສາສະພາບແວດລ້ອມແຫ່ງສັນຕິພາບ, ສະຖຽນລະພາບ, ປະກອບສ່ວນສຳຄັນເຂົ້າໃນການປົກປັກຮັກສາເອກະລາດ, ອະທິປະໄຕ, ເອກະພາບ ແລະ ຜືນແຜ່ນດິນອັນຄົບຖ້ວນຢ່າງໝັ້ນແກ່ນ, ສືບຕໍ່ເປີດກວ້າງ ແລະ ເຮັດໃຫ້ການພົວພັນກັບຫຼາຍຄູ່ຮ່ວມມືເລິກເຊິ່ງກ່ວາອີກ, ເປັນຕົ້ນແມ່ນບັນດາປະເທດບ້ານໃກ້ເຮືອນຄຽງ, ບັນດາຄູ່ຮ່ວມມືສຳຄັນ ແລະ ເພື່ອນມິດທີ່ມີແຕ່ດົນນານ, ຈາກນັ້ນ ຍາດແຍ່ງແຫຼ່ງກຳລັງພາຍນອກໃຫ້ໄດ້ຫຼາຍທີ່ສຸດເພື່ອຮັບໃຊ້ໃຫ້ແກ່ການພັດທະນາເສດຖະກິດ - ສັງຄົມ.
ທ່ານລັດຖະມົນຕີການຕ່າງປະເທດ ຫວຽດນາມ ບຸຍແທັງເຊີນ ຊີ້ແຈ້ງວ່າ ຫວຽດນາມ ພວມກ້າວເຂົ້າສູ່ໄລຍະຍຸດທະສາດໃໝ່ຕິດພັນກັບການປະຕິບັດຄວາມຄາດຫວັງ, ວິໄສທັດ, ເປົ້າໝາຍ, ທິດທາງການພັດທະນາປະເທດຊາດ. ບົນພື້ນຖານນັ້ນ, ການພົວພັນຕ່າງປະເທດຈະສືບຕໍ່ເສີມຂະຫຍາຍບົດບາດນຳໜ້າໃນການສ້າງຕັ້ງ ແລະ ຮັກສາສະພາບແວດລ້ອມແຫ່ງສັນຕິພາບ, ສະຖຽນລະພາບ, ລະດົມທຸກແຫຼ່ງກຳລັງພາຍນອກ ເພື່ອຮັບໃຊ້ໃຫ້ການພັດທະນາເສດຖະກິດ - ສັງຄົມ ແລະ ຍົກສູງທີ່ຕັ້ງ, ອິດທິພົນຊື່ສຽງຂອງປະເທດຊາດ.
ບຸນຄົງ
