 |
| ກອງປະຊຸມແບບທາງໄກ ລະຫວ່າງ ກະຊວງຕຳຫຼວດຫວຽດນາມ ແລະ ກະຊວງພາຍໃນກູບາ |
ເຂົ້າຮ່ວມຢູ່ສະຖານທີ່ເຊື່ອມຕໍ່ຖ່າຍທອດສົດຮ່າໂນ້ຍ (ຫວຽດນາມ) ມີບັນດາການນຳກົມການຕ່າງປະເທດ; ຕາງໜ້າການນຳບັນດາຫົວໜ່ວຍຂຶ້ນກັບກົມການຕ່າງປະເທດ, ກົມສາທາລະນະສຸກ, ໂຮງໝໍ 198, ໂຮງໝໍຢາພື້ນເມືອງ ແລະ ໂຮງໝໍ 199, ກະຊວງຕຳຫຼວດ; ຢູ່ສະຖານທີ່ເຊື່ອມຕໍ່ ນະຄອນໂຮ່ຈິມິນ ມີການເຂົ້າຮ່ວມຂອງໂຮງໝໍ 30/4.
ຢູ່ສະຖານທີ່ຖ່າຍທອດສົດ ກູບາ ມີ ທ່ານພັນເອກ Rebeca Fernandez Otero, ຫົວໜ້າກົມພົວພັນຕ່າງປະເທດ ແລະ ການຮ່ວມມືສາກົນ, ກະຊວງພາຍໃນ ກູບາ; ທ່ານ Roberto Castellanos Gutierres, ຜູ້ອໍານວຍການໂຮງໝໍ CIMEQ, ແລະບັນດາຜູ້ຊ່ຽວຊານ ແລະທ່ານໝໍຈາກໂຮງໝໍ CIMEQ Cuba.
ໃນໄລຍະກອງປະຊຸມສຳມະນາເປັນເວລາ 2 ວັນ, 2 ຝ່າຍໄດ້ສຸມໃສ່ແລກປ່ຽນບົດຮຽນ, ເພີ່ມທະວີຄວາມຮູ້ຂອງບັນດານັກຊ່ຽວຊານ, ທ່ານໝໍໃນຂົງເຂດການແພດ, ພິເສດແມ່ນໂປແກຼມການນຳໃຊ້ຢາຟື້ນຟູ ແລະ ຄົ້ນຄວ້າວັກແຊງປ້ອງກັນພະຍາດໂຄວິດ-19.
ນອກຈາກນັ້ນ, ບັນດາຜູ້ຊ່ຽວຊານ ແລະ ທ່ານໝໍໂຮງໝໍ CIMEQ ກູບາ ແລະ ກະຊວງຕຳຫລວດ ຫວຽດນາມ ຍັງໄດ້ປຶກສາຫາລືບັນດາຫົວຂໍ້ກ່ຽວກັບວິທີປິ່ນປົວພະຍາດມະເຮັງຈຳນວນໜຶ່ງ.
 |
| ບັນຍາກາດທີ່ກອງປະຊຸມ |
ສິ້ນສຸດກອງປະຊຸມ, ບັນດາການນຳຂອງກົມພົວພັນຕ່າງປະເທດ (ກະຊວງຕຳຫຼວດ) ໄດ້ຕີລາຄາສູງບັນດາເນື້ອໃນການນຳສະເໜີຢ່າງເລິກເຊິ່ງ, ກວ້າງຂວາງ ພ້ອມທັງມີຄຳເຫັນ ແລະ ແລກປ່ຽນບົດຮຽນອັນສຳຄັນຂອງບັນດານັກຊ່ຽວຊານ; ພ້ອມກັນນັ້ນ, ກໍສະເໜີວ່າ ໃນໄລຍະຈະມາເຖິງ, 2 ຝ່າຍຕ້ອງເພີ່ມທະວີການພົບປະສອງຝ່າຍແບບໂດຍກົງ ຫຼື ຜ່ານທາງອອນລາຍໃນຂົງເຂດການແພດ ເພື່ອແລກປ່ຽນບັນດາບັນຫາທີ່ຕ່າງຝ່າຍຕ່າງມີຄວາມສົນໃຈ.
ຄຳຮຸ່ງ
