| ຈີນຮັດແໜ້ນການນຳເຂົ້າຜະລິດຕະພັນກະສິກຳ, ວິສາຫະກິດຕ້ອງໃສ່ໃຈ 11 ຈຸດ | |
| ວິສາຫະກິດ ອົດສະຕາລີ ຊອກຫາກາລະໂອກາດຮ່ວມມືກັບ ຫວຽດນາມ |
 |
| ການໂອ້ລົມສົນທະນາ (ພາບ: baodansinh.vn) |
ໃນຂອບເຂດກອງປະຊຸມການຕ່າງປະເທດທົ່ວປະເທດ ຄັ້ງທີ 20 ໂດຍກະຊວງການຕ່າງປະເທດ ຈັດຕັ້ງ, ຫວ່າງແລ້ວນີ້, ການໂອ້ລົມສົນທະນາ “ພົບປະກັບຄະນະການທູດ, ສະຫະສະມາຄົມວິສາຫະກິດຕ່າງປະເທດ, ເຊື່ອມຕໍ່ທ້ອງຖິ່ນ, ວິສາຫະກິດ ຫວຽດນາມ” ໄດ້ດຳເນີນແບບທາງໄກ ສົມທົບກັບໂດຍກົງ ດ້ວຍສະຖານທີ່ເຊື່ອມຕໍ່ທາງໄກ 300 ແຫ່ງຢູ່ ຫວຽດນາມ ແລະ ສາກົນ.
ກ່າວຄຳເຫັນໄຂການໂອ້ລົມສົນທະນາ, ທ່ານຮອງລັດຖະມົນຕີການຕ່າງປະເທດ ໂຕແອັງຢຸງ ໃຫ້ຮູ້ວ່າ ກະຊວງການຕ່າງປະເທດ ໄດ້ກຳນົດທິດນຳທີ່ວ່າ “ສ້າງການທູດເສດຖະກິດເພື່ອຮັບໃຊ້ການພັດທະນາ, ຖືປະຊາຊົນ, ທ້ອງຖິ່ນ ແລະ ວິສາຫະກິດເປັນໃຈກາງຮັບໃຊ້”.
ການເຄື່ອນໄຫວເຊື່ອມຕໍ່ລະຫວ່າງບັນດາທ້ອງຖິ່ນ ຫວຽດນາມ ກັບວິສາຫະກິດຕ່າງປະເທດ ໄດ້ກາຍເປັນເນື້ອໃນສຳຄັນໃນວຽກງານການທູດດ້ານເສດຖະກິດ ແລະ ນັບມື້ນັບໄດ້ຮັບການຍູ້ແຮງ, ປະກອບສ່ວນເປີດກວ້າງກາລະໂອກາດຮ່ວມມືໃໝ່.
ດ້ວຍເຄືອຂ່າຍ 94 ອົງການຜູ້ຕາງໜ້າຫວຽດນາມ ປະຈຳຕ່າງປະເທດ, ກະຊວງການຕ່າງປະເທດພ້ອມແລ້ວທີ່ຈະເປັນຂົວເຊື່ອມຕໍ່ນຳບັນດາຄູ່ຮ່ວມມືຕ່າງປະເທດຫຍັບເຂົ້າໃກ້ກັບ ຫວຽດນາມ ກ່ວາ ແລະ ນຳບັນດາວິສາຫະກິດ, ທ້ອງຖິ່ນ ຫວຽດນາມ ບືນຕົວຂຶ້ນອອກສູ່ພາກພື້ນ ແລະ ໂລກ, ປະກອບສ່ວນເຂົ້າໃນການວິວັດການສ້າງສາ ແລະ ພັດທະນາປະເທດຊາດ.
ຢູ່ວາລະ “ເຊື່ອມຕໍ່ເພື່ອການພັດທະນາ”, ບັນດານັກປະຖະກະຖາຈາກບາງອົງການການທູດຂອງຕ່າງປະເທດ ປະຈຳ ຫວຽດນາມ (ລາວ, ຍີ່ປຸ່ນ, ລັດເຊຍ, ຝລັ່ງ) ແລະ ສະຖານກົງສູນໃຫຍ່ ຫວຽດນາມ ປະຈຳນານນິງ, ຈີນ ໄດ້ແລກປ່ຽນກ່ຽວກັບການຜັນຂະຫຍາຍການຮ່ວມມືຂັ້ນທ້ອງຖິ່ນ ລະຫວ່າງ ຫວຽດນາມ ແລະ ປະເທດຄູ່ຮ່ວມມື.
ຜູ້ຕາງໜ້າບາງແຂວງ, ນະຄອນ (ຫ໋າຍຝ່ອງ, ບັກນິງ, ກ໋ວາງນິງ, ບັກຢາງ) ແບ່ງປັນຢູ່ການໂອ້ລົມສົນທະນາບັນດາບົດຮຽນ, ປະສົບການທີ່ຖອດຖອນມາຈາກການຜັນຂະຫຍາຍການຮ່ວມມືຢ່າງມີປະສິດທິຜົນ ກັບບັນດາປະເທດຄູ່ຮ່ວມມືຕ່າງປະເທດ.
ຢູ່ວາລະກອງປະຊຸມ “ການຮ່ວມມືລົງທຶນ ແລະ ການຄ້າ”, ບັນດານັກປະຖະກະຖາສາກົນໄດ້ຊີ້ໃຫ້ເຫັນບັນດາກາລະໂອກາດຮ່ວມມື, ຮ່ວມເດີນທາງພ້ອມກັບບັນດາທ້ອງຖິ່ນ ຫວຽດນາມ ຜ່ານຜ່າໂລກລະບາດໂຄວິດ - 19, ເປີດປະຕູຄືນໃໝ່, ຟື້ນຟູການຜະລິດ ແລະ ພັດທະນາເສດຖະກິດ.
ບຸນຄົງ
