ທ່ານ​ປະ​ທານ​ສະ​ພາ​ແຫ່ງ​ຊາດ​ຫວຽດ​ນາມ ເວືອງ​ດິ່ງ​ເຫ້ວ ​ຢ້ຽມ​ຢາມ ສ.ເກົາຫຼີ ແລະ ອິນ​ເດຍ
	ສະ​ພາ​ແຫ່ງ​ຊາດ​ສອງ​ປະ​ເທດ ຫວຽດ​ນາມ - ລາວ ສືບ​ຕໍ່​ສົມ​ທົບ​ກັນ​ຢ່າງ​ແໜ້ນ​ແຟ້ນ ແລະ ສະ​ໜັບ​ສະ​ໜູນ​ເຊິ່ງ​ກັນ​ແລະ​ກັນ ຢູ່​ເວ​ທີ​ສາ​ກົນ ແລະ ພາກ​ພື້ນ

ປະ​ທານ​ສະ​ພາ​ແຫ່ງ​ຊາດ ຫວຽດ​ນາມ ເວືອງ​ດິ່ງ​ເຫ້ວ ໄປ​ເຖິງ New Delhi ເລີ່ມ​ຕົ້ນ​ການ​ຢ້ຽມ​ຢາມ ອິນ​ເດຍ​ຢ່າງ​ເປັນ​ທາງ​ການ. ພາບ: TTXVN

ຕອນບ່າຍວັນທີ 15 ທັນວາ, ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫ້ວ ໄດ້ໄປຮອດສະໜາມບິນ ທະຫານ Palam, New Delhi ເລີ່ມຕົ້ນການຢ້ຽມຢາມ ອິນເດຍຢ່າງເປັນທາງການຕາມຄຳເຊື້ອເຊີນຂອງປະທານສະພາຕ່ຳ ແລະ ສະພາສູງອິນເດຍທ່ານOm Birla ແລະ ທ່ານ Venkaiah Naidu ໃນລະຫວ່າງວັນທີ 15 - 19 ທັນວາ.

ພາຍຫຼັງມາຮອດອິນເດຍ, ທ່ານປະທານສະພາແຫ່ງຊາດ ເວືອງດິ່ງເຫ້ວ ໄດ້ພົບປະກັບພະນັກງານ, ພາລະກອນສະຖານທູດ ແລະ ປະຊາຄົມຊາວຫວຽດນາມ ອາໄສຢູ່ ອິນເດຍ.

ຄາດວ່າ, ໃນການຢ້ຽມຢາມອິນເດຍຢ່າງເປັນທາງການນີ້, ທ່ານປະທານສະພາແຫ່ງຊາດ ເວືອງດິ່ງເຫ້ວ ຈະມີການພົບປະ ກັບທ່ານປະທານສະພາຕ່ຳອິນເດຍ, ທ່ານປະທານສະພາສູງ, ທ່ານຮອງປະທານາທິບໍດີ ອິນເດຍ ແລະ ທ່ານນາຍົກລັດຖະມົນຕີ ອິນເດຍ, ໃຫ້ການຕ້ອນຮັບທ່ານເລຂາທິການໃຫຍ່ພັກກອມມູນິດ ອິນເດຍ… ນອກຈາກນັ້ນຍັງມີບາງການເຄື່ອນໄຫວຂອງຜູ້ຕາງໜ້າລັດຖະບານ ແລະ ການນຳບັນດາກະຊວງ, ຂະແໜງການ, ທ້ອງຖິ່ນ.