| ໄທຂະຫຍາຍເວລາພັກເຊົາໃຫ້ຄົນງານຕ່າງດ້າວຈາກມຽນມາ, ລາວ, ກຳປູເຈຍ ແລະ ຫວຽດນາມ | |
| ຄະນະກຳມະການຄຸ້ມຄອງແຫ່ງຊາດມຽນມາ ປັບປຸງຄະນະລັດຖະບານ |
ທ່ານ Thet Win ໃຫ້ຮູ້ວ່າ: ໃນຊຸມປີມໍ່ໆມານີ້, ຜະລິດຕະພັນຂອງຫວຽດນາມ ໄດ້ຮັບຄວາມນິຍົມຊົມຊອບຈາກຕະຫຼາດມຽນມານັບມື້ນັບຫຼາຍຂຶ້ນ. ສິ່ງດັ່ງກ່າວສະແດງໃຫ້ເຫັນວ່າ, ວິສາຫະກິດຫວຽດນາມ ແລະ ມຽນມາ ມີຄວາມສາມາດຮ່ວມມືຫລາຍຢ່າງ. ສະນັ້ນ, ໃນຄະນະເຮັດວຽກຂອງສະມາຄົມມິດຕະພາບມຽນມາ - ຫວຽດນາມ ໄດ້ມີຜູ້ຕາງໜ້າວິສາຫະກິດຫຼາຍດ້ານຄື: ການຢາ, ຜະລິດຕະພັນກະເສດ, ກາເຟ, ການທ່ອງທ່ຽວ, ພະລັງງານ, ພື້ນຖານໂຄງລ່າງ, ບຳລຸງສ້າງບຸກຄະລາກອນ... ບັນດາວິສາຫະກິດ ມຽນມາ ປາດຖະໜາຢາກເຊື່ອມໂຍງ,. ຮຽນຮູ້ຈາກປະສົບການ, ຮ່ວມມືກັບບັນດາຄູ່ຮ່ວມມືຫວຽດນາມ.
ຕາມທ່ານ Thet Win ແລ້ວ, ຫວຽດນາມ ແມ່ນຄູ່ຮ່ວມມືສຳຄັນຂອງມຽນມາ. ຜ່ານຜ່າຄວາມຫຍຸ້ງຍາກພາຍໃນປະເທດ, ປີ 2024, ສະມາຄົມມິດຕະພາບມຽນມາ - ຫວຽດນາມ ສືບຕໍ່ຊຸກຍູ້ການຮ່ວມມືກັບບັນດາຄູ່ຮ່ວມມືຫວຽດນາມ.
ທ່ານ ຟານແອງເຊີນ, ປະທານສະຫະພັນບັນດາອົງການມິດຕະພາບຫວຽດນາມ ໃຫ້ຮູ້ວ່າ: ຫວຽດນາມ ແລະ ມຽນມາ ມີຄວາມສາມາດບົ່ມຊ້ອນຮ່ວມມືໃນຫຼາຍຂົງເຂດ. ໃນຫຼາຍປີຜ່ານມາ, ຫວຽດນາມ ໄດ້ສືບຕໍ່ເພີ່ມທະວີການພົວພັນມິດຕະພາບ ແລະ ການຮ່ວມມືກັບມຽນມາ, ໃນຂະນະທີ່ເຄົາລົບຫຼັກການບໍ່ແຊກແຊງເຂົ້າວຽກງານພາຍໃນຂອງກັນແລະກັນ. ປະຈຸບັນ, ມີວິສາຫະກິດໃຫຍ່ຂອງຫວຽດນາມ ໄປລົງທຶນ ແລະ ດຳເນີນທຸລະກິດຢູ່ ມຽນມາ ເຊັ່ນ: ກຸ່ມບໍລິສັດໄປສະນີ ໂທລະຄົມມະນາຄົມ ຫວຽດນາມ (VNPT), ກຸ່ມບໍລິສັດອຸດສາຫະກຳ ແລະ ໂທລະຄົມທະຫານ (Viettel), ກຸ່ມບໍລິສັດຫຸ້ນສ່ວນ ເຈືອງຫາຍ (Thaco)…
 |
ທ່ານ ຟານແອງເຊີນ, ປະທານສະຫະພັນບັນດາອົງການມິດຕະພາບຫວຽດນາມ (ຂວາ) ໄດ້ມີການເຮັດວຽກກັບທ່ານ Thet Win, ປະທານສະມາຄົມມິດຕະພາບມຽນມາ - ຫວຽດນາມ. |
ທ່ານ ຟານແອງເຊີນ ປາດຖະໜາຢາກຊຸກຍູ້ການເຄື່ອນໄຫວແລກປ່ຽນຄະນະຜູ້ແທນລະຫວ່າງສອງປະເທດ. ສະຫະພັນບັນດາອົງການມິດຕະພາບຫວຽດນາມ - ມຽນມາ ສືບຕໍ່ຮັກສາການຮ່ວມມື, ພ້ອມແລ້ວທີ່ຈະເປັນຂົວຕໍ່ໜູນຊ່ວຍສະມາຄົມມິດຕະພາບ ມຽນມາ - ຫວຽດນາມ ໃນການຈັດຕັ້ງບັນດາຄະນະເຮັດວຽກ ແລະ ເຊື່ອມໂຍງເຂົ້າກັບບັນດາຄູ່ຮ່ວມມື ຫວຽດນາມ.
ຕອນບ່າຍວັນດຽວກັນ, ສະມາຄົມມິດຕະພາບຫວຽດນາມ - ມຽນມາ ແລະ ສະມາຄົມມິດຕະພາບມຽນມາ - ຫວຽດນາມ ໄດ້ດຳເນີນການເຈລະຈາ ແລະ ເປັນສັກຂີພິຍານພິທີລົງນາມໃນບົດບັນທຶກຊ່ວຍຈຳການຮ່ວມມືລະຫວ່າງວິສາຫະກິດຂອງສອງປະເທດ.
ກ່າວຄຳເຫັນທີ່ກອງປະຊຸມ, ທ່ານ ຈູໂກງຟູ້ງ, ປະທານສະມາຄົມມິດຕະພາບຫວຽດນາມ - ມຽນມາ ຖືວ່າ: ນັບແຕ່ໂລກລະບາດໂຄວິດ-19, ການຮ່ວມມືດ້ານເສດຖະກິດ ຫວຽດນາມ - ມຽນມາ ສືບຕໍ່ພັດທະນາ. ໄລ່ຮອດທ້າຍປີ 2023, ການລົງທຶນໂດຍກົງຂອງຫວຽດນາມ ຢູ່ ມຽນມາ ບັນລຸ 2,247 ຕື້ USD, ດ້ວຍ 34 ໂຄງການ. ຫວຽດນາມແມ່ນນັກລົງທຶນໃຫຍ່ອັນດັບ 7 ຂອງມຽນມາ. ວົງເງິນການຄ້າສອງຝ່າຍໃນປີ 2023 ຈະບັນລຸ 688 ລ້ານ USD. ຫວຽດນາມ ຢືນອັນດັບທີ 5 ໃນບັນດາປະເທດ ອາຊຽນ ກ່ຽວກັບການພົວພັນການຄ້າກັບ ມຽນມາ.
ທ່ານປະທານສະມາຄົມມິດຕະພາບ ຫວຽດນາມ - ມຽນມາ ປາດຖະໜາວ່າ ການບິນລະຫວ່າງ ຫວຽດນາມ - ມຽນມາ ຈະເລີ່ມດຳເນີນໂດຍໄວ, ສ້າງຄວາມສະດວກໃຫ້ແກ່ການຮ່ວມມືດ້ານການທ່ອງທ່ຽວ ແລະ ການຄ້າ. ທ່ານ Chu Cong Phung ປາດຖະໜາວ່າ ບັນດາວິສາຫະກິດ ຫວຽດນາມ ສືບຕໍ່ດຳເນີນບັນດາການເຄື່ອນໄຫວດ້ານການຄ້າ ແລະ ການລົງທຶນຢູ່ ມຽນມາ; ພ້ອມກັນນັ້ນ, ຍິນດີຕ້ອນຮັບຄະນະຜູ້ແທນວິສາຫະກິດມຽນມາມາຢ້ຽມຢາມ ແລະ ຮ່ວມມືກັບຫວຽດນາມ ນັບມື້ນັບຫຼາຍຂຶ້ນ.
 |
ພິທີລົງນາມບົດບັນທຶກຊ່ວຍຈຳລະຫວ່າງບໍລິສັດຫຸ້ນສ່ວນການຢານ້ຳຮ່າ ແລະ ບໍລິສັດ FAME ອຸດສາຫະກຳການຢາ ຈຳກັດ. |
ຕາມທ່ານ Thet Win, ປະທານສະມາຄົມມິດຕະພາບມຽນມາ - ຫວຽດນາມ ແລ້ວ, ການຮ່ວມມືດ້ານການຄ້າ ແລະ ການລົງທຶນລະຫວ່າງວິສາຫະກິດ ໄດ້ປະກອບສ່ວນສຳຄັນເຂົ້າໃນການພົວພັນມິດຕະພາບທີ່ເປັນມູນເຊື້ອລະຫວ່າງ 2 ປະເທດ. ຫວຽດນາມ ແມ່ນໜຶ່ງໃນບັນດາປະເທດພັດທະນາຢ່າງຕັ້ງໜ້າຢູ່ອາຊີຕາເວັນອອກສ່ຽງໃຕ້. ສະນັ້ນ, ວິສາຫະກິດມຽນມາຢາກຮ່ຳຮຽນຈາກປະສົບການ ແລະ ຮ່ວມມືກັບບັນດາຄູ່ຮ່ວມມືຫວຽດນາມ.
ທີ່ເຫດການ, ບັນດາວິສາຫະກິດ ຫວຽດນາມ ແລະ ມຽນມາ ໄດ້ພົບປະ, ເຊື່ອມໂຍງ, ແລກປ່ຽນຄວາມຮຽກຮ້ອງຕ້ອງການ ແລະ ຄວາມມຸ່ງມາດປາດຖະໜາໃນການຮ່ວມມື.
ຄຳຮຸ່ງ
