| ຮັບເອົາບັນດາຜູ້ເຄາະຮ້າຍການຄ້າມະນຸດ ຈາກມຽນມາກັບຄືນປະເທດຫວຽດນາມ | |
| ຫວຽດນາມ ໄດ້ພາພົນລະເມືອງ 136.000 ຄົນກັບຄືນປະເທດ |
ນີ້ແມ່ນຄຳສະເໜີຂອງ ທ່ານຮອງນາຍົກລັດຖະມົນຕີ ຫວູດຶກດາມ, ຮອງຫົວໜ້າຄະນະຊີ້ນຳແຫ່ງຊາດ ກ່ຽວກັບການປ້ອງກັນ ແລະ ຄວບຄຸມພະຍາດໂຄວິດ-19 ທີ່ການພົບປະກັບກະຊວງສາທາລະນະສຸກ ແລະ ບັນດາກະຊວງ, ອົງການທີ່ກ່ຽວຂ້ອງ ກ່ຽວກັບບັນຫາຊາວຫວຽດນາມ ອາໄສຢູ່ຕ່າງປະເທດ, ຄົນຕ່າງປະເທດ ເຂົ້າເມືອງຫວຽດນາມ ທີ່ໄດ້ດຳເນີນໃນຕອນບ່າຍວັນທີ 8 ທັນວາ.
 |
| ແກ້ໄຂຄວາມຕ້ອງການກັບຄືນປະເທດຂອງປະຊາຊົນໂດຍໄວ ແລະ ສະດວກທີ່ສຸດ. (ພາບ: vietnamplus) |
ຜ່ານຄຳເຫັນຂອງບັນດາກະຊວງ, ຂະແໜງການ, ທ່ານຮອງນາຍົກລັດຖະມົນຕີ ຫວູດຶກດາມ ເນັ້ນໜັກວ່າ: ນອກຈາກຄວາມຕ້ອງການຕ້ອນຮັບນັກຊ່ຽວຊານ, ວິສະວະກອນ, ແຮງງານດ້ານເຕັກໂນໂລຊີສູງ, ນັກທ່ອງທ່ຽວສາກົນ ເພື່ອຮັບໃຊ້ການພັດທະນາເສດຖະກິດ - ສັງຄົມແລ້ວ, ບັນດາກະຊວງ, ຂະແໜງການ ກໍ່ຕ້ອງເອົາໃຈໃສ່ເປັນພິເສດເຖິງຄວາມຕ້ອງການກັບຄືນເມືອປະເທດຂອງພົນລະເມືອງ ຫວຽດນາມ ທີ່ໄປເຮັດວຽກ, ຮ່ຳຮຽນ, ໄປຢາມຍາດຕິພີ່ນ້ອງ ທີ່ຕິດຄ້າງຢູ່ຕ່າງປະເທດຍ້ອນພະຍາດລະບາດ, ກໍ່ຄືຍາດຕິພີ່ນ້ອງຊາວຫວຽດນາມ ທີ່ອາໄສຢູ່ຕ່າງປະເທດ ພ້ອມກັບຍາດຕິພີ່ນ້ອງ ໄດ້ຮັບນະໂຍບາຍຕ່າງໆຄືກັບຊາວຫວຽດນາມ ຕາມລະບຽບການ.
ທ່ານຮອງນາຍົກລັດຖະມົນຕີ ສະເໜີໃຫ້ກະຊວງສາທາລະນະສຸກ ປະກາດການແນະນຳໃໝ່ກ່ຽວກັບການແຍກປ່ຽວ ແລະ ຕິດຕາມກວດກາສຸຂະພາບສຳລັບຄົນເຂົ້າເມືອງຫວຽດນາມ ກ່ອນວັນທີ 15 ທັນວາ, ບົນຈິດໃຈ ຄືກັນກັບປະຊາຊົນຈາກເຂດແຜ່ລະບາດໄປຍັງເຂດອື່ນພາຍໃນປະເທດ.
ຄຳຮຸ່ງ
