| ການແລກປ່ຽນປະສົບການກ່ຽວກັບຫຼັກຖານທີ່ເປັນຂໍ້ມູນເອເລັກໂຕຣນິກໃນຄະດີການຄ້າມະນຸດ | |
| ລະວັງກັບການສະເໜີທີ່ເຄືຍຂ່າຍອິນເຕີແນດວ່າ “ວຽກງານຢ່າງເບົາບາງ ແຕ່ມີລາຍໄດ້ສູງ” ໃນກຳປູເຈຍ |
ກ່ອນໜ້ານັ້ນ, ບັນດາຜູ້ປະສົບເຄາະຮ້າຍນີ້ ໄດ້ຮັບການຊ່ວຍເຫຼືອຈາກອົງການເດັກ Blue Dragon, ສະຖານທູດຫວຽດນາມ ປະຈຳ ມຽນມາ ແລະ ບັນດາອົງການສາກົນຢູ່ປະເທດມຽນມາ, ໄດ້ນຳກັບຄືນຫວຽດນາມ ແລະ ໄດ້ສິ້ນສຸດໄລຍະແຍກປ່ຽວທາງການແພດ ຕາມລະບຽບການ.
ໂດຍປະເຊີນໜ້າກັບສະພາບການຄ້າມະນຸດ ທີ່ນັບມື້ນັບສັບສົນ, ພັກ, ລັດ, ລັດຖະບານ, ສະພາແຫ່ງຊາດ ແລະ ບັນດາກະຊວງ, ຂະແໜງການ ຍາມໃດກໍ່ຖືການປ້ອງກັນ ແລະ ຕ້ານການຄ້າມະນຸດເປັນໜ້າທີ່ສຳຄັນ, ປະກາດໃຊ້ເອກະສານນິຕິກຳຫຼາຍສະບັບ ເພື່ອກຳນົດ ແລະ ປະຕິບັດຫຼາຍວິທີແກ້ໄຂ ເພື່ອສະກັດກັ້ນບັນດາອາດຊະຍາກຳປະເພດນີ້. ພ້ອມກັນນັ້ນ, ກໍ່ເອົາໃຈໃສ່ ແລະ ຊີ້ນຳຢ່າງຕິດແທດກ່ຽວກັບວຽກງານໜູນຊ່ວຍຜູ້ຖືກເຄາະຮ້າຍຈາກການຄ້າມະນຸດໃຫ້ກັບຄືນປະເທດ.
 |
| ຮັບເອົາບັນດາຜູ້ເຄາະຮ້າຍການຄ້າມະນຸດ ຈາກມຽນມາກັບຄືນປະເທດຫວຽດນາມ. ພາບ: Molisa.gov.vn |
ກ່າວຄຳເຫັນທີ່ພິທີ, ທ່ານພັນເອກ (ສາມດາວ) ບຸ່ຍຈີ໋ເຟືອງ, ຮອງຫົວໜ້າກົມອາຊີຕາເວັນອອກສ່ຽງໃຕ້, ກົມພົວພັນຕ່າງປະເທດ (ກະຊວງຕຳຫຼວດ) ໃຫ້ຮູ້ວ່າ: ໃນຊຸມປີມໍ່ໆມານີ້, ແຕ່ລະປີ, ບັນດາກຳລັງປະຕິບັດໜ້າທີ່ໄດ້ກວດພົບ, ຈັບຕົວ ສະເລ່ຍ 260 ຄະດີ, 340 ເປົ້າໝາຍທີ່ກ່ຽວຂ້ອງເຖິງອາດຊະຍາກຳຄ້າມະນຸດ, ຈຳນວນຜູ້ຖືກເຄາະຮ້າຍຖືກຕົວະຍົວະມີເກືອບ 500 ຄົນ, ຕົ້ນຕໍແມ່ນແມ່ຍິງ ແລະ ເດັກນ້ອຍຢູ່ເຂດຊົນນະບົດຫ່າງໄກຈາກສູນກາງ, ລະດັບການສຶກສາຍັງຕ່ຳ.
ເພື່ອໃຫ້ວຽກງານກວດສອບ, ກຳນົດ ແລະ ກູ້ຊ່ວຍຜູ້ປະສົບເຄາະຮ້າຍ ບັນລຸປະສິດທິຜົນ, ການປະສານງານລະຫວ່າງຂະແໜງການຢູ່ພາຍໃນ ແລະ ຕ່າງປະເທດມີບົດບາດສຳຄັນທີ່ສຸດ. ກະຊວງຕໍາຫລວດ ໄດ້ສົມທົບກັນຢ່າງຕັ້ງໜ້າ ແລະ ຕອບສະໜອງຢ່າງທັນການຕາມຄວາມຮຽກຮ້ອງຕ້ອງການອັນຮີບດ່ວນ ເພື່ອສົມທົບກັນແກ້ໄຂບັນດາກໍລະນີທີ່ກ່ຽວຂ້ອງເຖິງການສະກັດກັ້ນ ແລະ ຕ້ານອາດຊະຍາກຳການຄ້າມະນຸດ, ພ້ອມທັງໜູນຊ່ວຍຜູ້ຖືກເຄາະຮ້າຍຈາກການຄ້າມະນຸດ ແລະ ປະກອບສ່ວນສຳຄັນຫຼາຍຢ່າງໃນການແລກປ່ຽນປະສົບການ, ແລກປ່ຽນຂໍ້ມູນລະຫວ່າງບັນດາຝ່າຍທີ່ກ່ຽວຂ້ອງ, ອົງການສາກົນ ແລະ ອົງການບໍ່ຂຶ້ນກັບລັດຖະບານ, ການປະສານງານການສົ່ງຕໍ່, ຂໍ້ມູນຂ່າວສານ ໄດ້ຮັບການແບ່ງປັນຢ່າງຄົບຖ້ວນ ເພື່ອມີພື້ນຖານໃນການຊອກຫາວິທີແກ້ໄຂເພື່ອຮັບປະກັນຜົນປະໂຫຍດອັນດີທີ່ສຸດໃຫ້ແກ່ຜູ້ເຄາະຮ້າຍ.
ເພື່ອຍົກສູງປະສິດທິຜົນການປ້ອງກັນ ແລະ ຕ້ານອາດຊະຍາກຳການຄ້າມະນຸດ ແລະ ໜູນຊ່ວຍຜູ້ປະສົບເຄາະຮ້າຍ, ໃນໄລຍະຈະມາເຖິງ, ອຳນາດການປົກຄອງສູນກາງ, ບັນດາແຂວງ, ນະຄອນ ຕ້ອງສືບຕໍ່ຕັ້ງໜ້າຜ່ານຜ່າຄວາມຫຍຸ້ງຍາກ, ລົບລ້າງສິ່ງກີດຂວາງດ້ວຍວິທີແກ້ໄຂທີ່ມີໄຫວພິບ, ສືບທອດ, ເສີມຂະຫຍາຍບັນດາໝາກຜົນທີ່ບັນລຸໄດ້, ພ້ອມກັນນັ້ນ, ກໍ່ສ້າງເງື່ອນໄຂສະດວກໃຫ້ແກ່ການປະສານງານໃນການກວດສອບ, ກູ້ຊ່ວຍ ແລະ ສົ່ງຄືນຜູ້ປະສົບເຄາະຮ້າຍຈາກປະເພດອາດຊະຍາກຳນີ້ກັບເມືອບ້ານເກີດເມືອງນອນ.
ທີ່ພິທີ, ທ່ານນາງ ຫງວຽນທິມາຍແອງ, ຮອງຫົວໜ້າພະແນກໜູນຊ່ວຍຜູ້ປະສົບເຄາະຮ້າຍ ແລະ ເຜີຍແຜ່, ກົມປ້ອງກັນ ແລະ ຕ້ານໄພທາງສັງຄົມ ໄດ້ສະແດງຄວາມຂອບໃຈສະຖານທູດຫວຽດນາມ ປະຈຳ ມຽນມາ, ອົງການເດັກ Blue Dragon ແລະ ບັນດາກະຊວງ, ຂະແໜງການທີ່ໄດ້ສົມທົບກັນ ແລະ ແກ້ໄຂຄະດີທີ່ກ່ຽວຂ້ອງເຖິງການຄ້າມະນຸດ ແລະ ໜູນຊ່ວຍໃຫ້ຜູ້ຖືກເຄາະຮ້າຍຈາກການຄ້າມະນຸດໃຫ້ກັບຄືນມາຢ່າງປອດໄພ. ເມື່ອຜູ້ຖືກເຄາະຮ້າຍກັບຄືນສູ່ຄອບຄົວຂອງເຂົາເຈົ້າ, ເຂົາເຈົ້າກໍ່ມີຊີວິດໝັ້ນຄົງ, ກາຍເປັນນັກໂຄສະນາເຜີຍແຜ່ຢ່າງຫ້າວຫັນເພື່ອຄອບຄົວ, ໝູ່ເພື່ອນ ແລະ ຊຸມຊົນ, ບໍ່ເຊື່ອຄຳຕົວະຍົວະລໍ້ລວງຂອງພວກຄົນບໍ່ດີ, ບໍ່ຕົກແຮ້ວອາດຊະຍາກຳຄ້າມະນຸດ ແລະ ຖືກຄ້າມະນຸດຄືນອີກ.
ພາຍຫຼັງພິທີມອບ-ຮັບ, ບັນດາທ້ອງຖິ່ນ ແລະ ອົງການເດັກ Blue Dragon ກໍ່ໄດ້ສືບຕໍ່ຈັດພາຫະນະ, ໜູນຊ່ວຍເພື່ອນຳຜູ້ປະສົບໄພກັບຄືນສູ່ທ້ອງຖິ່ນຂອງຕົນ.
ຄຳຮຸ່ງ
