| ນັກທ່ອງທ່ຽວກວ່າ 20.000 ຄົນໄດ້ສຳຜັດກັບລະດູດອກຕາເວັນປ່າຢູ່ ບາວີ | |
| ທ່ອງທ່ຽວໄຕ້ຫວັນ ຜ່ານແວ່ນຕາ VR |
 |
| ພາບປະກອບ: vov.vn |
ການປະກວດໂດຍສະຖານີວິທະຍຸກະຈາຍສຽງ, ໂທລະພາບຫ໋າຍຝ່ອງ ສົມທົບກັບພະແນກທ່ອງທ່ຽວແຂວງ ຫ໋າຍຝ່ອງ, ຄະນະກຳມະການປະຊາຊົນເມືອງ ກາດຫ໋າຍ, ນະຄອນຫ໋າຍຝ່ອງ ຈັດຂຶ້ນ.
ຜົນງານເຂົ້າຮ່ວມການປະກວດ ແມ່ນພາຍໃຕ້ຮູບແບບພາບຖ່າຍ ແລະ ວີດີໂອກ່ຽວກັບຄວາມງາມຂອງທຳມະຊາດ, ການດຳລົງຊີວິດ, ຊາວກາດບາ, ຫຼືການລົງພຶດຕິກຳຕົວຈິງ, ການຄົ້ນຫາການທ່ອງທ່ຽວ, ການດຳລົງຊີວິດ, ບັນດາຈຸດວັດທະນະທຳທີ່ພົ້ນເດັ່ນ, ວິວັດການປ່ຽນແປງໃໝ່ - ພັດທະນາຂອງ ກາດບ່າ.
ໄລຍະຈົດທະບຽນ, ສົ່ງບົດເຂົ້າຮ່ວມການປະກວດ ເລີ່ມແຕ່ວັນທີ 1 ທັນວາ 2021 – 28 ກຸມພາ ປີ 2022.
ຜ່ານ link https://forms.gle/xQNC4jdMgH5eJTXw8
ເປົ້າໝາຍເຂົ້າຮ່ວມການປະກວດລວມມີ ພົນລະເມືອງຫວຽດນາມທຸກຄົນ ທັງຢູ່ພາຍໃນ ແລະ ຕ່າງປະເທດ, ຊາວຕ່າງປະເທດທີ່ພວມເຮັດວຽກ, ດຳລົງຊີວິດຢູ່ ຫວຽດນາມ. ບໍ່ຈຳກັດອາຍຸ. ດ້ວຍກໍລະນີຜູ້ເຂົ້າຮ່ວມທີ່ມີອາຍຸຕ່ຳກ່ວາ 18 ປີ, ຕ້ອງມີຜູ້ປົກຄອງທີ່ຖືກຕ້ອງຕາມຂໍ້ກຳນົດຂອງກົດໝາຍ. ຜູ້ເຂົ້າຮ່ວມການປະກວດສາມາດຈົດທະບຽນເຂົ້າຮ່ວມການປະກວດດ້ວຍຖານະສ່ວນບຸກຄົນ ຫຼື ເປັນກຸ່ມ (ບໍ່ຈຳກັດຈຳນວນສະມາຊິກໃນກຸ່ມ). ຜູ້ເຂົ້າຮ່ວມການປະກວດແຕ່ລະຄົນ (ແຕ່ລະກຸ່ມ) ສາມາດສົ່ງຫຼາຍຜົນງານເຂົ້າຮ່ວມການປະກວດ.
ນອກຈາກລາງວັນຫຼັກ, ບັນດາບົດເຂົ້າຮ່ວມການປະກວດກໍ່ຈະໄດ້ຄິດໄລ່ຕາມໝາກຜົນຂອງການມີສ່ວນຮ່ວມໃນສື່ສັງຄົມອອນລາຍ (ຄິດໄລ່ຈຳນວນ Likes, Shares ໃນສື່ສັງຄົມອອນລາຍ Facebook ຂອງສະຖານີວິທະຍຸກະຈາຍສຽງ, ໂທລະພາບຫ໋າຍຝ່ອງ) ເພື່ອເປັນພື້ນຖານມອບຂອບຂວັນໃຫ້ແກ່ “ລາງວັນໂດຍຜູ້ຊົມຄັດເລືອກ”. ລາງວັນທີໜຶ່ງ ປະເພດຮູບພາບແມ່ນ 15 ລ້ານດົ່ງ, ລາງວັນທີໜຶ່ງ ປະເພດວີດີໂອ ແມ່ນ 20 ລ້ານດົ່ງ ພ້ອມກັບບັນດາລາງວັນອື່ນໆນຳອີກ. ທຸກຄຳເຫັນ, ຄຳຖາມທີ່ກ່ຽວຂ້ອງການປະກວດ ກໍ່ສາມາດສົ່ງມາຍັງຄະນະຄຸ້ມຄອງ Fanpage Facebook ສະຖານີໂທລະພາບ ຫ໋າຍຝ່ອງ ຫຼື e-mail: cuocthivecatba@gmail.com.
ບຸນຄົງ
