| ບິ່ງລຽວໃນລະດູໜາວ - ສະຖານທີ່ນັດພົບທີ່ປະທັບໃຈຂອງນັກທ່ອງທ່ຽວ | |
| ຝຸກວັກ ຕ້ອນຮັບຄະນະແຂກທ່ອງທ່ຽວທຳອິດມາ ຫວຽດນາມ ດ້ວຍໜັງສືຜ່ານແດນວັກຊິນ |
 |
| ທ່ອງທ່ຽວໄຕ້ຫວັນ ຜ່ານແວ່ນຕາ VR (ພາບ: TTXVN) |
ນີ້ແມ່ນໂຄງການສົ່ງເສີມການທ່ອງທ່ຽວ ໄຕ້ຫວັນ ທີ່ໄດ້ຮັບການຜັນຂະຫຍາຍຢູ່ຫຼາຍປະເທດ ເຊິ່ງພວມຟື້ນຟູເສດຖະກິດ, ການທ່ອງທ່ຽວພາຍຫຼັງໂລກລະບາດໂຄວິດ - 19, ໃນນັ້ນ ມີຫວຽດນາມ.
ຊາວຫວຽດນາມ ອາດຈະທັງຖີບລົດຖີບ ທັງອອກກຳລັງກາຍ ຢູ່ສູນ California Fitness & Yoga, ທັງນຳໃຊ້ແວ່ນຕາ VR ເພື່ອຮັບຊົມບັນດາສະຖານທີ່ຢູ່ ໄຕ້ຫວັນ ທີ່ເຕັມໄປດ້ວຍຄວາມສວຍງາມທີ່ບໍ່ຄາດຄິດກ່ຽວກັບທິວທັດທຳມະຊາດ, ມະນຸດ, ວັດທະນະທຳ… ຜ່ານການນຳໃຊ້ແວ່ນຕາ VR.
ຫຼັງຈາກນັ້ນ, ແຂກທ່ອງທ່ຽວຈະໄດ້ສຳຜັດກັບການທ່ອງທ່ຽວລົງພຶດຕິກຳຕົວຈິງດ້ວຍວິທີທີ່ແຕກຕ່າງກັນຫຼາຍກວ່າເມື່ອມາ ໄຕ້ຫວັນ ແລະ ທ່ອງທ່ຽວດ້ວຍລົດຖີບພາຍຫຼັງຄວບຄຸມໂລກລະບາດໂຄວິດ - 19 ໄດ້, ກໍ່ຄືຫຼາຍສະຖານທີ່ໃນທົ່ວໂລກໄດ້ຮັບການເປີດປະຕູການຕະຫຼາດທ່ອງທ່ຽວໃນໄລຍະຈະມາເຖິງ.
ເມື່ອຕີລາຄາກ່ຽວກັບໂຄງການ “360 VR Experience Taiwan in One Day”, Travel blogger ຟ້ານເທ້ແອັງ ໃຫ້ຮູ້ວ່າ ໂຄງການແນະນຳກ່ຽວກັບໄຕ້ຫວັນດ້ວຍບັນດາສະຖານທີ່ນັດພົບທີ່ຍອດຢ້ຽມໃຫ້ແກ່ຜູ້ທີ່ມີຄວາມນິຍົມຊົມຊອບການເຄື່ອນໄຫວທ່ອງທ່ຽວຢູ່ນອກເຮືອນ, ຄົ້ນຫາທຳມະຊາດ…
ທ່ານ Derek Chou ຫົວໜ້າຜູ້ຕາງໜ້າກົມທ່ອງທ່ຽວໄຕ້ຫວັນ ປະຈຳ ນະຄອນໂຮ່ຈີມິນ ໃຫ້ຮູ້ວ່າ ໄຕ້ຫວັນພວມມານະພະຍາຍາມຢ່າງບໍ່ຢຸດຢັ້ງເພື່ອຍູ້ແຮງຄວາມຄືບໜ້າໃນການສັກວັກຊິນກັນໂຄວິດ - 19 ແລະ ມຸ່ງໄປເຖິງການເລີ່ມຕົ້ນຂະແໜງການທ່ອງທ່ຽວ, ສົ່ງເສີມການຕະຫຼາດທ່ອງທ່ຽວສາກົນ. ປັດຈຸບັນ, ໄຕ້ຫວັນ ພວມຄ່ອຍໆປະຕິບັດນະໂຍບາຍພັດທະນາການທ່ອງທ່ຽວເປັນຫຼາຍຮູບແບບ, ໃນນັ້ນອາດຈະນັບເຖິງຍຸດທະສາດການທ່ອງທ່ຽວ ແລະ ລົງພຶດຕິກຳຕົວຈິງດ້ວຍລົດຖີບ, ຄົມມະນາຄົມທີ່ສະດວກ, ຫັນການປະຕິບັດລະບຽບການເຂົ້າອອກເມືອງເປັນງ່າຍດາຍ…
ໄປຄຽງຄູ່ກັນນັ້ນ, ບັນດາ tour ທຳມະຊາດຊີວະພາບ ແລະ ຄອບວົງຈອນແມ່ນໜຶ່ງໃນບັນດາຜະລິດຕະພັນການທ່ອງທ່ຽວເຊິ່ງໄຕ້ຫວັນບຸລິມະສິດໃຫ້ແກ່ກຸ່ມແຂກທ່ອງທ່ຽວນ້ອຍ ແລະ ສ່ວນບຸກຄົນ. ເພາະສະນັ້ນ, ໂຄງການ ໄດ້ຮັບການຄວາມຫວັງວ່າປະກອບສ່ວນແນະນຳສະຖານທີ່ທ່ອງທ່ຽວໄຕ້ຫວັນ ໃຫ້ກັບຊາວຫວຽດນາມ, ເປັນຕົ້ນແມ່ນຜູ້ນິຍົມຊົມຊອບກິລາ, ຊົມຊອບລົງພຶດຕິກຳຕົວຈິງ…
ບຸນຄົງ
