 |
| ທ່ານ ໂດຮຸ່ງວຽດ ຫົວໜ້າກົມອົງການຈັດຕັ້ງສາກົນ ກ່າວຄຳເຫັນທີ່ກອງປະຊຸມ (ພາບ: qdnd.vn) |
ກ່າວຄຳເຫັນໄຂກອງປະຊຸມ, ທ່ານ ໂດຮຸ່ງວຽດ ຫົວໜ້າກົມອົງການຈັດຕັ້ງສາກົນ, ຜູ້ຊ່ວຍວຽກລັດຖະມົນຕີກະຊວງການຕ່າງປະເທດ ຫວຽດນາມ ຢັ້ງຢືນວ່າ ຫວຽດນາມ ຖືເປັນສຳຄັນການຮັບປະກັນຄວາມສະເໝີພາບ ລະຫວ່າງ ຍິງຊາຍ ແລະ ຄວາມກ້າວໜ້າຂອງ ແມ່ຍິງ ໃນທຸກດ້ານຂອງການດຳລົງຊີວິດສັງຄົມ. ຫວຽດນາມ ມີຄວາມສະຕິຢ່າງເລິກເຊິ່ງກ່ຽວກັບບົດບາດ ແລະ ການປະກອບສ່ວນຂອງແມ່ຍິງໃນທຸກໄລຍະທາງຂອງວິວັດການສ້າງສາ ແລະ ປັບປຸງສັນຕິພາບ.
ຕາມທ່ານ ໂດຮຸ່ງວຽດ ແລ້ວ, ແມ່ຍິງ ຫວຽດນາມ ໄດ້ມີໜ້າໃນສະໜາມຮົບຈົນຮອດໂຕະເຈລະຈາສົນທິສັນຍາສັນຕິພາບ, ນັບແຕ່ກຳລັງກວດທຳລາຍລູກລະເບີດ, ໜູນຊ່ວຍຜູ້ປະສົບເຄາະຮ້າຍຈາກສົງຄາມ, ການສ້າງຄວາມເຫັນດີເຫັນພ້ອມສັງຄົມ ແລະ ໃນການອອກແຮງງານ, ທຳການຜະລິດເພື່ອແນໃສ່ສ້າງຄືນ ແລະ ສ້າງສາປະເທດຊາດ.
ແມ່ຍິງ ຫວຽດນາມ ກໍ່ໄດ້ນຳທຸງຊາດ ຫວຽດນາມ ມາຍັງບັນດາເຂດດິນແດນທີ່ຫ່າງໄກ ເພື່ອເຂົ້າຮ່ວມບັນດາການເຄື່ອນໄຫວຮັກສາສັນຕິພາບຂອງ ສປຊ ຢູ່ສາທາລະນະລັດ ອາຟຼິກາກາງ ແລະ ຊຸດັງໃຕ້.
ຫວຽດນາມ ຍາມໃດກໍ່ຕັ້ງໜ້າສະໜັບສະໜູນ ແລະ ຊຸກຍູ້ບັນຫາແມ່ຍິງ, ສັນຕິພາບ ແລະ ຄວາມໝັ້ນຄົງ. ໃນອາຍຸການເປັນກຳມະການບໍ່ຖາວອນຂອງສະພາຄວາມໝັ້ນຄົງ ສປຊ ( ປີ 2008 - 2009), ຫວຽດນາມ ໄດ້ສະເໜີ ແລະ ຊຸກຍູ້ການຮັບຮອງເອົາມະຕິເລກທີ 1889 ຂອງສະພາຄວາມໝັ້ນຄົງ ສປຊ ກ່ຽວກັບແມ່ຍິງໃນໄລຍະ ຫຼັງການປະທະກັນ. ໃນຂອບເຂດອາຊຽນ, ຫວຽດນາມ ຕັ້ງໜ້າປະກອບສ່ວນສ້າງຂອບເຂດນະໂຍບາຍຂອງພາກພື້ນ ກ່ຽວກັບແມ່ຍິງ, ສັນຕິພາບ ແລະ ຄວາມໝັ້ນຄົງ ແລະ ການເຂົ້າຮ່ວມກຸ່ມແມ່ຍິງອາຊຽນ ກ່ຽວກັບການໄກເກ່ຍ.
ທ່ານ ໂດຮຸງວຽດ ເຊື່ອໝັ້ນວ່າບັນດາການແບ່ງປັນຢູ່ກອງະຊຸມສຳມະນາຈະຊ່ວຍບັນດາກະຊວງ, ຂະແໜງການ, ທ້ອງຖິ່ນ, ບັນດາອົງການຈັດຕັ້ງສັງຄົມຂອງ ຫວຽດນາມ ມີຮູບພາບສັງລວມ ກ່ຽວກັບຄວາມມານະພະຍາຍາມປະຕິບັດໂຄງການດຳເນີນງານແມ່ຍິງ, ສັນຕິພາບ ແລະ ຄວາມໝັ້ນຄົງ, ໃນນັ້ນມີບັນດາໂຄງການກະທຳແຫ່ງຊາດ, ເພື່ອຈາກນັ້ນ ມີການແລກປ່ຽນ, ເປັນເສນາທິການກ່ຽວກັບບັນດາມາດຕະການທີ່ເໝາະສົມທີ່ສຸດກັບຫວຽດນາມ.
ທ່ານນາງ Rana Flowers ຖືວ່າ ແມ່ຍິງ ຫວຽດນາມ ນັບມື້ນັບມີການປະກອບສ່ວນເຂົ້າໃນພາລະກິດຮັກສາສັນຕິພາບຂອງ ສປຊ ຫຼາຍກ່ວາອີກ. ຫວຽດນາມ ມີຜູ້ແທນ 75 ຄົນໃນນັ້ນມີແມ່ຍິງເຂົ້າຮ່ວມພາລະກິດແຫ່ງການຮັກສາສັນຕິພາບຢູ່ຫຼາຍສະຖານທີ່ໃນໂລກ, ໃນນັ້ນມີໂຮງໝໍກາງສະໜາມ 11 ແຫ່ງ.
ບຸນຄົງ
