| ຍູ້ແຮງການໂຄສະນາ, ຂົນຂວາຍ, ໜູນຊ່ວຍຊາວກະສິກອນພັດທະນາເສດຖະກິດ, ສ້າງຊົນນະບົດໃໝ່ | |
| ມຸ່ງໄປເຖິງການຟື້ນຟູ ແລະ ພັດທະນາແບບຍືນຍົງ |
 |
| ທ່ານລັດຖະມົນຕີກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ຫວຽດນາມ ເຈິ່ນຮົ່ງຮ່າ. ພາບ: TTXVN |
ດ້ວຍຫົວຂໍ້ “ຮ່ວມມືແກ້ໄຂບັນດາສິ່ງທ້າທາຍ ແລະ ຊຸກຍູ້ການພັດທະນາລວມ”, ເວທີປາໄສແນໃສ່ສືບຕໍ່ເພີ່ມທະວີການເຈລະຈາດ້ານນະໂຍບາຍ, ແລກປ່ຽນເຕັກນິກ ແລະ ແບ່ງປັນປະສົບການໃນຂົງເຂດຄຸ້ມຄອງຊັບພະຍາກອນນ້ຳລະຫວ່າງບັນດາປະເທດສະມາຊິກ; ເພີ່ມທະວີການປະຕິບັດບັນດາຂໍ້ຕົກລົງຂອງການນຳຂັ້ນສູງການຮ່ວມມືແມ່ນຳ້ຂອງ - ລ້ານຊ້າງ ແລະ ບັນດາຂໍ້ຕົກລົງທີ່ບັນດາກອງປະຊຸມລັດຖະມົນຕີ, ຊຸກຍູ້ການປັບປຸງຊີວິດການເປັນຢູ່ຂອງປະຊາຊົນໂດຍຜ່ານການຮ່ວມມືຊັບພະຍາກອນນໍ້າຂອງ-ລ້ານຊ້າງ.
ກ່າວຄຳເຫັນທີ່ເວທີປາໄສ, ທ່ານລັດຖະມົນຕີກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ຫວຽດນາມ ເຈິ່ນຮົ່ງຮ່າ ໃຫ້ຮູ້ວ່າ ອ່າງນຳ້ຂອງ-ລ້ານຊ້າງ ເຊິ່ງເປັນບ່ອນທີ່ມີປະຊາກອນຫຼາຍກວ່າ 60 ລ້ານຄົນ ກໍາລັງປະເຊີນກັບສິ່ງທ້າທາຍທີ່ໜັກໜ່ວງຫຼາຍຂຶ້ນ ເຊັ່ນ: ການຂາດແຄນຊັບພະຍາກອນ, ສິ່ງແວດລ້ອມຖືກຊຸດໂຊມ, ການສູນເສຍຊີວະນາໆພັນ... ພຽງແຕ່ປະຕິບັດພ້ອມກັນ ແລະ ທັນການເທົ່ານັ້ນຈຶ່ງສາມາດຜ່ານຜ່າບັນດາສິ່ງທ້າທາຍດັ່ງກ່າວ ແລະ ປົກປັກຮັກສາຄວາມຈະເລີນຮຸ່ງເຮືອງ ແລະ ວັດທະນາທຳລວມ, ທ່ານລັດຖະມົນຕີກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ເຈິ່ນຮົ່ງຮ່າ ໃຫ້ຮູ້.
ທ່ານລັດຖະມົນຕີກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ເຈິ່ນຮົ່ງຮ່າ ເນັ້ນໜັກວ່າ: ການນຳຂັ້ນສູງການຮ່ວມມືແມ່ນ້ຳຂອງ - ລ້ານຊ້າງ ຕ້ອງສ້າງແຜນການພັດທະນາສັງລວມ ແລະ ຍືນຍົງ ໃຫ້ແກ່ທົ່ວເຂດອ່າງເກັບນ້ຳ ບົນພື້ນຖານພິຈາລະນາບັນດາເງື່ອນໄຂຢ່າງລະອຽດ ແລະ ຜົນປະໂຫຍດຂອງແຕ່ລະປະເທດສະມາຊິກ, ເພີ່ມທະວີການພົວພັນຄູ່ຮ່ວມມືລະຫວ່າງບັນດາລັດຖະບານ ແລະ ບັນດາຝ່າຍທີ່ກ່ຽວຂ້ອງ, ລວມທັງບັນດາອົງການຈັດຕັ້ງພາກພື້ນ ແລະ ສາກົນ, ປະຊາຄົມວິທະຍາສາດ, ວິສາຫະກິດ, ສັງຄົມພົນລະເຮືອນ. ບັນດານະໂຍບາຍ ແລະ ການກະທຳ ກ່ຽວກັບການຄຸ້ມຄອງຊັບພະຍາກອນນ້ຳ ແມ່ນເໝາະສົມກັບບັນດາເປົ້າໝາຍຂອງການນຳຂັ້ນສູງໃນການຮ່ວມມືແມ່ນ້ຳຂອງ - ລ້ານຊ້າງ ແມ່ນການຟື້ນຟູພື້ນຖານເສດຖະກິດຂຽວພາຍຫຼັງໂລກລະບາດໂຄວິດ - 19, ພັດທະນາແບບຍືນຍົງບົນພື້ນຖານບັນດາເປົ້າໝາຍພັດທະນາແບບຍືນຍົງ ຂອງ ສປຊ ແລະ ບັນດາຄຳໝັ້ນສັນຍາທີ່ໄດ້ຍົກອອກມາຢູ່ກອງປະຊຸມຄັ້ງທີ 26 ຂອງບັນດາຝ່າຍເຂົ້າຮ່ວມສົນທິສັນຍາແມ່ ຂອງ ສປຊ ກ່ຽວກັບການປ່ຽນແປງຂອງດິນຟ້າອາກາດ (COP26).
ທ່ານລັດຖະມົນຕີກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ເຈິ່ນຮົ່ງຮ່າ ຢືນຢັນວ່າ ດ້ວຍຖານະເປັນສະມາຊິກທີ່ຕັ້ງໜ້າ ແລະ ມີຄວາມຮັບຜິດຊອບ, ຫວຽດນາມ ໃຫ້ຄຳໝັ້ນສັນຍາຈະສົມທົບກັນຢ່າງແໜ້ນແຟ້ນກັບບັນດາປະເທດ ເພື່ອປະຕິບັດບັນດາຂໍ້ຕົກລົງຂອງການນຳຂັ້ນສູງສຸດຂອງບັນດາປະເທດສະມາຊິກ, ຊຸກຍູ້ການຮ່ວມມືກັບບັນດາຄູ່ຮ່ວມມື ເພື່ອໃຫ້ແມ່ນ້ຳຂອງ - ລ້ານຊ້າງ ກາຍເປັນແມ່ນ້ຳແຫ່ງວັດທະນະທຳທີ່ອຸດົມສົມບູນໄປດ້ວຍເອກະລັກ, ການເຊື່ອມໂຍງ, ແຫ່ງນໍ້າໃຈມິດຕະພາບ ແລະ ການຮ່ວມມື, ການເຊື່ອມໂຍງ ແລະ ພັດທະນາ.
ທ່ານລັດຖະມົນຕີກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ເຈິ່ນຮົ່ງຮ່າ ເຊື່ອໝັ້ນວ່າ ໝາກຜົນການປຶກສາຫາລືທີ່ເວທີປາໄສຈະນຳມາເຊິ່ງບັນດາສານ ແລະ ບັນດາຂໍ້ສະເໜີແນະທີ່ສໍາຄັນ, ບັນດາປະເທດສະມາຊິກທັງໝົດຈະຮ່ວມມືກັນຫັນບັນດາສິ່ງທ້າທາຍໃຫ້ກາຍເປັນກາລະໂອກາດພັດທະນາໃໝ່, ຢືນຢັນວິໄສທັດລວມ, ຕັດສິນໃຈເພື່ອອ່າງນ້ຳທີ່ຍືນຍົງ ແລະ ວັດທະນາຖາວອນ…
ໄຊພອນ
