| ກອງປະຊຸມອອນລາຍ ຄັ້ງທີ 17 ຂອງບັນດາການນໍາຕໍາຫຼວດທະເລບັນດາປະເທດອາຊີ | |
| ກະກຽມກອງປະຊຸມສຳມະນາແຫ່ງຊາດ “ຮັບປະກັນອະທິປະໄຕແຫ່ງຊາດທາງເຄືອຂ່າຍອິນເຕີເນັດ”. |
 |
| ກອງປະຊຸມສຳມະນາແບບທາງໄກກ່ຽວກັບຫົວຂໍ້ ປະທານໂຮ່ຈີມິນ ກັບພັກກອມມູນິດ ຝລັ່ງ ແລະ ນະຄອນ Marseille (ພາບ: TTXVN) |
ສະຫາຍ ຫງວຽນຈ້ອງເງ້ຍ, ເລຂາທິການສູນການພັກ - ຫົວໜ້າຄະນະໂຄສະນາສຶກສາສູນກາງ ແລະ ສະຫາຍ Elian Axaxi, ກຳມະການກົມການເມືອງພັກກອມມູນິດ ຝລັ່ງ - ສະມາຊິກສະພາສູງ - ປະທານກຸ່ມລັດຖະສະພາພັກກອມມູນິດ ຢູ່ ສະພາສູງຝລັ່ງ ໄດ້ຮ່ວມເປັນປະທານກອງປະຊຸມສຳມະນາ.
ເຂົ້າຮ່ວມມີ ການນຳບັນດາອົງການຂອງສອງພັກ, ບັນດານັກຄົ້ນຄ້ວາ, ສະມາຊິກພັກໜຸ່ມ ພ້ອມກັບຜູ້ຕາງໜ້າບັນດາທ້ອງຖິ່ນ ຂອງສອງປະເທດຢູ່ບັນດາສະຖານທີ່ເຊື່ອມຕໍ່ຖ່າຍທອດສົດ.
ກ່າວຄຳເຫັນໄຂກອງປະຊຸມສຳມະນາ, ສະຫາຍ ຫງວຽນຈ້ອງເງ້ຍ ໄດ້ເນັ້ນໜັກວ່າ ກອງປະຊຸມສຳມະນາມີຄວາມໝາຍສຳຄັນ ກັບທັງສອງພັກ ແລະ ແມ່ນໂອກາດ ເພື່ອໃຫ້ສະມາຊິກພັກ, ຊາວໜຸ່ມຂອງສອງປະເທດລຸ້ນຕ່າງໆ ພ້ອມກັນຫວນຄືນ ແລະ ມີຄວາມຮັບຮູ້ກ່ຽວກັບບົດບາດຂອງປະທານໂຮ່ຈີມິນ ກັບພັກກອມມູນິດ ຝລັ່ງ ແລະ ການພົວພັນພິເສດ ລະຫວ່າງສອງພັກຢ່າງເລິກເຊິ່ງກ່ວາອີກ, ຫຼໍ່ຫຼອມອຸດົມຄະຕິປະຕິວັດໃຫ້ແກ່ຄົນລຸ້ນໜຸ່ມ, ຫວນຄືນວິວັດການເຊິ່ງ ຫງວຽນອ໊າຍກວັກ ຈາກຊາວໜຸ່ມທີ່ເຕັມໄປດ້ວຍຄວາມຄາດຫວັງກູ້ຊາດ ກາຍເປັນນັກກອມມູນິດ, ນັກລະດົມຂົນຂວາຍການປະຕິວັດຜູ້ຍິ່ງໃຫຍ່ ແລະ ນັກວັດທະນະທຳທີ່ບໍ່ພຽງແຕ່ແມ່ນຂອງ ຫວຽດນາມ ເທົ່ານັ້ນ ຫາກຍັງຂອງໂລກອີກດ້ວຍ.
ກອງປະຊຸມໄດ້ປະກອບສ່ວນຜັນຂະຫຍາຍບົດສະຫຼູບ 01-KL/TW, ລົງວັນທີ 18 ພຶດສະພາ ປີ 2021 ຂອງກົມການເມືອງ ກ່ຽວກັບການສືບຕໍ່ປະຕິບັດຄຳສັ່ງເລກທີ 5-CT/TW, ລົງວັນທີ 15 ພຶດສະພາ ປີ 2016 ຂອງ ກົມການເມືອງຊຸດທີ XII “ກ່ຽວກັບການຍູ້ແຮງການຮ່ຳຮຽນ ແລະ ປະຕິບັດຕາມແນວຄິດຄຸນສົມບັດຂອງປະທານໂຮ່ຈີມິນ”.
ທີ່ກອງປະຊຸມສຳມະນາ, ບັນດານັກຮຽນຮູ້ ຫວຽດນາມ ແລະ ຝລັ່ງໄດ້ສະເໜີບັນດາບົດຄົ້ນຄ້ວາ ກ່ຽວກັບຄວາມໝາຍປະຫວັດສາດຂອງໄລຍະລຸງໂຮ່ ຢູ່ ຝລັ່ງ ແລະ ບັນດາການປະກອບສ່ວນຂອງໂຮ່ຈີມິນກັບພັກກອມມູນິດ ຝລັ່ງ, ພິເສດແມ່ນນະຄອນ Marseille, ວິວັດການຈາກລັດທິຮັກຊາດມາຮອດລັດທິກອມມູນິດ, ໂຮ່ຈີມິນ ດ້ວຍວັດທະນະທຳຝລັ່ງ ແລະ ບັນດາເພື່ອນມິດຊາວຝລັ່ງ, ການຕໍ່ສູ້ຂອງກຳມະກອນ, ນາຍຊ່າງປະຈຳເຮືອນ, ກອມມູນິດ ຢູ່ Marseille ແລະ ບັນດາເຂດໃກ້ຄຽງຕ້ານລັດທິຫົວເມືອງຂຶ້ນ ເຊິ່ງສະແດງໃຫ້ເຫັນນ້ຳໃຈສາມັກຄີກັນສາກົນ ກໍ່ຄືບັນດາບົດຮຽນໃຫ້ແກ່ຊາວໜຸ່ມ ແລະ ສະມາຊິກພັກລຸ້ນໜຸ່ມຂອງສອງພັກ ໃນມື້ນີ້.
ບຸນຄົງ
